انت/ي خطة أ مسار علمي ..؟؟ اجل تعال/ي هنا بسرعه

[miss nana]

مرحبا شباب وشبابات

كيف الحال...؟
وكيف الموذااكره <----- تسمع بها بس :(

المهم انا اليوم الظهر قررت بعد تفكير مرير وجهد جهيد وصراع مع النفس اني اذاكر
وبما اني غاسلة يدي من *الرياضيات و *الفيزياء قلت باذاكر(مهارات الاتصال)
بس يوم فتحت الكتاب مدري وش اذاكر ووش ما اذاكر !
الدكتورة شرحها حلو وكل شي اوك بس احسه فرق عن الكتاب اهي تختصر كل شي والكتاب احسه دش في دش

المهم اللي يعرف شي عن المادة ذي او عنده نماذج اسئلة ياليت يخبرنااا




على طاري الرياضيات والفيزياء

ياجماعه احس اني بدخل الاختبار بدون مذاكره
احس من كثر ماني فاقده الامل فيها جاني برود وبلاهه مو طبيعيه ولا كانه اختباري يوم الخميس
والسبت

مين كانت زيي وتعدلت..؟
مين فاهمه الرياضيات بالذات غير اللي انا متخيلته
طيب يمديني اذاكرها ولا بلاش!!


و آآآآخر سؤال

لو مثلا جبت في الرياضيات والفيزياء 10 معناته رسوب ولا فيه اعادة اختبار ولا اش نظام الجامعة ال....... < طوووووط


سوري عالبثارة
بس مالي غيركم كلنا في الهوا سوا

[برونزية]

اول شي مهارات الاتصال ماادة تعتمد عالفهم اكتر من الحفظ
فانتي شوفي النقاط المهمه و شوفي التعداد و الشي و محاوره
و كل شي و ايش يتضمن و ايش يندرج تحته
و النظريات و القاعدات فهو دا الشي اللي اعتقده مهم ..

اما الرياضيات فماده مررره بسيطه يعني حرام تجيبي 10
انتي بس لو تفهميها حتسير مررره سهله عليك
و الفيزياء انا مو عارفه ايش فيها اصلا ))(( يعني ملخبطه زيك

بس ادا حابه اي مساعده في الرياضيات فانا حاضره
بس ارسليلي عالخاص زيارة الموضوع ...
وشدي حيلك و ربي يعينك ...

[Mr-Ammar]

اهلا
ماشي كويسين هع

المزاكره والله تمام
بالعكس ليه غاسلة يدك من الرياضيات
ماده تاااااااااااااااااافهه بمعنى الكلمة
مافيها اي شي جديد
كلو اعاده حق التانوي ومختصر كمان بدرجة شديده بس انو بالانجليزي
والفيزياء سهل بس يبالو الواحد يشد حيلو فيه قوانين واشياء وملاحظات كتيره لازم الواحد ينتبهلها

وبالنسبة لمهارات الاتصال صح ماده كلها دشش في دشش
لكن الادمي حقنا يأشرلنا اشيا يقول تجي في الاختبار
وبعدين انا شوفت كم نموزج للاختبار مرررررررا سهل الحمد لله
كل الاجابات تبانلك ع طول من السؤال

وارفقت ملفات من جهازي عن مهارات الاتصال وحتشوفي كيف طريقة الاسئلة


وبعدين مافي شي اسمو رسوب الا لمن الواحد يجيب اقل من 60 من الدرجات النهائية
يعني الدوري الاول مثلا (15) والدوري التاني (15)
يبقى ع النجاح (30) في الاختبار النهائي

وبالتوووفييق للجميع

[miss nana]

برونزية

بسوي اللي قلتي عليه في مهارات الاتصال
ويعطيك الف عافية عالرد والمساعده
الله يوفقكم ياااااارب ويحققلك كل اللي تبغينه


Mr-Ammar
صح انا حاسه انها زي
حقت ثالث بس مدري ليش مابغا اذاكرها

ويعطيك الف الف عافية عالنماذج ماااقصرت
الله يوفقك وتجيب فل مارك في كل الموااد

[M!ss 5o05a]

مستر عمار صح كلامك ميه بالميه في الرياضيات

وانا ازاكر اقول ليش يجيبولنا زي كدا ..

في الثنوي كان اصعب وافكار كتيره

بالتوفيق

[miss nana]

Roo7ee

تشكرين حبيبتي عالمرور الخفيف

موفقه ياارب :)

[Mr-Ammar]

اميين يارب تسلمي Miss.Nana ويارب انتي كمان تجيبي فل مارك

Roo7ee والله احيانا ارجع لدفاتر التانوي حقتي واشوف كيف الافكار وبعض القوانين >> زياده دفرنه هع
عشان المعيد الي يدرسنا مررررررررررررررا مشي حالك الله يستر بس

ممم طيب يلله بما انو نزلت كم نموذج لمهارات الاتصال
خليني انزل نموذج اختبار لللرياضيات اظن لقيتو في الموقع هنا

وازا تبو كمان في عندي كم نموذج اختبار للفيزياء


وكل الاشيا دي تحصلوها في الموقع بس في اماكن مختلفة ....


وبس:)

[C.J.Z.]

والله أنا مثلك جاني برود مو طبيعي أحس أني خلاص يأست لكن الله يسهل إن شاء الله

Mr-Ammar مشكور على الأسئله

[ميعاد]

شكرا مستر عمر والله يوفقك..