هي قيييرلز هلبمي بلييييزًًًً!؟

[A7la amory]

بنوتاااات حبايب قلبي أنا بنوته جديد فعزوز وحابه اعرف عن الانظمه شوي
بس أنا سنه تحضيرية علمي في السليمانيه يعني كيف الملابس المسموحة بناطيل ولاتنانير واتعمقو
شوي في الشرح
وكيف جوالات الكاميرا ؟؟ والايباد ؟؟
واتكلمو شوي عن الدكتورات وعن الدراسه وايش الفرق بين الخطه ا وب وايش اسهل
وعن القيييييييرلز والحركتكات <<<< مو كأني زودتها حبتين
ويلا شدو حيلكم ابي عدد المشاهدات =عدد الردود
وثانكس حبايبي

A7la amoooory

[RHF]

اهلين

واللهي لو تقري مواضيع الاخوات التانين حتستفيدي برضو

عمومن انا حبدأ اجاوب

بما انك مسار علمي ،

الفرق بين الخطتين

انو :

أ /

رياضيات و فيزيا و حاسب و مهارات اتصال

الرياضيات ، فيها واجب اون لاين ، عليه 10 درجات تحتسب بونس ،
شدي حيلك و استوعبيه مزبوط و ركزي في المحاضرة

الفيزيا ، ااخ من الفيزيا ، لازم تفهميه مزبوط ، وتحفظي تحفظي تحفظي
ميد1 / فيه 3 بونس
ميد2/ فيه 3 بونس
فاينل / 4 بونس

الاتصال / استمتعي بالمادة ، احفظي كل شي ، لازم تضمني درجاتك فيها اوكي
فيها تكاليف عليها 30 درجة ، المقصود بتكليف = واجب
ممممممم الصراحة مني عارفة ايش اقولك لاكن بعدين انتي وقت تحتاجي شي محا نقصر معاكي
اختبار الاتصال و الحاسب ، الكترونيين ، ولا تحسيه صعب بالعكس سهل مرة تخلصي اختبار و تخرجي حتى لو خلصتي في نص دقيقة

بالنسبة للحاسب ، جدا سهل ، وبرضو حفظ و تطبيق
الميد الاول 10 نظري و 25 عملي
الميد التاني 10 نظري و 25 عملي
الفاينل 30 عملي
ركزي في المحاضررة عشان تكوني فاهمة كيف تطبقي ، وحتى لو ما فهمتي الكتاب فيه كل حاجة خطوة خطوة


ب /

احصاء ،
لازم تاخديه كانو لعبة لازم تفهميه ، وتركزي في المحاضرة

احياء
كلو حفظ من التيست بانك حتى المحاضرات مالها داعي

الكيميا
مممممم لازم تكوني فاهمة و حافظة كل شي من الكتاب و كدا


دحين باقولك اشياء مهمة

بالنسبة للاحصاء و الكيميا ، الكتاب جدا مهم

المواد كلها محتاجة ملخصات ، الحياة في الجامعة كلها ملخصات ،
يعني الكتاب يشرحلك الشي الاساسي بس و الملخصات عليكي بها
اهم شي نمازج الاختبارات القديمة طيب
ممممممم زاكري اول باول عشان ما تندمي زيي

من دحين اقولك الحاسب و الاتصال و الاحياء معتمدين عالحفظظظ
الباقي فهم


طبعن المواد كلها ، في اشياء تيجي بالنص من الكتاب ، يعني ركزي وحلي التمارين كلها و احضري السكاشن

لو حسيتي انك مو فاهمة من دكتورتك ، حاولي تحولي عند وحدة تانية ، لو منتي فاهمة برضو لا تسكتي على نفسك ، وعلى طول روحي عند مدرس او مدرسة خصوصي

مممممممم بالنسبة للانقلش ،
في اشياء تيجي بالنصصص من الكتاب ، وافتحي السي دي اللي مع الكتاب
اضمني الرايتنق و السبيكنق
مممممم
المشكلة مني عارفة ايش اخليي و ايش اقول اشياء مرة كتير في بالي

عمومن ،

حاتكلم عن اللبس

بما انك علمي ، حتقدري تلبسي لاب كوت ، يعني اقصد لو تبي تلبسي بنطلون لازم تلبسي لاب كوت عشان ما يحسبولك مخالفة

بالنسبة للتنانير ، عادي تكون فوق الرجول بشوية ،
لو كانت تنورة بيضا او سكرية خفيفة ، حيمسكوكي مخالفة ،

