استفسار عن دكاترة ee250

[الكهربائي 01]

شباب من أفضل يدرس البيسك تبع الكهرباء
الخطيب أو الهنداوي
وأتمنى توضيح سلبيات وإيجابيات كل دكتور
ومشكورييين مقدما هههه

[moied]

الخطيب بدون تفاهم فلة و طقطقة ويغيب بس يقولكم لا تجون وماكان يعطينا المحاضرة الاضافية ودرجات واسئلة مباشرة
يعني مايحتاج والله يوفقك

[الكريم ابن الكرام]

الخطيب ما أعرفه لكن الهنداوي إذا نزلها والله العظيم لا تفوت

ما شاء الله فاهم بمعنى الكلمة وإنسان خلوق

وإخلاص في الشرح تخيل يترجى الطلاب اللي مو فاهم يسأل

ويزعل على الغياب والتأخير حتى

ومو زي بعضهم يشرح ببروجكتور

يجيب معاه أوراق فيها أمثلة ويشرحها على السبورة

كل اللي يبغالك تحضر بس

حتى لو تسوي غبي يفهمك

وعلى فكرة شديييييييييييييد ما عنده لعب

والله يوفقك

[moied]

يعني الهنداوي شديد بس يشرح والخطيب شرحه مو مرة تمام الاشياء الي تحسه مو فاهمها ينقزها ومايسألك عنها في الاختبار لكن دام تخصصك كهرباء والله اشووف انك تفهم احسن من انك تنجح

[صقرر]

الخطيب

[E&C Genius]

شوف يا كابتن ؛)

أنا درست المادة عند الهنداوي (الله يوفقه) الترم الماضي وزي ما قال الأخ ابن الكرام الدكتور مخلص في الشرح إلى أبعد درجة ولو حس إنو في طالب مو فاهم يعيد المسألة مرتين وتلاتة.

وبالنسبة لاختباراته عادية (أفكار الأمثلة وأحيانا أصعب شوية) بس أهم شي تكون فاهم وحتاخد حقك 100%
وترى المادة مهمة جدا وتحسسك إنك مهندس كهرباء لمن تتعمق فيها

[الكهربائي 01]

يعني رأي أغلب الشباب الهنداوي
على العموم مشكوريين جميعا
ووفقكم الله لما يحب ويرضى