اختبار الانقليزي كيف؟؟؟؟

[ابو اللول]

مرحبا شباب صبايا
اخباركم
ذحين ابغا اعرف كيف ادرس مادة ويجيني اختبار حق المادة بس مو حقها؟؟؟
مو فاهمين السوال صح ؟

ولا انا كمان فاهم
يعني انا ليفيل ون وبعد اسبوع بيجيني اختبار انقليزي (في شي انا مادرسته )فياترا كيف يختبروني اصلا في شي انا مادرستو؟ بالله مي هرجة
يعني ذحين مثلا قاعدين ندرس كيمياء ويجي وقت الاختبار وتتوزع الاوراق وكل شي
وتتفاجأ بانو الاختبار مو حق كيميا حق رياضيات
هيا بالله مو نفسها
وربي مدري كيف نظامهم
بالله اي احد عندو معلومات يفيدنا فيها
مع العلم انا ليفيل ون (يافضيحة)
وتشكراتي مقدما لاحلى منتدى
see you all

[عاشق المدينة]

والله ماندري ايش الهرجة احنا زي الاطرش في الزفة

[بنت السعوديه وبس]

علمي علمكم الله يعين بس يا اخواني
انا زيك ليفيل ون مو فضيحه يا اخوي عادي
ايزي يا عزيزي

[g0rba]

شوفي انا دكتور الرياضيات قالو انتم تستاهلو كل شي لانكم ساكتين عن حقكم
روحو لمدير الجامعة وقولو له هذا الا قاله ليا
من جد لازم نسوي خطاب ولمدير الجامعة

[أنثى نرجسية]

::

\/



ممممممْ بصرَآحَة مآفهمْتَك يعنِي آختبَآرَ الإنقلِشْ حيكونْ موحّدْ بغضّ النظرْ عن المستويَآت ولَآ كِيف .. ؟

[د. أسامة]

المشاركة الأصلية كتبت بواسطة أنثى نرجسية :: \/ ممممممْ بصرَآحَة مآفهمْتَك يعنِي آختبَآرَ الإنقلِشْ حيكونْ موحّدْ بغضّ النظرْ عن المستويَآت ولَآ كِيف .. ؟

الإختبار راح يكـون موحـد ، و لكن سيكون هناك مراعـاة للمستويات المختلفـة ،

على سبيل المثال : لو واحد جاب 60 من ليفـل 1 تنحسب له على سبيل المثال الدرجة 98 ،

و لكن لو واحد من ليفـل 3 جاب 60 تنحسب له على سبيل المثال 84 ،

يعني سيكون هناك مراعاة للمستويات ، و هذا الكلام أنا بنفسي تـأكدت منه من أحد المعيدين في قسم اللغة .

[ابو اللول]

د.اسامة والله مدري ايش اقولك الكلمات خانتني بس صراحة خبرية حلوة
يعني مافيه رسوب في الانقليزي (الحمدلله)
والله هم وانزاح بس ابغا اعرف قبل الاختبار اذاكر شي ولا اروح على عماها وهل فيه كتب اقدر استفيد منها
وسمعت برضو ان اختبار الجامعة هو نفسه اختبار التوفل
وبالله اي احد عنده معلومات عن الاختبار لا يبخل علينا

[Mr-Ammar]

والله الصراحه انا سمعت من كذا واحد مسئول في مبنى تلاتين ((دكاتره)) طبعا يقولو الاختبار موحد لكل الليفيلات زي السنة الماضيه (الترم التاني لانو الترم الاول كانت كل الجامعه عنده كتاب واحد مو زي دحين بهدلونا)
المهم الاختبار زي اختبار تحديد المستوى
في اسئلة سهله ومتوسطه وصعبه
وفيه تلاته اقسام(استماع-قراية قطعة وتجاوب اسئلتها-واسئلة يمكن تشمل القواعد ومعاني كلمات ..الخ)

ووبصراحه انا بأذني سامع دا الكلام ( كل ما ارتفعت في الليفل الي تدرسو كل ما تجيب درجات اعلى عشان الاسئلة تجي من الليفيلات (2.3.4)
وحيركزو على 2 و 3 لانو يعتبر ليفيل متوسط للطلاب

وكمان سمعت الادمي يقول لواحد يبغى يحول ليفيل 1 .(يقلو لا تحول احسلك عشان اغلب حقون ليفيل ون يا دوبك ينجحو على 60 خليك ليفيل عالي تجيب درجة كويسة )

وع العموم كلو راح يبان في الاختبار

اسف ع الاطاله

سلام

[SOMAH SWEET]

ياناااااااااس احنا بالفرع قالو لنا باليوم الارشادي كل ليفل يختبر بكتبه يعني على حسب المهارات اللي بالليفيل

يعني ليفل ون الاختبار في مهارات الكتب حق ليفيل ون ..وليفيل 2و3و4 نفس الحكايه

والترم الثاني اللي يكون ليفل ون حياخذ ليفل تو وهكذااا

[ابو اللول]

والله هرجة
يعني ذحين كل واحد له كلام
طيب والحل
؟؟؟؟؟؟؟
ياشباب بالله الي مو متاكد من كلامه لايقوله ترا احنا متوبلين في الانقليزي
كفااااية توبيل
ومشكورين عالتفاعل ومقدر تعبكم

يعني شوفوا الدكتور حقنا كل مانسالو يغير الموضوع(شكله من الي سووا الاسئلة)
ومن الطلاب كل شوي تسمع كلام
وشكلو بيجي اختبار الانقليزي واحنا مو يمها
وبالله الي عارف شي ومتاكد منه يقوله thanxxxxxx to all