حملة لا للظلم : فيما يتعلق بالجدول النهائي للطالبات !!!!!

[sun-rise]

بعد التحية والسلام أحب أن أطرح تساؤلا كبيرا عن آلية وضع جدول الامتحانات النهائية -خصوصا للسنة التحضيرية - وبالأخص للبنات

إنه في وجهة نظري لمن الخارق لقوانين الطبيعة البشرية إننا نختبر الاختبارات النهائية لكل مادة يوم ورا التاني !!!!! دا إحنا ما صدقنا نفتك من الضغط اللي كنا ننضغطو في أيام الثانوي في أسبوعين متواصلة من الاختبارات , أصلا ما في مجال للمقارنة بين اللي درسناه أول واللي دحين بندرسو , أي نعم المواضيع نفسها بس طريقة عرض المعلومة مختلفة تماما ! فمن الطبيعي بل من المنطق إنو طالما كتبنا في هادي السنة أضعاف مضاعفة من اللي كنا ناخذو في الثانوي , دا غير إنها بالإنجليزي وهادا تحدي ثاني بالنسبة لنا . وطالما إنو الإختبار النهائي رح يكون شااااااااااااااااااااااااامل للترم كامل , وهنا أسمحولي أقول إنو هادا عبط !!!!! المفروض خلاص شي اختبرنا فيه , خلاص , فنيتو , نعدي عاللي بعده -وجهة نظر خاصة -فبالتالي لازم احنا البنات ما نيأس أبدا , ونخلي أملنا بالله كبير , ونرفع أصواتنا وأيادينا معترضين وبكل قوة لهذا الظلم قبل أن يفوت الأوان !!!!!!!!!! وقبل ما نقرب من موعد الامتحانات أكثر وأكثر !!!! ,
لازم من بكرة -إن شاء الله- نكلم العمادة والأستاذات , ونقنعهم بإنو الجدول بهذه الطريقة حيتعبنا نفسيا ومعنويا وذهنيا وفكل شي , وحا نقدر نركز على ولا مادة بهادي الطريقة !!! حتى لو نكتب خطاب للعمادة بطلب جعل أيام تفصل بين المواد أقلها يوم واحد بين كل مادة والتانية . ونمرر الخطاب على جميع الشعب المختلفة عشان نوقع بالموافقة الاجماعية .. وأنا أستغربت من اللي يبغوا يقدمو الاختبار للخميس ؟!؟
يابنات كل ما كان الموعد أبعد كل ما كان هادا فصالحنا ...
عموما : نبغى نطلع بإذن الله بنتيجة فعلية ونقنع العمادة بضرورة جعل أيام راحة بين كل اختبار و الثاني . ولا عز الله رحنا فيها !!!
وإن شاالله لا يضيع حق وراءه مطالب ... وقت الكلام راح , جاه وقت الفعل.....ما باقي وقت !!! الرجاء من كل المستائين من الجدول , يعبروا عن رأيهم , ويدعموا الحملة .

[Mr.apple]

الله يعينكم ويوفقكم وينصركم ع الجهله

انتو بس زنوو على راسهم والله تاخدو اللي تبغوه هيا كدا الجامعه ازا ما تاخدو حقكم بنفسكم محد ح ياخدلكم هوا

< سرلو كم موقف خراا مع الجامعه دي

صدقيني ح تتعدل بس برضو انتو كمان اجرو وراهم لا تخلوهم يتهنو كل شويه رايحين جيين عليهم

والله تطلعو بنتيجه

.
.
.

[زينه العبدالله]

فكرتك حلوه مررره ...بس إذايخلوا لنا يوم بعد يوم بتاريخ 8/2 ما أظن يريضوا ..لكن لو قدمناها شوي ممكن ..
بس يا حبيبتي أستاذتنا قالت لنا الجدول لسه مانزل ..وهما قالوا لنا انو راح يكون في فاصل بين الأيام ..الله يستر كل شوي يغروا حاجه .بس إحنا لازم نكلمهم قبل لا ينزل الجدول.

[SO0OMH]

من جد مرررره ظلم انا مستعده اكتب معااكم
وربي انا بس الدوري واحس انو مخي حينفجر
ما اقول غير حسبي الله ونعم الوكيل

[رونه]

كلامك 100%

بس ابغى ازود شي عليه يعني مثلا الكيميا لو يحذفو شبترين وزي كدا يخففو علينا

<<بحلم صح

[حگآيـــة طمۈح..~]

المشاركة الأصلية كتبت بواسطة sun-rise لازم من بكرة -إن شاء الله- نكلم العمادة والأستاذات , ونقنعهم بإنو الجدول بهذه الطريقة حيتعبنا نفسيا ومعنويا وذهنيا وفكل شي , وحا نقدر نركز على ولا مادة بهادي الطريقة !!! حتى لو نكتب خطاب للعمادة بطلب جعل أيام تفصل بين المواد أقلها يوم واحد بين كل مادة والتانية ..

صح كلامك يآقلبي لازم نبدا من بكرآ ولا راح يكوون مصيره مصير الاشياء اللي فاتت زي الاختبارات والاجازات والسيل والمطر محد سمع لنا .. ولازم علينا انو كل مجموعه بنات يروحوا العماده وبنات وراء بنات ومع الالحاح ان شاآء الله يوافقوو .. ويآرب وفقناأآ ..

واناأ ان شآء الله من بكرآ راح ارووح للعمادة واكلم أستاذاتي..

[..ريما..]

الله يساعدنا

القرار بيدكم يابناات الجامعه

احنا عنا في الفرع كل ماقلنا لهم حاجه

قالو مو من عندنا من الجامعه

بالتووفيق

[BERO WoOoW]

حسبي الله ونعم الوكيل
لا تعليقققققققققققققققق

[ime149]

الله يعين ياقلبي

ان شاء الله نحاول ومايضيع حق وراه مطالب

لجين

[hamaj]

مرحبا بكم في جامعة عزوز





( بالتوفيق ......... والله من جد صعبة ولازم ما تسكتو )