سوال يحتاج الاجابه ضروري؟

[فراشة غامد]

السلام عليكم ورحمه الله وبركاته
يعطيكم العافيه جميعا
بس حابه اعرف هل دخول الامتحان يوم الاربعاء ضروري او لا؟
واذا كان لابد من دخول الامتحان لازم اسجل عن طريق الموقع واسدد الرسوم؟
وهل هو شرط لدخول الامتحان القادم امتحان المفاضله؟
ويعطيكم الف الف عافيه.

[وطن KSA]

^^
شوفي يابعدهم ..

انتي تقصدين اختبار اللغة اللي بيكون يوم الأربعاء 29/12/1430هـ

هذا لازم تدخلية اذا كنتي مقدمة ع الماستر
والتسجيل عن طريق موقع العمادة وتسديد البنك يكون يدوي عن طريق فرع سامبا للسيدات في جامعة الملك عبدالعزيز- شطر الطالبات

بالتأكيد اختبار اللغه هذا اللي هو بديل التوفل شرط لدخول المفاضلة ع الماستر .. وترا فيه اختبار قبول يحدده القسم اللي مقدمة عليه ماجستير ..

اتمنى أكون أفدتك ..
طبعاً كلامي هذا من واقع تجربة .. لي السنه الماضية

وفقك الله وسدد خطاك يالغلا..

[فراشة غامد]

يعطيك الف الف عافيه خيتوووو
مشكوره على الاجابه
والله يعين الجميع ان شاءالله.

[#amal#]

يعني الاختبار ضروري مو يقولون فيه دوره لكلية الاداب بعد القبول؟؟؟؟؟؟؟؟؟؟؟؟

[فراشة غامد]

والله انا جاني صداع من كثر مااقرا هنا بس نفسي اتاكد
هو اذا مادخلت الاختبار واخذت الدوره بعد القبول عادي
لاني بصراحه ماابغى ادخل نهائيا الاختبار عارفه نفسي ماراح اجيب
درجه حلوه بس رد يريحني بليزززززز):

[عماد الحسن]

الله يعينكم على العلم وتعبه...

تسجيل التوفل 1430هـ على الموقع http://graduatestudies.kau.edu.sa/co...www.kau.edu.sa

واللي ما لهم رغبة في الاختبا يمكن التسجيل في الدورة لكن بعد القبول النهائي ، حيث تعطيهم الكلية فرصة لإنهاء الاختبار أو دورة الإنجليزي وكل واحد ورأيه. ولكن أذكر كم بان الاختبار أفضل وأسرع من الدورة.

[فراشة غامد]

يعطيك العافيه اخ عماد بجد ماقصرت
الله يريح بالك زي ماريحتني.
مشكور.

[d.m.c]

بمعنى ان الاختبار يوم الربوع ماراح يأثر على فرصة قبولي من عدمه لاني من خارج جده وماني ضامنه ان اجي الاربعاء؟؟؟؟

[MISS EZ3AG]

ما أظن إنه ضروري .. لو كان ضروري كانوا عطوا قسم الجغرافيا وجه وبلغوهم ع الأقل بوجود اختبارين