بخصوص إختبار الانجلــش

[LAYAN89]

سلام عليكم

كيفكم صباياا

<<<يوزر آختهآ


يابنااات الحين اختبار الانقلش كيف حيجي..يعني ايش نذاكر بالضبط

انا مستوى 3

القرامر - الكلمات- التعبير <<من فين راح يجيبوهآ

وكمان شي ثاني الأسئلة راح تيجي من اي مستوى 1 ولا 2 ولا 3؟؟؟؟؟

ومشكوورين

[girl.k.s.a]

زاكري كلووو ,,


والأسئلة 70% من المستوى الأول والتاني والباقي من التالت والرابع فقط ’’


وبما إنوا 70% من الاول يعني إن شاء الله سهل ’’

[meme*]

اهم شي تركزي على القرمر ومعاني الكلمات
وبالتوفيق ..

[بنوتة عسل مستجدة]

صراح انا خايفة منو كثير احس بيجي من الدفتر الي تخلينا نكتب
في وانا دفتري ناقص تعرفون في المحاضرة طول وقتي اسمع اغاني والله اني ندمانة
تبون الصراحة خايف كثير ابغى احد يقولي كيف اذاكر انا مستوى اول

[okyshn]

بنااااااااااات نحنا الاستازة قالتلنا اربعة يونتات اشمعني انتو يونتين انا لفنق ون..ابى احد يفخمني؟؟؟


بنوتة ركزي عالقرمر وازا تعرفي احد مستوى تالت وتاني خدي منهم القرمر والكلمات وبازن الله مابتحتاجي شي..


هوا اهم شي تكوني فاهمة القاعدات ويكون عندك خلفية كلمات كتير عشان تفهمي السوال عدل...


سي يو

[meme*]

^

^

صح كلامك

بس احنا قالو لنا الى يونت 3

وانا ليفل تو

وقالت لنا انو مافي شي راح يجي من الكتب

والي فهمتو منها انو نذاكر القرمر ومعاني الكلمات

[بنت التحفيظ]

نحنا أستاذتنا قالت لنا:

تفهمي إنجلش حتمشي...

وقالت حيكون أغلبه أشياء أخذته في الثانوي وتعرفوها...

بس السؤال هما ليش بيسووا كذا؟؟؟

[okyshn]

ميمووو يعني دحين احنا اربعة يونتات ولا بتكيس ع راسنا الاستازة حقتنا..

وع هرجة انو مافي شي راح يجي من الكتاب نوبروبلم هوا ازا احنا فخمنا القرمر وعرفنا معاني الورودز مابنتعب ويسير الاختبار مرررررة ايزير لنا...


بس يبالنا نهونا وتهون...وياااااااااااااااااامسهل..


سي يو

[بنت التحفيظ]

يالغلا كلنا اختبارنا موحد في كل اليونتات..

بس على 2 إنهم يحلوا 1 و2

و3 يحلوا 1 و 2 و 3..

[okyshn]

بنت تحفيز...


باختصار لانو الانقلش سارت لغة عالمية وضروري نتعلمها فإزا جابولنا سهل مابنتعلم ودايمن الصعب نزاكرو اكتر من السهل ...


وبيني وبينكم احس نهاية السنة بنقلب خواجة...لوووووووول


هوا شي كويس نتعلم لغة عدونا عشان نقدر نحاربهم بلغتهم...ونفهم هما ايش يهرجو عننا...

والله مومحببني في الانقلش الا دا الشي ونفسي اتخصصو عشان كدا بس ربي يساعدني..


ولتعد امتنا شامخة رغم انوف الاعداء..(لووول مو كانو انبرشت بقوة )هع هع





سي يو