11 ساعة فقط من 21 ساعة!!!

[للعلم فقط]

السلام عليكم ورحمة الله

الأخوة الخريجين بهذا الترم ... بعد تحيتكم و دعاء لنا و لكم بالتوفيق و النجاح..

ذهبت لهم أول أسبوع ، و شوي و إلا طردوني من الجامعة!!
قالوا لي يا عم ما انت شايف الزحمة حقت المنتظمين و حضرتك جاي اللحين؟!!
المهم يا دوب ختم لي ورقة بالمتبقي من الساعات و عددها 21 ساعة. وما رحت لأحد ، أخذت بعض وهربت ..
أمس نزل الجدول فقط بـ 11 ساعة . و الحالة مستمر في الدراسة. الله يعين ناوي أرجع جدة إن شاء الله الثلاثاء القادم ..و ناوي
- ينزلوا لي الساعات المتبقية ( المجموع 21 ساعة )، هل هو ممكن ؟
- وين أروح بالضبط عشان ننهي كل ها الحوسة، ما فينا كل شوي رايحين جدة...

لكم التحية..و موفقين جميعا إن شاء الله

على فكرة ( إدارة أعمال - مسار إدارة العمليات و الجودة)

للعلم فقط....

[ابو محمد 2009]

اذا الأخ الحبيب ختم لك الورقة خذها لأمين القسم في الكلية كمان يختمون لك فورمة عندهم بعدين على سيارتك وانطلق لعمادة القبول والتسجيل الدور الثاني عند مسجل الكلية للإنتساب كمان واحد حبيب جدا جدا حتى كراسي المكتب حاطها فوق الكنب علشان مايجلس عنده أحد!! ومن هناك ياخذ الورقة وصورة بطاقة الأحوال وصورة جواز السفر عشان الإسم على الشهادة بالإنقليزي. ونصيحة لاتتعب نفسك تسأله أي سؤال فيشوتك ظفر. وفر كرامتك أو ماتبقى منها عند الحبيب الأول وأمين القسم والبزران اللي في مكتبه. وقبل ماتطلع من الجامعة تأكد ان الحبيب الأول نزل لك المواد الإختيارية أو الحرة اذا ماقدرت تنزلها على النت علشان لو فيها تعارض تاخذ استثناء من الأمين أو وكيل الكلية. بالعربي خذ خيمة واقعد في الجامعة حتى تخلص.

[للعلم فقط]

وفقك الله أبو محمد ...
يعني يمدينا نخلص منهم في يوم واحد إن شاء الله.

جزاك الله خير...

[m2829m]

ابو محمد سؤال بعد كم ساعة اروح لعمادة القبول والتسجيل عشان اجراءات التخرج

[m2829m]

للعلم فقط
يليت تصور الكراسي الي فوق الكتب والموظف الحبيب ودنا نسوى له دعاية مجانية في المنتديات
عشان يفهم وشبلون يتعامل مع الطلاب

[ابو محمد 2009]

المشاركة الأصلية كتبت بواسطة m2829m ابو محمد سؤال بعد كم ساعة اروح لعمادة القبول والتسجيل عشان اجراءات التخرج

الترم السابق للترم اللي بتتخرج فيه

[ابو محمد 2009]

المشاركة الأصلية كتبت بواسطة m2829m للعلم فقط يليت تصور الكراسي الي فوق الكتب والموظف الحبيب ودنا نسوى له دعاية مجانية في المنتديات عشان يفهم وشبلون يتعامل مع الطلاب

الأخ هذا يمثل اذن الجمل فقط!!

تحياتي

[teem000]

المشاركة الأصلية كتبت بواسطة ابو محمد 2009 الترم السابق للترم اللي بتتخرج فيه

أبو محمد ولا عليك أمر
أنا المتبقي لي 32 ساعة يعني مو الترم هذا الترم الثاني آخر ترم لي إن شاء الله في الجامعة
السؤال : هل المفروض أني مسوي إجراءات التخرج وإلا لا ؟!!

[للعلم فقط]

الســلام عليكم و رحمة الله

للأمانة ... وجدت كل سرعة و تعاون من الجميع .. ولكن لم أجد الشخص الذي ذكره لنا أخونا ابومحمد ، و كان زميله في المكتب المجاور متعاونا جدا. المشكلة بالمشوره من مبنى لمبنى فقط.

موفقين...

[ابو محمد 2009]

المشاركة الأصلية كتبت بواسطة teem000 أبو محمد ولا عليك أمر أنا المتبقي لي 32 ساعة يعني مو الترم هذا الترم الثاني آخر ترم لي إن شاء الله في الجامعة السؤال : هل المفروض أني مسوي إجراءات التخرج وإلا لا ؟!!

انت حر تبغا الآن ولا الترم الجاي.
الحقيقة ماتفرق لأن السيستم مابيعطيك الترم قبل الأخير أكثر من 18 ساعة. لكن ترم التخرج يفتح لك السيستم كل الموانع السابقة وتقدر حتى تنزل مادة و متطلبها سوى وتسجل حتى 24 ساعة. الشئون التعليمية مارايحين يوقعون لك التغيير إلى طالب متوقع تخرجه بالرغم من صراحة النظام ولكنه الإجتهاد المبني على الأهواء الشخصية ( وهذا اللي مرجعنا ورا ) لكن روح لمكتب أمين القسم وعبي الورقة من عندهم وخلهم يختمونها وروح العمادة وخلص موضوعك. بالتوفيق