اسحب ملفي يابنات والا اش الحل

[بسمة ألـم]

بادي باسم الله الرحمن الرحيم

السلام عليكم ورحمته الله وبركاته

صباحكم مسائكم قشطة

كيف حالكم يابنات التحضيري وكيف نفسايتكم ان شا لله كويسين

انا حدخل في الموضوع عالطول

الموهيم

انا ما اعرف كيف ازاكر المحاضرات

احنا عندنا كيمياء ولما احضر الكلاس مره ما افهم شي لانو دكتورتنا كل كلامها انجليزي

وارجع البيت افتح الكتاب واقفلو

اش الحل يعني لو زاكرات التست بانك يكفي

لو ايوا ياريت تحطو هنا لاني دخت في المنتدى

والاحصاء اليوم اشتريت الكتاب وبرضو فتحتو وقفلتو ومدري اش قصتو

اوكي افهم الاحصاء مع الاستاذة بس ارجع ما ادري اش الحكايه

لو يكفي التست بانك ياريت تحطوه كمان

والاحياء حلو ماشيه فيلو

والانجليزي لسا ما درسنا

وبس

ياريت اللي يدخل موضوعي يقولي كيف طريقة المزاكره الصح

وكيف انظم وقتي لاني بجد ضااااااااايعة

تصدقو كنت افكر اسحب ملفي من الجامعة بس ماما قالت لي حرام عليكي تعب 12 سنه تضيعيه عشان

الانجليزي وانا كنت شاطره في المدرسة ومن الخمسة الاوائل كمان ودحين ما ادري

والله كل يوم ارجع البيت اجلس ابكي ومره نفسيتي زفت ومدري اش اسوي

انا ما ابغا يضيع عليا الوقت اكتر من كدا خلااااص ابغا ابدأ ازاكر بس ما اعرف كيف

يااريت تسااااعدوني

وصدقوني بدعيلكم بظهر الغيب الدعوات اللي انتو تطلبوها

علما بأن الدعوة في ظهر الغيب مستجاااابة

بليز لا تطنشووني


انتظر ردودكم على احر من الجمر

بسمة ألم

[طقوس ..~]

:)

بالضبط زي حآلتي فى اول اسبوعين تحضيري ..

انا اقولك يا قمر اش تعملي ..


بس دحين خليكي معايا


وركزي ..

وصفي ذهنكـ

شهيـــــــــــق .. زفيــــــــــــــــر ..

وآبتسمي كذآ وأبدئ اقري ..


اول شئ اول ماتخلصي من القرآيه .. تروح تصلي ركعتين لربنا ..
وتشكيله همكـ .. وتعبكـ .. ودموعكـ ..
حكيه .. واطلبي منه .. وآدعي ..
وآستخيـــــــــري ..~
صلي ركعتين وبعدين قولي دعاء الاستخـآره .. وتوكلي على الله ..
توكلي على الله من كل كيـآنكـ ..
ولما تخلصي
افتحي كتبكـ

التوفيق مو منك او من صحبتك او من الموآد واللغه حقتها او من الدكتوره

التوفيق منه هوآ جل فى علآه ..

ابدأي افتحي كتب .. حـآولي .. مافهمتي .. ارجعي حاولي .. حلي اقزآمبل .. حلي تمارين .. ماطلع الناتج .. ارجعي حـآولي ..
مرآ واتنين وتلآته وآربعه .. مو مشكله .. اهم شئ انك تحاولي ..
صدقيني لو بعد دآ كله .. طلع لك الناتج صح .. رح تفرحي من قلبكـ ..
امسكي نوت كذآ ع اليمين .. واكتبي فيها قوآنين وخطوآت حل ..
عشان بعدين ترجعي لها ..

انتِ شـآطره .. ورح تنجي .. وبإمتيـآز كمان .. :) ورح يتحقق لكـ اللى ببالكـ ..

اعتبري دآ كله من صعوبات البدآيه ..

ورح تقدري تتخطيها .. بس حطي ببالك انتي الحين جـآمعه .. لازم تكون شآيله مسؤوليه نفسكـ ..

روحي عند دكتوره الاحصـآء او الكمستري .. وخذي منهم السآعات المكتبيه .. وروحي اسأليهم مارح يردوكـ .. وبالعكس رح ترتاحي ..

ابعدي عن كل شئ سلبي حولك .. واللى بيقعدو يتذمرو اخُسريهم ..

