ضرووري.. ابغا احذف واضيف واحتاج بنات لهم سابق حضور مع الاستاذات الكويسين في المواد دي

[pink.20]

السلام عليكم ورحمة الله وبركاته


بناات من جد ابغا مساعدتكم


انا ابغا انزل دي المواد


قانون
محاسبه
ثقافه
عربي


عدد ساعاتها 11 ساعه كمجمل..

وحابه اعرف مين الاستاذات اللي مره كويس شرحهم في المحاسبه والعربي اهم شي


الله يخليكم لا تنطشو..وابغا اعرف كم الشعب اللي ممكن تكون فاضيه وتشمل استاذات كويسن


في الانتظار..

[pink.20]

بلييييييييييييييييييييييييييييز


فييييييييييييييييييييييييييييينكم

[pink.20]

اتنقل الموضوع

بدون رد او شي يريحني حرام عليكم

[دلــع نــآدر]

المشاركة الأصلية كتبت بواسطة pink.20 السلام عليكم ورحمة الله وبركاته بناات من جد ابغا مساعدتكم انا ابغا انزل دي المواد قانون < صبآح يقولو كويسه محاسبه < خذيهآ مع أنيسه ثقافه < سهله خذيهآ مع أي وحده عربي < مآ آعرف وحده معينة بس يقولو سهله كمآن =) عدد ساعاتها 11 ساعه كمجمل.. وحابه اعرف مين الاستاذات اللي مره كويس شرحهم في المحاسبه والعربي اهم شي الله يخليكم لا تنطشو..وابغا اعرف كم الشعب اللي ممكن تكون فاضيه وتشمل استاذات كويسن في الانتظار..

.....

[جنون انسانة]

الثقافة والعربي عايدي خذيها مع اي وحدة لانو في النهاية الاسئلة موحدة
والمواد سهلة

القانون طبعا مع امل شلبي تجنن الادمية دي
والمحاسبة مع صباح الغامدي

[نارا]

ياقلبو ليه 11 ساعة مو قليل؟
وبالنسبة لللاستاذات مدري والله علمي علمك لانو فنفس المستوى..

[موني!!]

يابنات الله يسعدكم الاقتصاد الجزئي

[pink.20]

كيف احذف واضيف مو فاهما شي

كيف يعني لها متطلب

وكيف اعرف الشعب وقد ايه متاح او لأ

بلييز

[.,.نيــــــــــــــــــــران.,.]

المشاركة الأصلية كتبت بواسطة pink.20 كيف احذف واضيف مو فاهما شي كيف يعني لها متطلب وكيف اعرف الشعب وقد ايه متاح او لأ بلييز

خذي ذا رابط يعلمك طريقة الحذف والاضافة:

http://www.skaau.com/vb/showthread.php?t=9147

كيف تعرفين انه لها متطلب؟
افتحي الخطة الدراسية للقسم في الاودس وحطي الماوس على المادة اذا طلع لها متطلب لازم تاخذين المتطلب اول
اذا اخذتي المتطلب تمام ضيفي المادة
اذا مالها متطلب ضيفي المادة

وممكن تعرفينه من الخطة حقتك اللي محطوطة في موقع الكلية على جنب كل مادة في اليسار في الجدول.


كيف تعرفين ان الشعبة متاحة؟
افتحي قائمة الشعب اذا لقيتي المادة لونها ازرق معناه متاح
اذا احمر معناه مقفلة وانتظري لين تخرج بنت منها
راقبي خانة الفعلي مثلا تكون في الشعبة 50 بنت من 60
اذا مقفلة يكون الفعلي 60 من 60

موفقة يارب

[pink.20]

مره شكرا ياحلوه
الله يسلمك يارب مره افدتيني


الله يحقق لك كل اللي تتمنيه
واتمنلي انه ربي يحقق لي اللي اتمناه :d
شكرا ياسكر