الحضور مع بنات الانتظام ؟

[mond 14]

السلام عليكم

أبغى احضر مع بنات الانتظام ينفع ولا وطبعا لازم أستئذن من الدكتورة وكيف اعرف اسمها

واية مبنى والغرفة وخايفة اروح أتوه في الطريق أفيدوني ؟

[mond 14]

انتظر ردودكم

[The_Red_Halo]

و عليكم السلام

عادي الموضوع ينفع تحضري انا عن نفسي باحضر مع الانتظام .. اول شي جيبيلك جدول وحدة انتظام نفس خطتك .. لو ما تعرفي احد روحي منتدى التحضيري اداري و انساني و اطلبي هناك او دوري انا واحد من الشباب الله يجزي بالخير اعطاني جدولو ..المهم روحي الغرفة اللي فيها المحاضرة قبل المحاضرة و استني عالباب اول ما تشوفي الدكتورة سلمي عليها و عالسريع استأذني و خلاص الدكاترة ما يقصرو

[mond 14]

طيب معليش سؤال تاني بالنسبة الكتب ينفع أشتريها من مكتبة خوارزم الي جوة الجامعة ولا ما ينفع للمنتسبين وجزاك الله كل خير

[The_Red_Halo]

طبعا ينفع عادي روحي و اشتري و ما يحتاج تقولي معليش عادي لازم اجاوب

[fanona]

طيب انا ابغى اسالكم
اقدر ما احضر على اوقات جدولي واروح مع بنات الانتظام؟؟

[mond 14]

يعطيك الف عافية مشكوررررررررة

[The_Red_Halo]

المشاركة الأصلية كتبت بواسطة fanona طيب انا ابغى اسالكم اقدر ما احضر على اوقات جدولي واروح مع بنات الانتظام؟؟

اساسا لو تبغي تحضري مع الانتظام ما ينفع تروحي على اوقات جدولك احنا اوقات جداولنا مسائية الانتظام صباحي فقط اقصى حاجة يوصلها طالب الانتظام (تحضيري طبعا في كليات تانية يتأخرو) الساعة 2 pm

[The_Red_Halo]

المشاركة الأصلية كتبت بواسطة mond 14 يعطيك الف عافية مشكوررررررررة

الله يسلمك بس انا ولد ترا مو بنت