السنة التحضيرية كتبها كتــــــــــــــــــــــــير صح

[Miss BaYoOon]

السلام عليكم ورحمة الله وبركاته
انا سمعت انو السنه التحضيرية كتبها مررررة كتير وتعب انو نشيلها في شنطة لانو ح ينكسر ظهري
وكمان سمعت انو من الافضل الاشتراك في الدواليب

بس مني عارفه كيف اشترك فيها ياليت احد يفيدني


ومع شكري

[Fa9oly]

السلام عليكم ..
والله يا عسل ما ادري ازا انتو زينا ولا لا
بس انا اليوم اشتريت كتاب الفيزياء بصراحه شي يسد النفس
والسنه التحضيريه ما اعتقد انو كتبها كتير هوا كتاب لكل ما ماده بس اعتقد انو الانقلش كتابين

بالتوفيق ..

[الفنانة]

المشاركة الأصلية كتبت بواسطة مياسة العود لوكرات العلوم (مبنى 7) الطويله ماتنباع ولاتنشرى انتي بس دوري واسألي لغاية ماتلاقين واذا لقيتي حطي عليها ورقة لمده اسبوع وشوفي اذا انشالت ولا لأ اذا انشالت معناه اللوكر حق وحده من البنات اذا لا روحي لهيلين وقوليها عملت اعلن ومحد رد لمدة اسبوع هيا حتعطيك ورقه للصيانه عشان يفتحولك هوا وووبس وفي لوكرات في الشؤون هذي بالاجار اسئلي عنها هناك وفي لوكرات حق الطالبات جايبينها هم يبيعونه او يأجرونها وتكون مختلفه عن اللوكرات حقت الكلية وان شاء تلاقين

هذا كلام وحدة من البنات ان شاء الله تفيدك :)

وإذا حابة تعرفي أكتر ادخلي هنا

[علم غرورك عزتي مالها حد]

والله انا العام اشتركت فيها بس كان المبنى بعييييييييييد جدا ولاهو حول قاعاتي او على الاقل بوابتي وتركته المهم الطريقه /تروحين للبنك وتقولين للموظفه اللي عند الباب انك تبغين دولاب هي تعطيك ورقه وتعطينه موظفه ثانيه وبعدين تعطيك استماره تعبينها وانتي تدفعين المبلغ اللي هو 20 ريال وبسسسسسسسسسس والله يوفقك

[Kaira]

يسلموووووووووووو عالمعلومات
والله أنا كمان أفكر انو يكون عندي لوكر بصراحة الكتاب الواحد يفتك الضهر ><

[soha zarie]

الله يستر..

[خـــــلـــــود]

الله يعيننا
ومشكورين على المعلومات

[luly]

انا سألت عن الاشتراك في اللوكرز
الاشتراك للطالبات المستجدات حيبدأ يوم 5\11 , والاشتراك 20 ريال للترم و40 للسنه كامله
وذا تبي تسألي المشرفه موجوده في استراحة الطالبات اللي جنب الكفتيريا اللي عند مبنى 43 ..

[Miss BaYoOon]

مرررررة شكرا ترى والله مرررة فرحتوني لانو البنات قالولي انو اللوكرز كلو فل
بس دحين مررة انبسطت