الاختبارات قربت وأحنا وش سوينا

[كروز1]

السلام عليكم ورحمة الله وبركاته

وكل سنة وانتم طيبين
ومن العايدين اعاده الله علينا وعليكم بالصحه والعافية

عندي بعض الاسئلة :

س/هل دكاترة طلاب الانتساب هم انفسهم دكاترة طلاب الانتظام؟ يعني ممكن تكون اسئلة الانتظام والانتساب نفس بعض وممكن نتبادل المعلومات فيما بيننا؟

س/ ممكن احد يقوللي الى اي صفحة وصلوا طلاب الانتظام في المنهج مثل (الثقافة الاسلاميه _ واللغة العربية_ والرياضيات_ والحاسب ) لطلاب السنة التحضيرية خطه(أ)؟

لأنها معلومات مهمه لطالب الانتساب حتى يمشي معهم في المنهج كما لو هو طالب منتظم .

س/بالنسبه لمنهج خطه (أ) هل فيه معلومات عن حذف في بعض الوحدات من كل مقرر؟ هل فيه ملخصات موثوق فيها نزلت جديده ؟

لأنه مثلكم عارف يقولون مقررات السنه هذي تختلف عن السنوات الماضيه واكيد الملخصات القديمه ما منها فايده .

اخواني اتمنى ان تنتبهوا للوقت ترى الايام تركض ركض للأختبارات اتمنى ان تدركوا ذلك.
من لديه اسئلة للسنوات الماضية لا يبخل علينا , من لديه ايه معلومات جديد تخص المقرر ايضا لا يبخل علينا.

هذا ولكم احترامي اخوكم كروز1

[نايف الحميداني]

وانت بصحه وسلام يالغالي

انا خطه أ واحس اني ملخبط مخي مادري وش اسوي الكتب مافهمت شي بس قاعد اقرا ^_^ يعني لاهنتم اي شي محذوف او محدد يسارع ويفزع لنا

ولكم تقديري واحترامي ..

[Zanetti]

الله يسهل ,,

الوضع ,, ضياع في ضياع ,,

[ليكن ماتظن]

من شاف مصيبة غيره هانت عليه مصيبته ابشركم لا كتب شريت ولا ناوي اشتري كتب ومعتمد على الملخصات

والمنتدى هذا ضيعني لاملخصات ولا كتب ولا اي شي وعسى الله يعين ضياااااااااااااااااااااااااااااااااااااااااااااااا اااااع

[منصور الصائغ]

انصحكم انكم تشترون ملخص الخطه المنتسب فيها الطالب


يعني تروح لإحدى المكتبات المتعاونه مع الجامعه في الرياض او جده


وتقولهم انا خطه (أ) وهم راح يعطونك الملخصات من الدوره نفسها



تحياتي

[ليكن ماتظن]

اخوي منصور المشكله مافيه ملخصات موثوق فيها اكثرها اجتهادات مكاتب لا اقل ولا اكثر

يعني مافيه ملخصات من طلاب الجامعه نفسهم والله ضعناااااااااااااااااا

[سراب ومن حولي ضباب]

اي والله صآآدق

أنا خطه ب .. لكن فيه وآآحد نصحني يقوول الكتب اللي نشريهآآ من الخوارزمي وغيرهاا مالها فايده

ويقوول انه يعرف مكتبه بجده ترسل الملخصآآت حقت المواد بـ 200 ريال << يعني نصف قيمة الكتب

صحيح المسأله مو مسأله فلووس >> بس على حسب كلامه انه استفااد من ملخصآآت المكتبه اللي يقول عنها أكثر من الكتب نفسهاا ....

مع العلم انه هو الحين آخر سنه بالجآآمعه

............................

صرآآحه للحين ما سويت شي .. ولا أعرف وش الطبخه

لكن برسل على المكتبه اللي يقوول عنها وبشري الملخصاات

والله يوفقكم ويوفقني ونعدي هالسنه على خيرر

,,,,,,,,,,

أخووكم .. خلووودي

[منصور الصائغ]

فيه مكتبات يرسلون طالب للدوره التحظيريه


وهذا الطالب هو اللي يكتب الملخص



يعني ملخصات من اروع الملخصات



من ناحيتي مريح راسي وماراح اذاكر الا من الملخصات

[ليكن ماتظن]

المشاركة الأصلية كتبت بواسطة منصور الصائغ فيه مكتبات يرسلون طالب للدوره التحظيريه وهذا الطالب هو اللي يكتب الملخص يعني ملخصات من اروع الملخصات من ناحيتي مريح راسي وماراح اذاكر الا من الملخصات

اوكي ماقلنا شي بس وين الملخصات الموثوقه وحنا بنشتريها ماعندنا مشكله بس اهم شي نفتك من هالسنه التحضيريه يالله دلنا على الملخصات الموثوقه

[كروز1]

المشاركة الأصلية كتبت بواسطة منصور الصائغ فيه مكتبات يرسلون طالب للدوره التحظيريه وهذا الطالب هو اللي يكتب الملخص يعني ملخصات من اروع الملخصات من ناحيتي مريح راسي وماراح اذاكر الا من الملخصات

والله اني مدري وش اقولكم ماودي احطم احد ولكن خلونا نتكلم بواقعيه هل المكتبات هذي فعلا راح ترسل طالب لحضور الدورة الـتأهيلية ولا كلام امامنا جايبين لهم كم ملخص ويقولون هذا ماحصل في الدورة التأهيلية .
النقطة الثانية / يقولون ان فيه دكاترة من الجامعة يضعون ملخصات لهم خاصه بمادتهم وموثوق فيها لأنها من صاحب الماده وتوضع عند مكاتب خاصة في جدة للبيع والدعوة فيها شويه استثمار لكن ماعلينا.
رجاء خاص لطلاب جدة وبعد نهاية الدورة التأهيلية ان تمروا على هذه المكتبات وتخبرونا عن صحة هذا الكلام.
ولكم احترامي