هام يا شباب وياليت تفيدنا .,.نيــــــــــــــــــــران.,.

[أبو رسيل]

السلام عليكم

كيف حالكم جميعا

تعبنا حنا الشباب وحنا نصارخ نبي مساعدات من اي واحد حضر الدورات التأهلية

خصوصا المستوى الثالث لإدارة الاعمال

واعتقد ان المسارات مثل المواد المقرره

ونلاحظ ان اكثر اللي محدد المحذوف والمقرر هم جنس البنات

واللي اعرفه انه فيه فرق بين البنات والشباب بالاختبارات والاساتذة والاسئلة

ياليت اختنا .,.نيــــــــــــــــــــران.,. تفيدنا هل فعلا فيه فرق ؟؟؟


بصراحه تعبنا وحنا ندور عن المفردات والمحدد

واذا تعرفون احد الشباب اللي حضر الدورات خلوه يفيدنا والله ما راح ينسى تعبه ابد

واذا مو فاضي للكتابة يراسلني وان شاء الله اسوي اللي اقدر عليه

بس بجد اكثرنا متوهق خصوصا البعيدين عن الجامعة



بإنتظاركم يالغالين وهذا ثاني موضوع اكتبه ابي رد


لكم تحياتي

[.,.نيــــــــــــــــــــران.,.]

وعليكم السلام ورحمة الله وبركاته

اتمنى جدا من الطلاب التعاون مع بعض ويفردون مواضيع مثل سابقيهم ولا شك أن في ذلك تفريج كربة على مسلم ومن فرجها فرج الله عليه ،،

حقيقة مفردات المادة هي الفاصل في المقرر والمحذوف لذا من الافضل الرجوع إليها >>على حد علمي ان المفردات الدراسية جاهزة في الاودس لكم ..

لا أنصح بالاعتماد الكلي على مواضيع الطالبات ، ممكن تستفيدون من محاضراتهم في الشرح وهكذا

آمل من الله القدير التوفيق لكم

[أبو رسيل]

ألف الف شكر لك على الرد والمساعدة

وكنت اتمنى نشوف ردود من الشباب اللي حضرو الدورات التأهيلية

من ناحية المفردات

فيه بعض المواد المفردات غير الفهرس او بالعربي ناقص كثير

واحس من المستحيل انهم يحذفون اكثر من نص الكتاب

وغير كذا بعض المفردات على الطبعات القديمة

وهذا اكبر مشكلة


ياليت نلقى مساعدة الله يعطيكم العافية يارب

تحياتي

[odus]

ابو رسيل جيت على الجرح انا احس فيه انانيه من بعض الطلاب مهو اكثر من كذا

وين طلاب جده المنتسبين معقوله ماحضروا الدوره التأهيليه

[أبو رسيل]

odus

الله يعطيك العافية يارب على المشاركة

واتمنى مع نهاية جميع الدورات التأهلية نحصل على شي من المنتسبين

والله جلست احاول ادور بكل المواضيع او المنتديات او اي مكان احدد فيه المحذوف خصوصا بالتحليل الكمي 2

ولا فيه فايدة ابد

ولكن ان شاء الله يجي وقت ونشوف المنقذ

ادعو لنا بس

:)

تحياتي لك يارب