نظرية التنظيم وتنمية الموارد البشريه

[مجنون الجامعه]

مساء الخير كيفكم إن شاء الله بخير حبيت آخذ رأيكم في المواد التي نزلت لي وحاب ارفع معدلي لكن فزعتكم :
أساليب وطرق العمل
نظرية التنظيم 221
قانون إداري 230
تنمية موارد بشريه312
سلوك تنظيمي 322

وش رايكم في المواد هذي
مبادئ العلوم السياسيه
تطوير تنظيمي
اقتصاد جزئي 101
عطوني رايكم في المواد وش انزل فزعتكم وجزاكم الله خير

[الديوان]

للأمانه أنا أختبرت مادة مبادئ العلوم السياسية بصراحه مره خطييره وممتعه أذا انك هاوي سياسه
وملخصها ومعلوماته معروفه ويمكن يومياً تسمع فيها
أما المواد الباقيه اسمحلي مقدر افتيك في شي لأنها مامرت علي

اتمنى افدتك باللي عندي
وتحياتي الخاصة

[rana]

اذا تحب الرياضيات .. الاقتصاد الجزئي سهل

ذاكر من كتاب الدكتور يحيى محبوب

مارح تحتاج لخصوصي .ان شالله


بالتوفيق

[مجنون الجامعه]

يعطيكم العافيه وماقصرتوا

[أسامة الغامدي]

عزيزي مادة القانون الإداري
من أصعب مواد القانون يعني لا تستهين فيها،،، أنا عديت فيها لكن بصعوبة جداً أنا ما أخوفك لكن لا تستهين فيها!

[سعود العبيد]

نظرية التنظيم


مااخوفك ...لكن صعبه جد" ..



بس لو تذاكرها جيد" راح تعديها



سلوك تنظيمي

ماده سهله ..ولكن تلاحظ تشبه مادةالتطوير التنظيمي


اقتصاد الجزئي جدط صعب ..ويبيله معلم


السياسه ...ماده دسمه ..



وخذها قاعد ه



مافيه شي..



عليك بالدعاء..والاجتهاد .



والله يوفقك

[تسلل]

تبي العلم
كلها سهلة
الا تنمية الموارد البشرية
كتابها تقريبا 600 صفحة
اذا شفته يغما عليك

[امل عطشان]

المشاركة الأصلية كتبت بواسطة تسلل تبي العلم كلها سهلة الا تنمية الموارد البشرية كتابها تقريبا 600 صفحة اذا شفته يغما عليك

والله انك صادق قريت تقريبا 200 صفحه بعدين حسيت ان المخ بدا يتغير وحسيت ان اسلاك داخل راسي بدات بالفصل عن بعضها ولا ادري وش المطلوب من الماده والمشكله عندي ملخص للماده لحسن الطيار وملخص من مكتبه دار الهدى ولاادري وش اذاكر بس بصراحه الكتاب مليت منه ومالي الا الملخصات
اتمنى من اي شخص اختبر ماده موارد بشريه اعطاء نصائح لنا وله جزيل الشكر

[يآرب مآخآب من ترجآك]

\سلوك تنظيمي 322
يقولون تافهه بس انا مااحس انا ماخذتها هالسنه

وش رايكم في المواد هذي
مبادئ العلوم السياسيه
ممتعه جدا بس صعبه جدا ويبغاله تركيز وحفظ مايمديك اعتقد خصوصا الاسئله من بين السطور
تطوير تنظيمي
مااعرفه
اقتصاد جزئي 101
بالنسبه لي صعب لاني مااحب الرياضيات

[alsoltan]

موادك كلها إن شاء الله سهله
ولكن عندك الاقتصاد الجزئي يبيله شويت تركيز
ومادة القانون الاداري لازم تقراء الكتاب وتركز
ونصيحه لك ولغيرك
(( إذا نويت تنزل مادة اعتمد على الدكتور اللي يعطي المادة عن طريق الشعب لأن بعض الدكاتره ممتازين ويسهلون المادة ويدفون الطلاب وبعضهم اعوذ بالله منهم قلق يصعبون المادة حتى لو كانت سهله ولا يدفك ولا بنص درجه ))