معــــــــــــاناتي في سطور

[جامعية 66]

السلام عليكم ورحمة الله وبركاته

ببدا في الموضوع على طول واعذروني على اطالتي لاني من جد محتاجه لمساعدتكم
انا طالبة متخرجه من الثانوية العامه لهذا العام 1430 ولله الحمد وتخرجت بنسبة ترفع الراس ولله الحمد وشاء الله ان تنزل نسبتي من 97 الى 71 وهذي الصدمة ولكن مااقول غير الحمد لله على كل شي انا انسانه تطمح لأن تكون\ذات مكانه في مجتمعها وهذا حلم اي طالب مجتهد بذل جهده وقاوم الصعاب الي تواجهه الموضوع ومافيه اخواني وخواتي انا ثالث خواتي الي للأسف توقف مستقبلهم من بعد الثانوية العامه والسبب الظلم والا اذا جيتيهم مذلوله قالولك مافيه اماكن شاغرة انا ظروفي المادية جدا صعبة والله يعلم بحالتي وشلون صايرة لدرجه اني اشتغل الآن بالثانوية الي انا متخرجه منها اشتغل بالمقصف كله عشان الرسوم وخواتي يشتغلون معي بنفس المدرسة عشان اذا ربي وفقني ادرس السنة الاولى وانجح واسحب سنه عشان اختي الي بعدي اوفرلها رسومها وتكمل دراستها وهكذا لظروفي وربي يعلم يااخوان انا قالولي على الامارة ورحتلها يااخوان واوراقي وصلت للجامعه لكن للاسف كل ماينفتحلي باب ينصك الثاني بوجهي ادق كل يوم على ذاالجامعه ويرد علي واحد ويسفهوني عشرة انا ماادري وش اسوي تكفوون ابي مساعدتكم تكفون نفسي اصير اخصائية نفسية ودي اكمل علمي لكن مثل ماقلتلكم ماعرف كيف وش السوات يااخوان يعني اقدر الحق نفسي ذا الايام ولا مااقدر انا عماني كل واحد له مكانه مرموقه الي محامي والي مهندس ولي ولي لكن الي مالة ظهر وش يسوي ولا احد معطينا وجهه ولا احد قال لا هذول اهلنا عيب نخليهم يشتغلون ليه مانساعدهم بواسطاتنا صارت الدنياكلها واسطات

انا آسفة يااخواني وياخواتي على اطالتي عليكم لكن ماباليد حيله
شاكرتلكم والله يوفق الجميع يارب

[اسرار روحي]

ماقدمتي على اعفاء عن دفع الرسوم ،،

انا سمعت فيه بس مادري طريقتهم كيف ،

وبالنسبه للجامعه اكيد مافي احد بيرد علييك لانه مافيه امانه ،

لكن انصحك تراجعيهم كل يوم بالجامعه لاتتصلي الين تاخدي حقك ،

والله يسهلك امووررك ويوفقك انتي وخواتك ،

[منتسبة !!]

المشاركة الأصلية كتبت بواسطة فهد العنزان شروط المنح الدراسية لبرنامج الانتساب مدفوع التكاليف يشترط للتقديم للإعفاءات الدراسية لبرنامج الانتساب مدفوع التكاليف مايلي : 1- تعرف بالراتب من جهة العمل ، وفي حالة التقاعد إحضار تعريف بالراتب التقاعدي من البنك العربي الوطني. 2- يجب أن لا يقل المعدل التراكمي للطالب عن 2.50 . 3- صورة من كرت العائلة في حالة الزواج ، أو صورة الهوية لغير المتزوجين . 4- صورة من عقد أجار المنزل ( إن وجد ) . 5- في حالة وجود التزام مالي ، يجب إرفاق ما يثبت ذلك . 6- تقرير طبي في حالة وجود مرض مزمن لا قدر الله . وتقدم هذه الشروط على شطر الطلاب بالنسبة للطلاب او شطر الطالبات بالنسبة للطالبات للاستفسار : للطلاب : تليفون 6951232 تحويله 204 - 203 للطالبات: تليفون 6952000 تحويله 26004 - 26329

الله يسهلك امورك يارب

[جامعية 66]

تسلمون الله يسهل امركم ويوفقكم يارب افدتوني وإن شاء الله بسوي المطلوب دعواتكم

[sara-22]

الله يوفقك ياااارب وتحقيقي كل احلامك

......

[لصمتي كلاام]

اللهـ يوووفقكـ حبيبتي ويعينكم وييسر اموووركم

لو بيدي شي كان ساعدتكـ وافدتكـ بس انا لسهـ مادخلت الجامعهـ اول سنهـ لسهـ ماعرف شي

واكيد الاخووان اللى قبلي ماقصرروا

ويارب يسااعدكم ويوفقكم

سلاموو

[جامعية 66]

تسلمين سارا حبيبتي وياك يارب وانتي بعد صمتي كلام وتسلمون ماقصرتو

[جامعية 66]

حبيت اسألك اختي منتسبة الله يجزاك خير يارب اذا رحت بكرة إن شاء الله للجامعه وين بالتحديد اروح يعني لمين اتوجه تعرفين ياقلبي اول سنه لي وانا مااعرف شي بالجامعه وخايفة مايدخلوني لاني مااعرف دواماتهم متى

[كامل2]

اختي الكريمة
عيكي باب من لايغلق عليك بالله وبالدعاء والثقة بالله وحسن الظن به والاحاح في الدعاء كيف وهو الذي يقول ( امن يجيب المطر اذا دعاءه ويكشف السوء

[جامعية 66]

الله يعطيك العافيه اخوي كامل 2 واملي بالله كبير إن شاء الله واي جديد بقولكم وربي يكون بالعون