كل اللي في خطه (ب) يخش

[laz0o0za girl]

مرحبا

بس عندي سوال في الاحصاء

لو احد منكم يعرف بليز ييساعدني

في الباب الاول عند قياس البيانات صفحه15
ابغى احد يفهمني باختصار المقياس الاسمي والمقياس الترتيبي ومقياس الفترة ومقياس النسبة

باختصار عشان اعرف كيف افرق بينهم ولكم مني جزيل الشكر

[MNMO0ONA]

المقياس الاسمي: لايمكن ترتيبه زي الجنسيه لو عندك مثلا سعودي مصري هندي ماتقدري ترتيبها
برضو الجنس ماتقدري ترتبي مين الاول انثى ولا ذكر
المقياس الترتيبي: من اسمو تقدري ترتيبيه زي التقدير ممتاز جيد جدا جيد
والاسمي والترتيبي دايما يكون بيانات نوعيه يعني لو قالك حددي نوع المقياس شوفي البيان اول نوعي ولا كمي ازا نوعي حتشتغلي في الاسمي والترتيبي
نجي للبيانات الكميه
فتره: ليس للصفر معنى حقيقي
زي لما تبغي تحسبي درجات ذكاء الطلاب
وطالب حصل على صفر هذا مو معناه انو منعدم الذكاء او ماعندو ذكاء لا عندو ذكاء بس منخفض
وكمان درجات الحراره لما تقولي درجه الحراره صفر مو معناتو مافي حراره
باختصار الصفر لايعني انعدام الصفه ولا كن انخفاضها
البيان الكمي النسبه: الصفر له معنى حقيقي
زي الطول مافي واحد طولو صفر
الوزن برضو
ودرجات الطلاب في ماده معينه

اتمنى تفهمي من شرحي ^_^

[laz0o0za girl]

تسلميلي يابعد قلبي

والله فهمت تستاهلي تكوني استاذه
يسلموووووو

يارب يوفقك إن شاء الله

[toot&girl]

احم احم


ابغا اقتررررررررررررررح >>>>>اوووووس



عجبتني السالفه ^^ اشرايكم كل مانبغا نسئل في هالماده سوووئال نجي نسئل هنا ونساعد بعضناا ^^ او تخلو موضوع معين لهالشي ؟؟؟



>>>>شكلوو مع نفسي >_<

[battota]

فكره حلوه مررره وانا معااكي

[..عـ أنثى ـذوبة..]

حبااايبي انا كمااان عندي شياااء مني فاهمتهااااا اتمنى تجاااوبوووني



ابي اعرف كيف افرق بين انووواع البيااانات الكمية اللي هي (( المنفصلة والمتصلة ))

صفحة 13 و الل14



وكمااان العينة العشواااائية العنقووودية والمرحلتين حقتهااا

صفحة 21



كمان الاحصاء الوصفي والاسدتلالي مدري ايش ساالفته



وحل التمااارين حق البااااب الاووول



دا الرمز ايش اسمووو3f


عارفة وربي اني كثرة اسئلتي بس المادة دي مسووويتلي ازمه

ياااليت تساااعدووولني

[القمر الحلوه]

ايوه حتى انا مع فكره واقترااح too&girl
وبالنسبه لاسئله عذوبه انثى انا كمان مو فاهمتها ياريت اللي فاهمه تشرحلنا
ومشكوووره يامنمونه ماشاءالله عليكي
انا ماكنت فاهمتها ودحين فهمتها الله يوفقك يارب ويعطيكي العافيه

[MNMO0ONA]

البيانات الكميه المنفصله: تاخذ اعداد صحيحه والحصول عليها بالمشاهده
زي عدد اطفال الاسره مثلا كانو 5 افراد ماتقدري تقولي 5 ونص
واقدر احصل عليها عن طريق المشاهده كيف يعني عن طريق المشاهده يعني بالنظر اقدر اعد كم فرد في الاسره
البيانات الكميه المتصله: تاخذ اعداد صحيحه وكسريه ويمكن الحصول عليها بالقياس
زي درجه الطلاب في ماده الاحصاء اقدر اقول طالب جاب 9
واقدر كمان اقول طالب جاب 9 ونص
وعشان اعرف كل طالب كم اخد لازم اعملهم اختبار واشوف نتايجهم اذا الاختبار دا هوا القياس
والعينه العنقوديه صراحه الاستازه شرحتها عالسريع لاننا متاخرين بس انا راح اروحلها في المكتب اليومين دي واول ماتشرحلي هيا افهمك
الاحصاء الوصفي والاستدلالي مجرد تفهمي التعرفين وتفرقي بينهم
زي الوصفي الاسالبيب اللتي نستخدمها في تنظيم وعرض البيانات ومن ثم وضعها في صوره مؤشرات رقميه
والاستدلالي شرط انو تكون نتايج العينه عامه على المجتمع ككل
والرمز دا اللي زي شكل الاربعه اسمو سيجما يعني المجموع
f هيا رمز التكرارت
يعني مجموع التكرارات

[ana-vip]

8
8

يسلمو ماشاء لله شرح جييد


بالتووفيق

[عبدالعزيز وزري]

ماشاء الله عليكم


الله يوفقكم