سنتكم التحضيرية وسنتنا التحضيرية للكليات الصحية !

[belleza bonita]

السلآم عليكم

هاي ايفري باااري .. كل سنآ وانتو طيبين بمناسبة السنآ الجديده

يارب تكون سنة خير علينا وعليكم ونوصل فيهآ للي نبغاه

اول حاجه انا من طالبات جامعة طيبة .. ادرس سنة تحضيرية تبع الكليات الصحية

وان شاء الله طب ع نهاية السنآ

الي سمعتو انكم هنا بتدرسو المواد العلمية كلها للسنآ التحضيرية ومافي كلية محددة تنتسبو ليها وح يكون التسكين في الكليات ع حسب المعدل

طيب انا اهلي ح ينقلو ع جده ع بدآية السمستر التاني .. ومضطرة أكون معاهم ..

لو مسلا انا جيت .. ح ادرس سنتكم التحضيرية دي الي عايمآ ع بعضها ؟؟

ولا ح ادرس في كلية الطب .. ولا ايش ح يكون وضعي بالزبط؟

وازا الهرجة هرجة معدل كم لازم يكون معدلي هدا السمستر ؟

ولا لازم اكمل السنه اول واتسكن في الطب بعدين احول على عبد العزيز؟؟

طيب عشان الساعات تبعي تتحسبلي هنا ولا لا ؟ والمواد الزياده والمواد الناقصه اش ح يسير فيها ؟

بصراحة صعبة اكمل السنآ من غير أهلي وبنفس الوقت صعبة اجي وادرس السنة التحضيرية تبعكم من اول وجديد ويا تزبط معايا يا لأه

وكمان صعبة تضيع مني سنآ ع الفاضي !!

ياريت احد يجاوبني لأنو اكيد كلكم فاهمين الوضع كيف صعب ..

شوكريا مقدما

[HandsomeBoy]

هاأأي..
اذا تبي الصراحة محد راحـ
ييقدر بفيدكـ اكثر منـ عمادة التسجيل والقبولـ
وهذا رابطهمـ http://admission.kau.edu.sa/
راسليهم وانشاالله يفيدونك]--
والله يوفقكـ
وانشاالله ما اكونـ قصرت معاكي

سيـ،يو

[Heba EB]

إمـا إنك تراسلي عمادة القبول والتسجيل في جامعة الملك عبدالعزيز
أو تجـي للعمادة نفسها في شطر الطالبات وتسألي عن وضعك

[miss-rahaf]

الافضل تسالي بنفسك

بس نصيحه

مادام انتي الان ضامنه حتكوني تخصصات طبيه (( ان شاء الله طب ))

لاتخرجي .. استحملي سميستر واحد ..ووبعدين اتوقع سهل نقولك للطب مبااشره
لان لو جيتي هنا

حتلاقي قدامك سنه تحضيريه

وبعدين تختاري تخصصك على حسب المعدل
والطب عشان تدخلي لازم تكوني ضامنه 5 من 5
او 4.80