درجاتنا واللخبطه

[مظلومه دراسيا]

السلام عليكم ورحمة الله وبركاته
....
أسعد الله مساكم..

يعني الموضوع باختصار نبغى درجاتنا
وايش نسوي لو شكينا أنو غلط
فيه بنات بالعربي شكو بدرجاتهم
وحده قالولها 14 وطلعت 16
وحده قالولها 8 وطلعت 28>>>>>وربي قووووووويه أنا لو مكانها مدري اش بسوي
وحده قالولها 12 وطلعت 25
يعني بالله اش يتسمى هذا
لو البنات سكتو على نفسهم خلاص بينظلمو ومحد داري
يعني استاذتنا العربي جدا جدا جدا متفهمه الله يسعدها.. أستاذه سلمى ..
طبعا التعديل اللي في شعبتها بس من 14 لـ 16
الباقين في شعب ثانيه

وكل ماقلنا نبغى درجاتنا طنشونا
اللي تقول بعيد تصحيح واللي تقول بنزلها بالاودس
الرياضيات كل يوم تطلع لنا بعذر الاحد اللي بعد الاختبار قالت ماهي معاي اديكم هيا الثلوث
قلنالها الثلوث اختبار قالت تعالو اي وقت واعطيكم هيا
رحنا لها قالت أنا مو فاضيه
بعدين الاحد اللي فات(( أمس))بنزلها لكم بالاودس مقدر اعطيكم اياها
واليوم ماشفنا وجهها مررررررره
وبكره مليوووووووووون بالميه بتطلع عذر من أعذارها البايخه

والحل يعني؟؟
هل عشاننا في فرع يعني صار الاهمال لنا

[عذبة الأطباع]

هلا اختي..

والله كلنا مو عارفين ايش اللخبطه ذي؟! ويقولو جهاز التصحيح الآلي خربان

وكمان اي طالبه اذا نسيت فقره لو وحده بس ما ظللتها في ورقة الاجابة << يحسب لها الكمبيوتر انه الباقي كله مو

محلول

وفي بعض المواد حيرسلو نماذج اجابة الطالبات للجامعه عشان يصححوها!!

واستاذة سلمى الله يسعدها قالت حتعيد التصحيح وتدينا الدرجات بعد الاجازة*_*

* وعلى فكره يمكن تكوني في شعبتي في العربي انا في شعبة (ga)فرع السلامه

[ودق]

يؤيؤ

جبت 25 بالعربي

بس مع استاذه رضيه

يعني ممكن يكون غلط :(

[girl.k.s.a]

الله يكون في العوووووون ..

نحنا أخس منكم مو عشان فرع ..\\

السالفه في البشر نفسهم اللي في الجامعه ..

كل صحباتي شاكين في درجاتهم وأنا معاهم ..

مستحيل متأكدين إننا حلينا تماااااااااااااااااااااااااااام ,,

ما يصير الظلم .. أنا لازم أشوف ورقتي والله ما أسكت ،،

(( حسبي الله ونعم الوكيل .. ليش كدا لو ما حلوا فقرة تروح عليهم كل الأسئلة الباقيه ..

هادا الظلم بعييييييييييييييييييييييييييييييييييييييينهـ ,,))

[مظلومه دراسيا]

عذبه
من جد الله يسعدها دنيا واخره
قالت حتعيد واليوم سالناها متى ترد لنا قالت بعد الحج لاني حصححها بيدي عشان أتطمن عليكم
أنا شعبتي ca
هع تعالي بكره نتقابل
كلاساتي بكره
من 8-11 إنجلش مبنى c
11-12 وثلث حاسب مبنى bاستاذه عفراء
1 - 2 وثلث رياضيات مبنى a
...>>>قلبت الموضوووووووووووع

[مظلومه دراسيا]

ودق ممكن ما أشكك
بس كل شيء جايز
أنتي شوفي أستاذتك وراجعيها
وان شاء الله يكون أعلى

[مظلومه دراسيا]

girl
الله يعينكم يالغلا
وربي حالتنا حاله
يعني الدوله موفره لهم ومو مقصره معاهم
إمكانيات واجهزه وماشاء الله الموظفات عدي واغلطي
لكن المشكله في الناس اللي لاذمه ولا ضمير
الله لايبلانا

[Marvellous]

بسم اللـــهـ الرحمن الرحيم

شيئــين في حياتي ماوثقت فيهم أبــــــداً ...
1- جميع العمليات الجراحية في مستشفيات السعودية!!!
2- التصحيح عن طريق الكمبيوتر في جميع الجهات التي تستخدمه في هذا البلد!!








فاللـــهـ يستر بس ....
اسمعيني:
واحد من الشباب كان غايب لمدة أسبوعين في الرياضيات ((وهو زميلي طبعاً)) , فقبل الإختبار بيومين قاللي تعال , أبغى أي شي أذاكر منه رياضيات ؟!!!

المهم أديته , وبعد الإختبار سألته عن اختباره كيف كان ؟؟
والله العظيم قاللي : مــــررررة خبصت !! لأني أصلاً ماذاكرت !! كنت أتفرج مبارة الإتحاد ... الخ

قاطعته : طيب كم يمكن جبت ؟؟؟؟؟
قاللي ياااخي والله ماأدري ...
أصريت عليه قلت له : يعني أنا مثلاً أتوقع إني جبت 27 .. انت كم تتوقع ؟؟
قاللي يمكن 11 أو 13 !!!!!!!!!!!!!!!!!!!



,,,,,,,,,,,,,,,,,,,,,,,,,,,,,,,,,,,,,,,,,,

هيا تصدقوووون ياجماعة إنه طلع هو ماخذ 28 وأنا 24 !!!!!!!!!
سألته كـــــــــــــيف جات الدرجة زي كذا ؟؟؟
قاللي واللـــــــــــــــهـ العظيم ماأدري..............



إحنا اليوم متنااااااا ضحك على هذي الدرجات !!!!!
فماأدري اش الحل معاهم لمن يصير غلط لاسمح الله وكيف الواحد يعرف ؟؟
وبعدين المشكلة إنه مافي مراجعة (عن طريق الكمبيوتر)
يعني الورقة ماتتصحح إلا مرة وحدة بس ,,, وهذي مشكلة كبيييرة






الله يعين بس وينهي هذي السنة على خير ويوفق الجميع يااااااااااااارب
قولوا آآآميييين

[M!ss BeBe]

ههههههههههههههههآي يآعومري<<أضحكـ ع المهزلة دي
هيآ يعني جآتــ ع الدرجآتــ ضلمـxضلمــ
ماتشوفي كيفــ المبآني موووووقرفففففهـ
والــ"مرآفق العآمة" ودوراتــ الميآهـ ما كأننآ أوآدمـ
مآيغسلوهآ إلآ مررة بالشهر خيييير إن شآء اللهـ
دحين هآدآ الفرع تبع جآمعة الملكـ عبدالعزيز ولآ تبع,,,,,,,,,
ههآ قآل جآمعة

[7toom]

والله من جد...

اليوم استاذ العربي قال الدرجات يوم قال درجتي انفجعت انا اخذ 23 والله ولا صارت في التاريخ الأسلامي...

يعني اللغه العربيه لعبتي لو اخبص في ماده الخط العربي<<<ياقدييييييييم .. مااخبص في اللغه العربيه عادي لو درجه درجتين اما 7 درجات تروح كذا سلااام سلااام ..

لازم اشووف ورقتي يا انا يا الجهاز والله حراام اللغه العربيه احلا ماده عندي وكذا اجيب فيها والله عكرو لي يومي السعيد^__^