اللـــقاء الثالث لقسم الإعلام + صور

[wan]

السلام عليكم

كيفكم بنات ؟

طبعاً زي ما انتو عارفين اليوم كان اللقاء الرابع لقسم الاعلام
اللقاء كان مرررره حلو و قدرنا نسأل و نتعرف اكتر عن القسم خصوصاً المستوى التالت زيي

اللقاء كان بتنظيم من الطالبه ( إراده ) من جد الله يعطيكي العافيه يا اراده و عيني عليكي بارده
و الله يوفقك و تكملي و تسيري اعلاميه قد الدنيا .

حضرو الدكتورات و رئيسة القسم و سكرتيرة القسم

دكتوره جيهان , دكتوره رباب , دكتوره فاطمه الزهراء , دكتوره دينا
و رئيسة القسم الدكتوره حنان اشي
و السكرتيره الاستاده فاطمه

اول شي بدأو بـ تلاوة قرآن

و بعد كدا بدأت إراده تعرف عن الدكتورات وحده وحده في عرض ع الباور بوينت

و بعدين اتكلمو عن القسم و تاريخ نشأتو

بعدين عرضت رسايل من ( المذيعه في قناة lbc : منى سراج )
( عبده خال - كاتب او رئيس تحرير عكاظ ما افتكر بالزبط )
( عضو هيئة تدريس في الاعلام )
( وزير الإعلام السعودي ) >> تقول اراده انو اسرع واحد رد عليها ياحليلو
طبعن كلهم وجهو رسايل لنا تتضمن نصايح و تشجيع و كدا

بعدين طلبت إراده من الطالبات إللي عندهم تجارب إعلاميه إنهم يطلعو يتكلمو عن تجاربهم

1 - طلعت طالبه و اتكلمت عن تجربتها في التصوير الفوتوغرافي و ادتنا نصايح وكدا ماشاءلله عليها
2 - طلعت طالبه اخرى اتكلمت عن تجربتها عن التدريب في الإذاعه السعوديه و كيف قدرت تتدرب هناك و كيف الطريقه و إيش استفادت ماشاءلله عليها
3 - طلعت طالبه حكتنا عن إنو لها مقالات أتنشرت في جريدة وزارة التربيه و التعليم من يوم هيا سادس إبتدائي ماشاءلله
4 - طلعت طالبه ماشاءللله ما أقول طالبه .. طالبه و كاتبه في نفس الوقت .. أتبنت موهبتها دكتوره رباب و شجعتها و هيا دحين بتكتب في جريدة الجامعه و في مجلة سيدتي

.... امممم يارب ما أكون نسيت أحد

و بعدين عرضو عرض عن إيجابيات و سلبيات القسم

بعدين جا وقت الاستفسارات .. جات استفسارات كتيره
انا سألت مرتين لوول

اول شي سألتهم متى حيفتحو مسارات تانيه . جاوبت عليا دكتوره حنان
انو هما دحين عندهم كادر بسيط يتكون من عدد قليل من الدكتورات ان شاءلله لو زاد العدد رح يفتحو مسارات لأنو دحين اماكنياتهم بسيطه و تقتصر عالصحافه .
و بعدين سألت عن المسارات اللي نبغاها . في بنات قالو علاقات عامه و في بنات قالو اذاعه و تلفزيون .. و انا صحبتي خشينا عرض و قلنا نبغا دعايه و اعلان

تاني شي سألت عن التصوير الفوتوغرافي و قلت نبغا دورات بخصوصها .. قالو طيب ان شاءلله حيكون في

و في طالبه قالتلهم ان الدورات لازم يكثفو الاعلان عنها و قالو حيعلقوها عند القسم
بس صحبتي رجعت قالت حتى لو تعملو قروب في جوجل او في الياهو .. فقالو طيب ان شاءلله

امممممممم و اخر شي طبعاً وقت تقطيع الكيكه .. طبعاً إراده متحممممممسه قعدت تزعق تقول اللي ما حتاكل حنطلعها من الاعلام و اللي ما حتاكل مهي اعلاميه

و امممممم نسيت اقول خلال اللقاء كان في قهوه و تشوكلت و وزعوا علينا اوراق نكتب آرائنا و اقتراحاتنا ..


و جا وقت تقطيع الكيكه .. الكيكه ماشاءلله مره مره مره عجبني شكلها وقلت لازم اصورها قبل ما تتقطع

اضغط هنا >> يميييييي .. بس اراده ليش الكام نيكون ؟ ايشب الكانون يعني خخخ

اضغط هنا 2 >>> آحلى ناس

بعد كدا جو الدكتورات و دكتوره حنان و قطعو الكيكه و صفقنا
أهم شي دكتوره فاطمه ادا ما خاب ظني تقول : صورو يا بنات و نزلوها في اليوتيوب
هههههه وربي فله


و دا كل شي صار في اللقاء >> يعننها تغطيه بس مشولها


و ادا في شي ما دكرتو معليش

و مره تانيه إراده الله يعطيكي العافيه انتي و البنات اللي كانو معاكي . من جد انبسطنا





بيس اوت

[حصه بنت عبدالعزيز]

من جد الإجتماع اليوم كان مره حلو ومفيد لنا كمبتدأيين في القسم :)
وأهم شي أنا وإنت ما قصرنا فيهم بس نسأل ;)

والله يعطيهم العافية كل القائمين على برنامج اليوم ..
أتمنى إنو يسير دايما زي هذي الإجتماعات إلي تساعدنا وتكسبنا خبرات من الأشخاص
إلي سبقونا ولهم خبرات في المجال هذا ..

