انت من الرياض تعال ؟؟

[مسوي طموح<<من جنبها]

بالبدايه انا اول سنه لي بالجامعه ودي بصراحه اجيب معدل حلو وبيني وبينكم والله مدري وش الطبخه بالجامعه

من جد فيه مواد اول مره اسمع فيها بحياتي بس انا اقرى بالمنتدى شباب الرياض ومتلقى الشباب بس مدري وين لايكون

قصدكم نعلم بعض بالدروس ونذاكر مع بعض بالمنتدى اذا كان قصدكم كذا ما اقولكم مو حلوه الطريقه

بس ممكن ينفصل النت عند واحد فينا ويبلش بعمره فأنا اقترح عليكم اننا نشوف بعض بالرياض

بمكان معين فبيت واحد مننا او نستأجر استراحه ونقعد نذاكر فيها او او اللي انتم تختارونه انا ماعندي مانع

بس اهم شي نكون مهتمين بالموضوع ومانمزح واذا انتم موافقين بعرض نتجمع بالبيوت

وانا اول واحد يفتح المجلس ويقولكم كل واحد يجي ويجيب ملخصه معه ..والله يا شباب لو نفكر فيها صح وبجديه تطلع الحركه حلوه

ومن صالحنا وبعدين اللي يبي يحضر الدورات التأهيليه معي يخاويني لجده ترى السياره وسيعه وابروح لحالي والطريق طويل

ابي احد يونسني وياليتكم كلكم تخاووني وابد لا تستحي ولا شي <<<< بس هاه النفر بـ100 ريال خخخخخخ امزح

انتظر ردودكم يا أهل الريـــــــــــاض ؟؟؟

[تاج المشاعر]

ادعوك لحضور اجتماع الرياض
لان خلال الاجتاع يتم شرح كثير من ما ذكرت اخوي الغالي

دعواتي للجميع بالتوفيق والنجاح في الدنيا والاخرة

[ابو عبدالله2000]

هلابك طيب متى الاجتماع وين فيه وبعدين فكره حلوه لما نتعاون بس ماعرف احد ههههههه

[سلطان بن مساعد]

والله ودي اروح للدورة التأهيلية في جدة لكن عندي دوام وهو العائق الوحيد امامي
ياليت يحطونها بالرياض ,, وبالنسبة للإجتماع الأخ تاج المشاعر ماقصر
بس لو يكون بنر اعلاني عن وقت الإجتماع يكون افضل
ليتسنى للجميع روئية الإعلان و الحضور فالموعد

[brho0o0m]

انا سجلت في الدوره بس متردد اروح

[الر1قي]

السلام عليكم ورحمة الله وبركاته

أنا برضه جديد أول سنة ولا أعرف الطبخه وما أدري وش
أتمنى أحد يوجهني وبالنسبة للإجتماع أنا مستعد للحضور بس متى ؟ أين؟
شاكر لكم جهودكم

[KING ADOL]

ياليت يكون فيه خبر عن التجمع وانا معكم ..


بس بخصوص الدورة مقدر احضر لظروف العمل . وان شاء الله نلتقي على خير ونفيد بعض

اخوكم / king adol

[سلطان بن عبدالعزيز]

السلام عليكم ورحمة الله وبركاته

اللي يقدر يحضر الدورات التأهيلية تراها مفيدة جداً

واللي ما يقدر يحاول يتابع بالمنتديات ممكن اللي حضروا يفيدونكم بما احتوت الدورة

والاهم لمن هم داخل الرياض او يقدر يزور الرياض

ابشركم اننا لنا كم سنة واحنا نجتمع ونستفيد من بعض وتقريباً صار لنا تسع اجتماعات خلال الاترام الماضية

عبارة عن اجتماعين على الاقل في كل ترم

ووقتها يكون هناك توزيع لكل تخصص مع بعض ويتم فيها التعرف على كل تسائل من الاخوة

وتوزيع الاوراق التي تهمكم وتبادل معارف ومعلومات ومذكرات واسئلة ونتفق على مكتبة كل ترم يكون فيها كل من يحمل ملخصات وارواق تفيد الكل

والحمد لله فيه ناس تحضر الدورة التأهيلية وتجيب معها اوراق وملخصات من جدة وتصور وتوضع في مكتبة يتم الاتفاق عليها وقت الاجتماع

عموماً خلال الايام القادمة راح نعلن عن وقت الاجتماع ومكانه

واتوقع راح يكون بعد اسبوعين إن شاء الله

وأسئل الله لي ولكم التوفيق والنجاح بالدنيا والآخرة

[ملك القلب بأحساسه]

انا من راي ان نستأجر استراحة

يوم في الاسبوع الي هو الخميس او الجمعة

ونجتمع فيها ونفيد بعضنها

تحياتي العطره لكم

[الكايف]

اتمنى اعرف وقت الإجتماع والمكان

وإن شاء الله اكون معكم