بعض الرجال يستاهل ضرب الــ ..

[مجبور اوادعها]

السلام عليكم ورحمة الله وبركاته

هذه رسالة من شخص على الايميل

يحثكنَّ يا معاشر الحريم - ويا كثر ما يحثوكن - انه كيف تهتمي بزوجك

لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبـــــي الدلع تاخذ لبناني واللي تبي الكلام الحلو تاخذ سوري واللــــــي تبي..... واللي تبـــي..... واللي تبي الأجر تاخذ سعودي. عاد الأخيره هي الشاهد. معلومه أفتتح فيها رسالتي: أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب. إلى كل إمرأه سعودية تعتقد أنها مأجوره لأنها ماخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومنسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومه عاطفيا لأنها مع زوج سعودي..... إلى كل إمرأة سعودية تبحث عن زوج حق دلع ولا كلام حلو..... أختي الفاضله: إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه: صباح الأمس الباكر؛ من أيقظ زوجك للعمل؟ أنت أم الساعة المنبهه؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوه وكيكه على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه. 3- كنت جالسه بالصاله، وهو خارج قلت له لاتنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام وياخذ دش؛ (كرري السؤال حق دش الصباح). بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوه قبل الغدا، هل ساعدتي على توفير الجو الهادئ؟ لما صحي؛ هل وجد الغدا جاهز ولا هو اللي جابه معه من المطعم؟ بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه) بإختصار لكل الأسئله السابقه: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها. إلى كل إمرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها. كم مجوع الدرجات اللتي حصلتي عليها؟ 0% ولا 10% ولا 50% ؟ طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجتي مساعدة. في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي.... كفايه يكون في العالم العربي كله بس السعوديين محرومين من أنثى. معلومة أختتم فيها رسالتي: تعرفون ليه الزوج السعودي يفغر لما يشوف امرأه متبرجه وتطيح سعابيله. تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه. تعرفون ليه الزوج السعودي لما يتزوج من سوريه ولا مغربيه ولا...ولا... يحس ان فعلاًَ فيه جنس آخر بالكون غير الذكور. لأنه في الأصل عايش مع واحد من ربعه. منقول من الواقع و ان برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط . دمتم بوافر الودّ والمحبة

فردت عليه وقالت:

الى الاخ الكريم صاحب التساؤلات ، اليك الاجابات ايقظته بنفسي فقال لي : ممممممممممم خلاص قمت روحي سوي لي شي اشق ريقي دخل الحمام فوجد ملابسه معلقة طلع يصارخ ويقول مين اصلا قال لك رح البس شماغ انا حالبس غترة جبت له فطوره واذا به يزمجر تاخرت عن الدوام انتي ما تفهمي المفروض تسوي قهوة وسندوتش وبس وطلع زوجي حبيب قلبي وفارس احلامي الى عمله بدون ان يقبلني قبلة الصباح بعد مرور ساعتين اتصلت عليه بالدوام رد علي بعد عشر مرات وهو معصب ايش فيك؟؟ صجيتنا قلت له ابدا ابغى اطمئن عليك قال شوفي لا عاد تدقين علي الا اذا كانت مسالة حياة او موت فكينا انت وخرابيطك ورجع نور عيني من دوامه واركض على الباب استقبله الا وهو يوخرني ويقول وين الغدا ابغى الحق اكل وانام عندي جمعة شباب الليلة حضرت الغدا فكان الصمت يلفنا لان روح قلبي يتابع التلفزيون وكل ما فتحت فمي بكلمة قال اشششششششش ابغى اسمع الاخبار سويت له الشاي الاخضر اللي يحبه بعد الغدا وجيت قعدت جنبه لقيته قاعد يتفرج مباراة وكل شوي يسب الحكم والفريق والمتفرجين ( طبعا الفاظ تخدش الحياء العام ) ده غير الحماس الزايد اللي ادى الى ان يلكمني في صدري ولما قلت اي قال انتي اصلا اش قعدك جمبي وقام فارسي المغوار ينام وصحيه قرب المغرب وحضرت له كيكة مع عصير طلع من غرفته وهو يتكلم بالجوال مع صديقه وبوجهه على الباب حتى انه ما انتبه للكيك والعصير وظليت انتظر وانتظر وجواله مسكر ما يرد غيرت ملابسي ولبست ملابس النوم وجهزت العشا وظليت على الكنبه الى ان وصل وصحيت على خبطة الباب الساعة 2 الفجر قمت اقول له ها حبيبي تتعشى قال على بالك باقعد للحين بلا عشا انا تعشيت بره وداخل انام صعبة جدا اني بعد هاليوم الطويل مع رفيق الدرب ان اركض وراه لغرفة النوم واغمره بالحنان وتقبلوا فائق الاحترام

