افضل تخصص مافيه رياضيات ومسائل وتعقيد ؟؟

[جافنشي]

شباب وش افضل تخصص مافي رياضيات بالنسبه لكلليه الاداره

طبعا نفسي اتخصص انجليزي بس للاسف ارامكو ماتعترف بالشهاده اذا كان التخصص انجليزي :(

عشان كذا مضطر اتخصص اي شي من كليه الاداره ....


وابي مساعدتكم .... وش التخصص السهل اللي مافيه رياضيات ومسائل ... او التخصص الاسهل ان وجد ؟؟

بانتظار مساعدتكم .. ومالنا غنى عن الخبرات اللي سبقونا :)

[jolie]

للرفع

[روزليندا]

اخووي شوووف انا انصحك بتخصص اداره عامه وفيه مسارين الاوول تطوير اداري والتاني ادارهمستشفيات ف الاول مرررررره رووووعه ومافي كرهي رياضيات وادعلي بباالمعدل الزين

[كارزيما]

كل تخصصات الادارة فيها حسابات

بس فيه تخصص بعيد عن الحسابات بس مدري ينفع مع ارامكو والا لا

وهو تخصص اعلام مسار علاقات عامة

[رغم العنا ببقى أنا]

انا نفس الحاله بس اختي روزاليندا مافهمت عليكي انتي قلتي اداره عامه لها المسارين : تنظيم وتطوير - خدمات صحيه .. مع العلم انه فيه مسار عام فايش اللي كنتي تقصديه بالتخصص الاول الي مافيه رياضيات هل المسار العام ولا التطوير ؟ ( المعذره لصاحب الموضوع)

[روزليندا]

لا التطوير ياقلبي

[أبو نايف 2009]

أخوي لازم تغامر ترى السهل يخلي حياتك مالها معنى والله



تبي يعني شهادة سهلة صدقني بتلقى مليون يحملون هالشهادة يعني صعب تزاحمهم وأنت تعرف إن البقى للأفضل


خذ تخصص مناسب لتوجهاتك وما أقولك خذ تخصص يفوق قدراتك ولكن لا تأخذ تخصص أقل من قدراتك

[جافنشي]

المشاركة الأصلية كتبت بواسطة أبو نايف 2009 أخوي لازم تغامر ترى السهل يخلي حياتك مالها معنى والله تبي يعني شهادة سهلة صدقني بتلقى مليون يحملون هالشهادة يعني صعب تزاحمهم وأنت تعرف إن البقى للأفضل خذ تخصص مناسب لتوجهاتك وما أقولك خذ تخصص يفوق قدراتك ولكن لا تأخذ تخصص أقل من قدراتك

اخوي ابو نايف انا موظف ارامكو واللهم اني ابي شهاده وتخصص مقبول في ارامكو لا اكثر
ماابي اصير دكتور ولا ابي اصير طيار ...
وابي تخصص سهل يخليني جامعي وبمعدل ممتاز :)

[VicToR]

اخوي ارامكو تقبل بكالوريوس انجليزي , وهذا ماذكر في موقعهم في صفحة التوظيف :

حملة شهادة البكالوريوس والدراسات العليا

*
أن تكون حاصلاً على شهادة الدراسة الجامعية عن طريق الدراسة المنتظمة.
*
أن يكون المعدل التراكمي 2 من 4 أو 3 من 5 بالنسبة للتخصصات الفنية (الهندسية بمختلف تخصصاتها، التخصصات الطبية، الحاسب الآلي، الكيمياء، الفيزياء، الرياضيات والجيولوجيا).
*
أن يكون معدلك التراكمي 2.5 من 4 أو 3.5 من 5 بالنسبة للتخصصات الإدارية (المحاسبة، الإدارة والتسويق، الاقتصاد، الإحصاء، المكتبات، القانون، أعمال السكرتارية، اللغة الإنجليزية والعلاقات العامة).
*
أما إذا كان معدلك التراكمي أقل من المعدلات المطلوبة أعلاه، فينبغي أن تتوفر لديك خبرة عملية بعد التخرج لاتقل عن خمس (5) سنوات.

[صالح بن علي]

هايل جافنشي..

جذبني العلم الألماني في توقيعك فأجبرت نفسي للتعليق...

لا أعرف أي شيء عن كلية الادارة و الاقتصاد.