كيف ترفعين ضغط أخوك التمساح ؟؟

الكريم ابن الكرام · #1 21-10-2009, 09:23 AM

عندي دروس خطيرة لا تفوتكم ، شوفو اللي مقهورة واللي تبي

تنتقم وترفع ضغط أخوها

هالخطوات والله يقويكم..

*عند التلفزيون

لاصارت في مبارة..والأخ متحمس..أقطعي هالحماس وشلوون..؟

أنا أقولك..

شوفي لاصار مفتح عيونه عشرة عشرة..وماهو داري عن أحد يعني

لو تجيبين صاروخ تفجرينه قدامه مالتفت لك

أعرفي أنه منسجم..,

هنا بس تقومين بشغلك ..وتسوين نفسك بنت سنعه..

روحي وجيبي قطعة قماش وبخاخ للتنظيف واوقفي عند التلفزيون

وامسحي الشاشة ولا تعطينه فرصة يشوف زين..

لاقال:ابعدي.قولي ماني فاضيتلك بنظف وامسح.بعدين روحي

وجيبي المكنسة واكنسي المكان الي هو فيه وحاولي من لحظة للحظة

تكنسين قدام التلفزيون وغطي عليه..ولايهمك أحد..وإذا

قال:ابعدي .لاأرميك بالكاس في وجهك..قولي معصي ..

*عند النوم*

لاصار الأخ يشخر..نكدي عليه نومه وشلون..؟دخلي عليه

بزارينكم على بزارين جيرانكم..وصكي عليهم الباب..وخليهم يلعبون

بغرفته..وينقزون على راسه..تعرفين أطفالنا أحباب الله خخخخخخخ
...

بعدين تعالي وهو في سابع نومة..وصارخي في إذنه ذيك الصرخة

ألي مايدري عن نفسه إلا وهو جالس.وقوليله بكل برود نبي نطلع

...
*إذا المزاج صفر*

اذا شفتيه ماله خلق ومو رايق ومقفلة معه..لاتخافين بالعكس هذي

فرصتك..تنتقمين منه..اتريقي عليه ...

خلي دمك ثقيييييل..

انتبهي في هالحظة راقبي حركات يدهلان ممكن يرمي أي شي

قدامه بوجهك..ولازم

تجهزين مفتاح الغرفة..ماترين السالفة ياغالب يامغلوب...

المهم اضحكي على شكله ولا على لبسه ولا على جلسته.هو راح يقول

ترى ماني فاضي لك أبعدي عن وجهي..

أنتي لاتسكتين قوليله وإذا مابعدت وش بيصير..

عاد هو بيقوم ويوريك وش بيصير..في هالوقت اقعدي عند أول

درجتين توصلك لغرفتك...وطلي عليه من فوق

وقوليله ههههههههههههههاااي أهم شي رفعت ضغطك وقومتك من

جلستك.,...

*وقت الطق

لاجا يوم وتبي تطاققين انتي والتمساح لازم تجهزين نفسك من كل

ناحية:

الشوشة لازم تلمينها وتسوين حفلة براسك تحطين أنواع الشباصات

والبندانات وانتبهي ولا خصلة تنزل منك..

وياليت ذاك اليوم تحطين براسك (حنا ء)عشان مايتجرأ ويمسك

شعرك""""""##

إذا بدت المعركة حطي راسك براسه ولاتبينين إنك خايفة..وخلي

عينك بعينه وقوليله وش براسك..

عاد هو هنا بيقول هذا الي براسي طرااااااااااااخ والأخ متحمس..

لاتستسلمين عطيه بوككككككس على عيونه الثنتين عشان مايشوف

الدرب..وحطي رجلك وعلى طوووول على

غرفتك اللي مجهزة مفتاحها من قبل واقفلي عليك..ويا دار مادخلك

شر...بس نصيحة اقعدي يومين لايشوفك ولا تشوفينه..لانه يبي

ينتقم لكرامته وبيوريك النجوم بعز الظهر.....