استفسار بخصوص محاضرات مادة التدريب العملي في اللغه -2 lane 463

[Baro0 Felembo0]

السلام عليكم

ياريت تساعدوني وراح ادعيلكم من كل قلبي

انا ترم تخرج ان شاءالله و ما قدرت اسجل بمحاضرات السننترا

وانا حاليا قاعده اتدرب

بس سمعت انه فيه محاضرات للماده هدي lane 463 عالسنترا وفيه اختبار عليها !!!

ياريت احد يفيدني ايش المحاضرات دي وكيف الاختبار حيكون ولو فيه كتاب مقرر ياريت تفيدوني عشان اجيبه

وسمعت انه مافي امتحان بس اقدملهم ريبورت عن التدريب

والله اني اني ضايعه معلش اتحملوني

ودخلت علا خلاصة التدريب ماحس اني استفدت شي

وماني عارفه امشي على كلام مين

ياريت تساعدوني ولكم جزيل الشكر والله يوفقك الجميع باذن الله

[white rose]

وعليكم السلام ورحمة الله وبركاته

حياك الله اختي

وربي يتمم لك تخرجك على خير

المادة فعلاً لها كلاسات على السنترا وفيه ملزمة المس شرحت للبنات منها وتلاقيها بخوارزم اللي برى الجامعة او تقدري تروحي للمس وتعطيك نسخة منها

وفيها امتحان المادة عبارة عن جزئية من الملزمة وجزء توفل من مواقع هيا ترسل لكم هيا عشان تدربو عليها

الريبورت هيا تعطيك وقت ما تخلصي التدريب ورق للتقييم عشان المدرسة تقيمك عليها + ورق الريبورت عبارة عن ملزمة وانتي تعبي الفراغات اللي فيها

تلاقي شروحات كمان تساعدك وروابط لاوراق المادة من هنا وفي ملفات المس كمان تلاقي مواقع التدريب :

كل ماتريدون معرفته عن مادة التدريب العملي lane 463- للترم الاول 2014

✿░ ايميل الدكتورة سوزان لطالبات البراكتكم + الفورم المطلوبة للتدريب ░✿

وهنا اقبتاس لزميلة لكم حيساعدك :

المشاركة الأصلية كتبت بواسطة ѕυрзя пıdσ ياقلبي لاتخافي مافي محاضرات عالسنترا الدكتوره اعطتنا محاضرة وحدة بس ومسجله والمنهج حيكون عباره عن تدريب 90 ساعه و اختبار نهائي عن القرامر وموجود الرابط فوق في رد الاخت وايت روز الي عليكي انك تعبي استماره التدريب تعبي بياناتك وبيانات جهه التدريب و ولي الامر وترسليها بالسكان لو ماتقدري تروحيلها وهيا حترد عليكي بالموافقه عالمكان وانك تبدي تدريب وتخلصي ساعاتك وبعد ماتخلصي تروحيلها وتعطيكي ورقه ريبورت عن تدريبيك و ورقه التقييم لجهه التدريب وانصحك تروحيلها بدري لانو العادة تطول في الرد ومافي وقت ابدا والله يوفقك يارب ويسهلك امرك

بالتوفيق :-)

[Baro0 Felembo0]

امييييييييين يارب الله يوفق الجميع ان شاءالله

ويوفقك ويسعدك دنيا واخره ما قصرتي ياقلبي

بس سؤال بسيط

دحين الملزمه ماهي موجوده بالمنتدى ولا لازم اخرج اشتريها .. لان صراحه ماعندي وقت مع التدريب اني اروح
وكمان هل روابط المواقع تبع التوفل اللي نتدرب منها الاقيها في السيلبس اللي منزلينه هنا
وكلاسات السنترا اش بتشرح فيها .. الملزمه ؟؟ وكيف اقدر احصل عالكلاسات :(
لان لما اراسل د.سوزان ما ترد

ومعليش لو تقلت عليكي ياعسل

انتظرك

[white rose]

المشاركة الأصلية كتبت بواسطة baro0 felembo0 امييييييييين يارب الله يوفق الجميع ان شاءالله ويوفقك ويسعدك دنيا واخره ما قصرتي ياقلبي بس سؤال بسيط دحين الملزمه ماهي موجوده بالمنتدى ولا لازم اخرج اشتريها .. لان صراحه ماعندي وقت مع التدريب اني اروح وكمان هل روابط المواقع تبع التوفل اللي نتدرب منها الاقيها في السيلبس اللي منزلينه هنا وكلاسات السنترا اش بتشرح فيها .. الملزمه ؟؟ وكيف اقدر احصل عالكلاسات :( لان لما اراسل د.سوزان ما ترد ومعليش لو تقلت عليكي ياعسل انتظرك

هلا اختي والمعذرة على التأخير بالرد

واياك يارب ربي يبارك فيك

الملزمة تلاقيها بخورازم او تروحي للجامعة وتاخذيها من المس

والروابط موجودة بالسليبس صحيح

يفيدونك البنات ان شاء الله عنها لاني ما حضرتها وتتاكدي منهم بإذن الله

احتمال تكون مضغوطة المس جربي تدقي عليها بتحويلة مكتبها وتلاقيها بصفحتها على الجامعة هيا بترد مباشرة على الاتصالات

او روحي لها بيوم خاص وكلميها

لا ابد ما فيها اي ثقل انتي تنوريني ربي يحفظك :-)

[Baro0 Felembo0]

الله يسعدك ويوفقك يااااااارب ماتقصري حبيبتي

ان شاءالله ربي يسهلها واشوف ايش يصير

ربي ينور طريقك امييييين ياارب