حسبي الله ونعم الوكيل..

[كتمان]

السلام عليكم والرحمه..امس سالت عن اخر موعد لتقديم اوراق الاعفاء وكذا المهم ردو عليا بعض الاعضاء قالو انو هذا اخر اسبوع للتقديم عاد انا ضبطت كل الاوراق اللي طالبينها ورحتلهم اليوم..رحت لعمادة خدمة المجتمع غرفه314 المهم دخلت عليهم لقيتهم قالبين الدنيا عشان طالبه مقدمه على اعفاء وفي عندها بعض الاوراق ناقصتها وبالقوه يبون يحطونها اعفاء ..انا قلت اخليهم يخلصون منها وادخلهم افضل وفعلا خلصو من الطالبه هذه ودخلت قلتلهم وين اقدم اوراق الاعفاء؟؟
ردت عليا الاخت تقول من النت ..قلتلها من النت!! انا قدمت من النت بس قالو لازم اجيب اوراقي هنا قالتلي لا من النت..قلتلها انا اعرف بنات جو قدمو اوراقهم من هنا..راحت قالتلي انتي في الضمان؟؟قلتلها لا..قالت تابعه لجمعيات خيريه؟؟قلتلها لا!!قالت معاكي تقرير طبي بانك تعاني من مرض مزمن؟؟قلتلها لا!! قالت اجل خلاص من النت التقديم..
قلتلها طيب ليش ذول تقبلونهم من هنا وغيرهم من النت؟؟يعني انتو ماراح تقبلون الا اللي قدمو عندكم صح؟؟راحت تقول والله هذا شي تحددو اللجنه مو انا ولا انتي!!
قلتلها بس انتو منزلين بموقع الجامعه طلبات ومستندات اللي تكون متوفره عنده ينقبل راحت قالت والله انا قلتلك انو من النت وخلاص غير كذا مافي..
طلعت من عندها وانا ضايقه فيني الدنيا..حسبي الله فيهم دامهم قاعدين على القهوه والشاهي من الصباح الين العصر ومايأدون اشغالهم زي ماهو مطلوب منهم..
المهم رحت لعمادة القبول والتسجيل عشان موضوع البطاقه ودخلت على قسم المركز الشامل لقيتهم كاتبين لايمكن اصدار بطائق هذا الاسبوع الاسبوع القادم يوجد اصدار بطائق..
مالت عليهم من جامعه كل شي عندهم متوقف وكل شي مافي مافي ابغى اعرف ليش يداومون وياخذون رواتب اذا ماكان احد مستفيد منهم اصلا..
استغفر الله العظيم بس..

[oooyoooyster]

حصلت معي هذا اليوم حيث قد أجمعت أوراقي لتقديمها لعمادة خدمة المجتمع قسم الطلاب ووجدت جميع الموظفين منهمكين في طق الحنك مع بعض ( داخلين جو ) وجاء الأخ الكريم أنا وخبصت الجوعليهم وقالوا لي بكل رومنسية ورقة روووووح سجل من النت ، قلت ياخوي أنا معي الأوراق كاملة ويالله جمعتها وصورتها ، قال نحن لا نقبل إلا عن طريق التسجيل من النت ، قلت طيب متى سيتم معرفة المقبولين في المنحة ، قال بعد عيد الحج ، قلت في نفسي الله يخلف علي ...

وبصرااحة فوضت أمري الى الله ...
وقلت خليني أقدم من النت ، إن قبلوني فنعم هي وإلا غسلت يدي منهم ...

الذي يحز في نفسي أن هناك أفراد مسجلين في العفو من أول ترم دراسي حتى يمكن قبل ما تظهر نتائجهم لأنهم طيبين جداً ( إنتم أفهموها .... )

بصراحة تعامل الموظفين مع الطلاب بشكل عام سيء ، ياحبهم للتصريف على قولتهم ( النظام كده - ما أدري ... - .... )

عاااااااااااااااادي جداً يا أختي ...
حتتعودي على الوضع تماماً ...

حسبي الله ونعم الوكيل ...

[الرفاعي]

الله يكون في عونكم والضاهر انها تصريفة غير مباشرة

[moon city]

حسبي الله عليهم من جد حاطين ناس كلهم نصابين بس يبون رشوة عشان يعفون
او يكون احد يعرفهم عشان علطووووووووول اعفاء
والله قهر

[همسه امل]

بجد شي يقهر بدون فتاميييين (( واو)) انتو افهموها ياحلوين مستحيل يمشي شي
اساسا المشرفات ترد عليك وهي في قمه الروقان لانها ماتشوف حال غيرها عليها داوم وتنبسط وراتب اخر الشهر
الحمدالله على كل حال واللي ماقدموا اعفاء بدايه السنه الجديده نحاول نقدم وبالتوفيق للجميع