التحويل الى انتظام

[شموع الحب]

اللله يسعد اللي يساعدني انا تعبت من ذي الجامعه وفي نفس الوقت مابغى ايأس منها انا طالبه تحويل لانتظام ليه فتره وماهم راضين كل ماروح لهم يقولوا اكتبي اسمك ونتصل عليك وسويت معامله من عند الرجال الله يسعدكم اللي عنده حل لايبخل عليه ضروري علما ان معدلي 3.59

[ام حمدان]

حبيبتي معدلك اقل من المطلوب
وعادةً الي اقل من المطلوب اذا فضلهم مكان بيكلمونهم بس يآخذون وقت يعني ممكن حتى بعد اسبوعين من الدراسه او اكثر
بس هالسنه ماادري كيف الوضع لان الي طالبين تحويل كثير
عموماً انتي حاولي تراجعينهم كل ماسنحت لك الفرصه عشان اول مايبدأون يقبلون المعدلات الاقل من 3.75 تكونين موجوده
موفقه ياعزيزتي

[حنان 90]

انا اليوم رحت احول لانتظام ,,, لاتسمعين كلامهم لمن يقولون بنتصل او....الخ
انا رحت العماده في الاجازة وقدمت طلب وقالت خلاص بنرسل لك رساله على الجوال اذا صار شيء ؟؟ وانتظرت ,, بس ما رسلوا لي ولا شي وانا معدلي 4
المهم قلت خليني اروح اليوم ,,, ورحت حصّلت البنات يقدمون على طلب جديد وقدمت معاهم وعطونا ورقتين (نموذج تحويل - فحص طبي) نعبيها ونجيب الشهادة الثانوية الاصل ونعطيهم
انا انشاالله بكره بجيب الشهادة واعطيهم ,, يعني الحقي قدمي طلب ثاني ,, اصلا في الموقع كاتبين من شروط التحويل >> اقل شي 3,5
اصلا انا اليوم شفت بنت 3,36 معدلها وقدمت على طلب بس ماادري قبلوها ولا لا !!؟

[حكاية مشاعر]

حتى انا مثلك روحت الجامعه وقالولي اكتبي اسمك واحنا حنتصل ولما سألتهم متى حتردو علنا قالت ماندري!!!!!!

ورحت للاستاذه ابتسام وقالت انا مالي صلاح كلمي اللي في الشباك واكتبي اسمك عندهم وبس..
قهروني والله وانا عندهم من 10 وماخرجت الا وحده ونص..

والمشكله مااقدر اروح هالاسبوع الجامعه اش اسوي؟؟
معدلي 3,87 ولسا ماحولوني..
انا ابغى اعرف اش له داعي التحويل عن طريق الاوديوس.. وهم مو ماشين عليه
حسبي الله ونعم الوكيل
بالله اللي تعرف اش اسوي تقولي لاني بتعب نفسيا لو اجلس كمان انتساب هالسنه..

[Ξxтяα ςάѓαмεζ]

حنان لا 3.5 دا مرررا قديم


دحين مايقبلو الا 3.75


ازا انا 3.71 وماقبلوني


اللي 3.36 بس تكتب اسمها


بس ترا من جد يتصلو انا اعرف وحدا اتصلو عليها بعد 3 اسابيع


بس طبعن هما ياخدو بالمعدلات الاكتتتتررر


والله يعيينننننا ع التحويل دآ

[عصفورة الحب]

اليوم بدأو ياخدو اللي معدلاتهم 4 للي ماطلعت اسمائهم في الكشف قدمو طلب والحمدلله واحدة من صديقاتي قدمت معانا طلب ومعدلها 4.12 واليوم دوبهم حولو واذا خلصو ياخدو 3 انتم بس راجعوهم يوميا وادعولي يطلع اسمي وبالتوفيق

[Ξxтяα ςάѓαмεζ]

لا ياعصفورة انا صحبتي معدلها 3.96 ووحدا معدلها 3.80 وامس حولوووو


يعني همآ من آمس بيحولووو اللي فوق 3.75



بس ياااارب ينزلو المعدل المطلووووب يخلوة من 3.60 زي السنه اللي فاتت



اففففففففففففففففف اش دا

[هـــمـــس]

يـــأإأإرب يحولونا والله شي يقهــر

يابنات لاتنتظروهم يتصلـــو راجعــو وانا بإذن الله براجعهم

معدلي 3.77 وماادري ايش بيصيـــر

[حكاية مشاعر]

الله يعيننا ويوقفنا وياااااااارب كل وحده تبغى تحول ان شاء الله تحول

بحاول بأذن الله اني اروح بكره الجامعه

مين كمان رايحه؟؟

خلونا نتفق ونروح مع بعض وربي ييسر لنا كل امورنا بأذن الله..

[Ghadeer]

بنات اقدر السبت الجاي اقدم طلب تحويل عالانتظام ..؟

معدلي حلو و ابي احول انتظام بس المشكله انا مو من جده و صعبه علي اراجع كل يوم والثاني

طيب ايش الاوراق المطلوبه بلييييييييييز ساعدوني يمكن يحولوني انتظام

إذا في امل من السبت انا طايره على جده ياليت المعلومات بالتفصيل الممل الممل