الا يستهال هذا الزوج ضرب الجزمـــة - أكرمكم الله -

خلاصته:

- كان الله في عونكم يا معاشر النساء، دنتو ليلتكو مطينه

ملاحظة:

- اذا احد عنده راي سديد ارسله لصاحبة الإقتباس - فـ ليتحفنا مشكوراً -

وفتكم بالعافيـــــــة

[سليمان العطوي]

بخاطري ارد عليكم بس انا عزابي لم يسبق لي الزواج تقبلو مروري

[زياد البلوي]

اخوي مجبور الله يعطيك العافيه حلوه الموضوع والفكره

وهالشي الحمد لله موجود بس بأول سنه زواج لكن تعال بصف ثاني زواج يصير اختصار لهالحركات الى النصف
خاصه اذا كان فيه اولاد
يصير هوايقوول لها : سكتي عيالك صجونا
وهيا : ليش ماهم عيالك ولا جايبتهم من الشارع

يصيرون فعلا مو اثنين ربع ولا واحد من الشباب
يصيرون كانهم شلة شباب قاطين بأستراحه وكل يوم مهاوش
ويصير اليوم اللي يمر بهدوء وسكوت ومن دون كلام هذا قمه الرومانسيه لأنهم لو تكلمو يتهاوشون


عشان كذا الرجل السعودي يتزوج مره ومرتين وثلاثه واربع
عارفين ليييش ؟؟؟؟؟؟




عشان يبحث عن اول سنه زواج !!!


دمتم سالمين

[زياد البلوي]

المشاركة الأصلية كتبت بواسطة سليمان العطوي بخاطري ارد عليكم بس انا عزابي لم يسبق لي الزواج تقبلو مروري

يا عطوي نبغى نسمع رايك عادي لو عزوبي

ايش تتمنى يكون
وايش الواقع اللي يصير

<<<<<<<شاطع على الموضوع
اعذرونا حماس زايد

[لندنية]

الله يعين المتزوجين
احس لا يعجبهم العجب ولا الصيام برجب

[pulse heart]

صح عليكي يا لندنيـهـ

[tag2000sa]

لوووووووول ..
ولسى الواحد ما يعقل

[eng. abdu]

الله لا يجعلنا زي كدا..

كل واحد يخلي حياتو زي ما يبغى, اذا كان نكدي حيخليها نكديه و اذا كان همجي و ما يتفاهم حيخلي حياتو ما هي حياة.. اما اذا كان انسان متفهم و يمشي الامور بالتفاهم حتكون الحياه من احلى ما يكون و اصلا لازم الزوج يكون حنون و حبوب و يدي كلام حلو و حركات حلوه ويتمشى و يخلي حياتو حلوه عشين البنت تبادلو بنفس الشي..

الله يرزق الجميع باللي فيه الخير..

[مشمشانا]

انا ردي على صاحب الموضوع الاساسي

بقول اذا على موضوع الارض الطيبة ليه ما نفرض انو الانثى هي الارض الطيبة < ذا في رأي هوا الاكتر قربا للواقع
ليه ما يعاملها برومنسية و دلع ويتكلم معاها بحنان اتحدى اذا احد عامل زوجتو كدا راح تعاملو بجمود
بالعكس راح تكون رومنسية وحنونة اكثر من اللي طالبو الا اذا كانت مو انثى وعديمة مشاعر ذا شي تاني

وكمان انا ضد اللي يقولوا كل السعودين غير رومنسين محد يعرف ايش في البيوت و حتى لو وحدة زوجها كويس
ماراح تقول للاحد خصوصا لما تسمع غيرها بيشتكي اكيد راح تخاف على بيتها وزوجها من العين و الخراب

والله يعين دي الحرمة على زوجها

[عندما يتكلم الصمت]

يـآدي الرومانسية إللي ذابحة العالمـة , لو المرأه أتنازلت عنها و كانت مستقلة والله أحسن وأريح
ماأنكـر الإحتياج و و و و إلى آخره بس خلاص والله إلى متى ننتظر من الرجل أن يتغير ؟

ويصبح الفتات الذي يقدمه بعد العناء بمثابة وجبة غذائية ؟؟

عزيزتي حطي حرك كله في أولادك والبزنس

تحيتي ..

عندما يتكلم الصمت ..