وعقبال ما يفتحو الأقسام الجديدة إلي ما باينلها إفتتاح إلا بعد ما نتخرج ..
وأحلى ما في الموضوع إننا من أوائل الدفع إلي بتتخرج وحيكون لنا شرف كبير
بهذا الشي ..

شكرا يا وانتي على التغطية بجد تسلم إيدك ما قصرتي (k)

[بنت االجنوب]

مشكوره روان على التغطيه ماشاء الله عليك مانسيت احد لك مستقبل بالصحافة >> قلت ماشاء الله لاتخافين هههه

بصراحة اللقاء كان راااااااااائع و مفيد خصوصاً لنا حنا يالمستجدات بالقسم

والبنات إلي تكلموا عن تجاربهم ابدعوا

وبصراحه كل الأستاذات عسل وأسلوبهم جداً جميل

والف شكر لمن قدم اللقاء من الطالبات وخصوصاً إرادة

على فكره روان أنا سمعت أنه اللقاء الثالث موب الرابع

مو متأكده بس كأني سمعتهم يقولون كذا

الف شكر لك

[إراده]

صحيح هو اللقاء الثالث


ماريا حمدان صديقتي كان لها فضل كبير في الاعداد لهذا اللقاء


وكمان حياة أحمد ورانيا الحربي الي قدموا بعض الفقرات



هدول الناس كان لهم مجهود كبير في نجاح هذا اللقاء



وكمان الشكر الأول لدكتوره جيهان هي المشرفة ع اللقاء

ولي عوده توي جيه من الجامعه وتعبانه مررره

[عذب الكلم]

واااو جداا نايس ومن جد ماشالله تغطية إعلاامية مية المية يعطيكي العافية ونشوفك أحلى مصورة ع أحلى صحفيه ع كلوووو >> go gurl :P

[wan]

حصه
صح كلامك والله .. يعني احنا ان شاءلله حنكون الدفعه التالته مدري الرابعه > لا تقربوها جنب شي فيه رقم
و العفو حصوص .. ثانكس فور يور رد

--------------------------
بنت الجنوب

لوووول أجل ليا مستقبل ؟ الله يطمنك ياشيخه

ومن جد كلامك الدكتورات مررره مرره عسولات
و صح التالت :( حيتعدل إن شاءلله

و شكراً يا شوقر


-------------------------------

إراده

أوووه سووري إن شاءلله يتعدل :( > اعلاميه فاشله
و من جد الله يعطيهم العافيه باقي البنات
مبدعات مبدعات اسم الله اسم الله
و يلا روحي ريحي وربي يومك كان حافل ماشاءلله
تيت

----------------------------------

عذب الكلم


ايش جاب حقون الكيميا حيوي هنا لوول لا امزح امزح
والله شكراً يا أوخيتي و إن شاءلله إنتي كمان يارب نشوفك ....... >> توهقت مع الكيميا
مدري نشوفك جرثومه نشوفك مع الطفيليات .. سلكيها ليا ترا مالي في العلوم
المهم الله يوفقك إنتي كمان في قسمك الجميل ماشاءلله و من تفوق لـ تفوق يارب

---------------------

[كلي أمل]

ماشاءالله تبارك الله ...

عيني عليكم بااارده ...

من جد قسم الاعلام يفتخر فيكم :)


موضوع يستحق النجوم ..


وتحياااتي لكل من ساهم في اللقاء ..


دمتم

[النجمة المتألقة]

الله يوفق الجميع يارب ...
وتمنياتي للقسم بالتقدم ،،،

[enta.3e6ri]

مآشآء الله تبآرك الله ..

يآليت دريت عن اللقآء كآن حضرت وستفدت إن كآن مسموح ..

أنآ سنه تحضيريه إنتسآب إداري إنساني ..

هدفي الإعلآم بإذن الله ..

ممكن توضحو لي كم المعدل اللي لازم اجيبو عشان ادخل الإعلآم و إيش موآد التخصص ككل ؟؟

موفقين يآبنآآت ..

[a7la_lolo]

الله يوفقنا ويوفق جميع طالبات الاعلام

كان مجهودهم جدا رائع ومتعوب عليه

والله يخلينا دكتوراتنا يااااارب

وعقبال مايطور القسم اكتر واكتر

ونشوف بنات مبدعات اكتر

وبالتوفيق للجميع