الجوالات ، عادي جدا

ممكن يقولولك ممنوع ، لاكن ما ياخدوه منك
وانتي كمان لا تمشي بيه بكل قواية انتبهي

حقون الشؤون تحسبيهم طالبات هههه فجأة كدا تكوني ماشية في حال سبيلك تيجي تقولك تعالي معايا مخالفة ههههههه وتكتب اسمك و تاخد البطاقة

عمومن ، لو في بالك سؤال تاني ، اكتبيه ، انا حاسة انو الدنيا ملخبطة مني عارفة اقول ايه و اخلي ايه


وكمان ادخلي على دا الموضوع انا جاوبت فيه برواقة

http://www.skaau.com/vb/showthread.php?t=428822


وقوليلي انتي خطة ايه ؟ عشان اقولك كل شي في بالي عن المواد اللي حتدرسيها الترم الجاي ، ونركز عليها

موفقة

[m6ňšħĦ αℓ3αιm]

آميره كل آلي تبغغيه تلآقيه هنآ
http://www.skaau.com/vb/showthread.php?t=380180
مدري حآسسه آني عرفتك :)

[soul..]

وكمان هذ رابط ان شاء الله يفييدك


http://www.skaau.com/vb/showthread.php?t=422282



والله يسرلك ويفتح عيكِ

[A7la amory]

مشكوووووره قلبو الله يعطيك العافيه ويوفقك أنا خطه ب وقالولي انها صعبه ويبغالها لغه
وانا من جنبها


وعالعموم ترى انتي اسلوبك مو غريب عليا <<<الله يستر هع

[RHF]

خطة ب انا استفتحت بيها السنة الماضية ،

ليه يبغالها لغة ؟

كدا ولا كدا حتى لو كنتي تعرفي انقلش ، حتتعلمي المصصطلحات الخاصة بالمادة

في كلمات اساسية في كل مادة ، تكوني فاهمتها ، عشان تعرفي تحلي

وبيني و بينك واللهي كويس انك بدأتي بخطة ب عارفة ليه

عشان هي تقريبن الاصعب فكويس تبدئي بيها ترم اول يكون عندك حماس كتير

الترم التاني خطة أ حيكون حماسك اقل يتناسب مع المواد

تقريبن ااغلبية الناس معدلهم في خطة أ اعلى من خطة ب

خلينا دحين في خطتك

افتحي الرابط اللي قولتلك عليه ، وشوفي انا ايش كتبت عن مواد خطة ب

الكيميا / نزلي تيست بانك اكرام ، الكتاب مهم ، وازا في ملخصات شوفيها ، زاكري اول بأول ،
نمازج اختبارات قديمة ، ويفضل يكون حق الترم اللي فات ، ممم وترا في اسئلة نظرية يعني لازم تكوني فاهمة كل شي

الاحصاء / الكتاب مرة مهم ، ملخصات جمال السعدي اعتقد ، وكمان في دكتور اسمو سعيد الغامدي تابعي ملخصاتو و اسئلة المراجعة حقتو ، وكمان شوفي نمازج اسئلة ، احضري السكاشن ، وحلي كل التمارين اللي في الكتاب ، عشان تحسي الموضوع عادي ، في الاختبار حتلاقي اسئلة كتيرة جاية بالنص من السكاشن ،

الاحياء / كلو حفظ ، عاد الله يعينك لو انتي من النوع اللي ما تقدري تحفظي كتير ههههه
التيست بانك دا يا حبيبتي ، الاسئلة تجيكي فيه بالنصصص ، ونفس الاختيارات ، فانتي حتى لو ما تقدري تفهمي عشان تحفظي ، حاولي انك تربطي الاجابة بالسؤال ، و ازا في اشياء عندها اختيارات مكررة ، لاحظي الفروق ههههههه ،،

ممممممم انا عن نفسي يعني ، لاني مخططة على ادارة ، فما كان يهمني الاحياء ابدن ، وما كنت مضطرة افهمو لاني كدا ولا كدا عاملة حساب اني ما ادخل شي حدرس فيه المادة دي تاني ، فكنت اربط الاجابات وانا ما شاء الله احفظ بسرعة فجبت فيه درجة عالية ،

الانقلش / زي ما قولتلك شوفي حاولي تحضري عشان تستفيدي انتي ، المزاكرة كلها من الكتاب ، والاسئلة اغلبها بالنصصص ، الرايتنق و السبيكنق ، اضمنيهم ، وحاولي تجيبي اعلى درجة ممكن تجيبيها ترا الانقلش مرررررة سهل ،

وزي ما قولتلك اي سؤال انا حاضرة ^^

( و بالنسبة للاسلوب ، مممم مدري هههههههه )

موفقة