اللغه مو مشكــله .. كلها اسبوعين زمان .. ورح تجي عندي وتقولي صح كلآمك يا خوخا ..

من جد في بنات بلبل انجليش وما نجحو فى التحضيري ..

اهم شئ انك بالبدآيه تترجمي ..

ولما تترجمي كلمه واتنين وترجع تمر عليك رح تحفظيها


:)

حكايه انوه يكفي التست بانك .. لا طبعا مايكفي .. وكل مده بيغيرو على كيفهم ..

انا كنت اذاكر ملخص .. وجبت الدوري الاول مرآ درجه حلوه والتاني كمان .. لكن النهائي ماجاء من الملخص .. اغلبه جـآء من الكتاب .. ومرآآآآ حست ..

مافي شئ يضمن لكـ انهم رح يجيبو لك من التست .. ممكن ما يجيبو منه ..

انتبهي .. مشي درس بدرسه .. ومافي شئ جديد الا االآحصاء ..

:)

الله يوفقكـ ويريحكـ ..

[sweeeeeeeeeeeeeeet]

والله يا قلبي انا كنت زيك اول ما دخلت التحضيري كنت افتح الكتب وما افهم منها ولاشي واقفلها جلست على هذا الحال اسبوعين بس بكاء
بعدين بدات اذاكر واترجم والله كنت اقعد 6 ساعات بس عشان امكن درسين او ثلاثه بعدين شويه شويه اتطورت اللغه عندي و ما صارت مشكله ابدا وذاكرت اول باول والحمد لله جبت درجات مره كويسه ومعدلي كان 4,69
صدقيني هيا بس الصدمه ماثره عليكي شكل الكتب مخيف بس لازم لازم تتعودي تذاكريها لانو طالما انتي مسار علمي كل الاقسام الي قدامك انجلش
معليش طولت عليكي بس والله حاسه فيكي
الله يوفقك وييسر لك زي ما يسر لي آآآآآآآآآآآآمين

[بسمة ألـم]

الله يسعدك يا خوخه انتي وسويت ويريحكم زي ما ريحتوني

بس ابغا اعرف كيف انظم وقتي ؟

[M!ss 5o05a]

والله بجد نصايح مرررررررره في محلها ..الله يسعدكم ياطقوس وسووووويت..

عن جد ريحتوني ..

[بسمة ألـم]

اب

محد يبغى دعوات

[D700mI]

كويس انك ما بطلتي


بس ترى هي صح اول سنه تعجيز بس دحين لما صرت اتكلم مع الكبارية>>>لول
يقولولي انه الدكاتره ما بيقصرو معاهم والواحد يتخرج سلام سلام هي بس اول سنه صعبه


والله ييسر ويوفقك يا رب

ايوه نسيت صح الموضوع قديم بس حبيت اجدده جبت معايا مكنسه >>>>سارقها من مخزن بيتهم

ووووولا تنسي اللعبه حقنا :)

7
7
7
7
7
7
7
7
7
7
7
:(

[Oxsgen]

خذي هذي المقولة : (ما لا يدرك كله لا يترك كله ) يعني يا درجات عالية ولا بتطلعين ؟؟

ثابري واجتهدي وفي طالبات في الجامعة مستواهم ينزل عن المستوى الي كانوا عليه في المدرسة ,,

بس عدووا السنة التحضيرية بامتياز ..

لا بديل عن الشهادة الجامعية!

الله ينور طريقك .. ويسعدك
.. ويجملك برضى الرحمن ..

[رزان22]

لا لا ايش الي تفصلي
طريق بديتيه تكملينه
شوفي حبيبيت الكيمياء ابداي فيها بنطاق ضيق بعدين وسعي النطاق
يعني ابداي بفكرة الدرس الاساسيه
الامثله بس
وبعدين بالتدريج ابداي بالبروبلم والتيست بنك وتوسعي
واي فكره سالي دكتورهى زينه عنها
خليكي ملمه بالصغير والكبير بالمنهج
افتكر بالدوري الاول قريت معلومه صغيره بين السطور وانا بالسياره قريتها كذا وانا مستبعده انها تجي
وجتنا
لو ماهي اختياري ماعرفت احلها
فانتي خليكي حاره
وترى على فكره والله الكيمياء مررررررررررررررره تــــــــــافه لما اطلعت على مناهج تحضيري الرياض من جد كيمياء ثانيه
بالتوفيق يارب لكي وفالك الفل مارك