شوية فضفضه مهمه لمستجدين الجامعه

[AM00NA]

ماشاءالله ونعــم الصديـق...
بالضبط زي ماقلت المواد العلمية يبغالها شغل يد ومخ مو قراءة
وانا صــراحة شغل المدرسين الخصوصين مايعجبني
والله ماراح تحس انك انجزت بالفعل الا لما انت تجتهد وتحاول تفهم وتذاكر مضبووط
وطبعا مافي شي صعب بالمذاكره..


شكــــرا مش ماش ع النصائح الله يوفقنا ويــــآكــ...

[مَـزٍآج ..}..]

المشاركة الأصلية كتبت بواسطة am00na ماشاءالله ونعــم الصديـق... بالضبط زي ماقلت المواد العلمية يبغالها شغل يد ومخ مو قراءة وانا صــراحة شغل المدرسين الخصوصين مايعجبني والله ماراح تحس انك انجزت بالفعل الا لما انت تجتهد وتحاول تفهم وتذاكر مضبووط وطبعا مافي شي صعب بالمذاكره.. شكــــرا مش ماش ع النصائح الله يوفقنا ويــــآكــ...

سوري بس كومنت بسيط ..

بعـض الطلآب فاهمين المدرسه الخصوصي .. غلط ..

يعني يروح مدرس خوصي وعلى بآله هو الوحي الي راح ينزل المعلومآت عليه بدون
مآ يبذل اي جهـد ... على العكس تماماً ..

إأذا انت مآ قدرت تستوعب من دكتور المادهـ .. مآفيها شئ انك تستعيـن بمدرس خصوصي

خصوصاً هالسنـه من حيآتكـ .. مهمه جداً ومفصليه بالنسبه لكـ !!

[فتوووح]

شكرااا اخووي مش مااش على التوضيح والايضاااح والافصاااح >> براااااااااا

ريحتني من الهموووم والله كنت ضاااااااايع هههههههه

الاحصاء مع احمد العم !! مفيش اسهل من كده .. انا اخذتها عنده ,, صراحه دكتور خطير بمعنى الكلمه ,, اكتب معاه واسمع كلامه ,, وصدقني حتجيب a+

واااااااااو والله اليوم حضرت له محاضره
انسااااااااااااان رااائع يقوول لاحد يجيب كتب بس تعال واحضر معااي واسمع كلامي
قلنااا كلكم فووووق 90 وااااااو

انسااااااااااان محترم بمعنى الكلمه ^^

اما عن غلام نبي ,, ما ادري عنه ,, بس الي اعرفه انو مايعرف عربي اذا ما خانتني الذاكره ,, ودايماً يحضّر حتى ايام الاختبارات .

حمد الله اخوووي اليووم دخلت جدوولي الدكتووور اتغير الحمدالله الحمدالله ^^

لقيت واحد اسمو رضا محمد عوض الششتاوي

اشرااايك فيه ؟

كمان اخووي مش مااش

ماهيا افضل ملخصات السيد او ملخصات يوسف زويل لاني لاريد كثرة الملخصات بتلخبطك ^^؟؟

اليووم دخلنا مكتبة الشقري انا وكم صاحب ليا

قاااعدين نسال عن الملخصات وتست بانك للمواد الي موجوده في المكتبه


الا بعدين صاحب المكتبه انفجع وقااال ياخراااشي ياااخراااشي

يقوول انتو لسااعكم بدري علييييكم ولسى ممكن تتطلع جديده

السؤال هنا هل ممكن تتغير الملخصات والتست بنك كل سنه ؟؟؟؟

الانجليزي ما يهم الاستاذ اصلاً ,, قد ما يهم الحضور والانصات معاه ,, وسيبك من الي يسحبو والله حتندم زي ما كثييير طلاب ندمو انهم سحبوا على المحاضرات .. ترى الانجليزي مهاره تكتسب ونحمد ربنا ان ساعاتها كثيره ,, لانه بعدين حتحتاج الانجليزي وبشده ..

كلامك صحيح ونفس كلاام الدكتوور

بس الحمد الله طحت عند دكتوووووووور اتمنى يدرنسي كل المستووياااات جدددداااااا طيب

مافي لا واجبات ولا شي بس اهم شي تشارك معاه وتفهم عليه والله يساااعدك بدرجات وكل شي


اجدد شكرري لك اخووي ومعليش تعبتك شوويتين ^^

[محتاج لها]

المشاركة الأصلية كتبت بواسطة meshmash السلام عليكم ورحمة الله وبركاته .. يا جماعه بعد ما بدأت الجامعه ,, تعبت الين ما دورت على مدرسين خصوصيين .. ونصيحه ,, لا تعدي اول اسبوعين الا وانتو مضبطين نفسكم بالاشياء الي حتذاكرو منها .. لأنو فجأه وحيقولو الاختبارات بدأت !! في لمح البصر .. وغير كذا اعرف طلاب دخلو عند مدرسين ورسبو ,, تعرفو ليش ؟؟ الخطأ مو في المدرسين .. الخطأ في نفس الطلاب .. يمسكو الملخص ويقرو فيه كانه جريده !!! يا شباب ويا بنات ,, الرياضيات والفيزيا والكيميا لازم تحرك يدك فيها .. لازم تحل مسائل لازم لازم لازم ,, ولا والله حتدخلو الاختبارات ويخلص الوقت وانتو ما خلصتو نص الاختبار ,, لا تفكرو ان الاختبار يكون صعب ,, لأ والف لأ ,, والله الاختبارات سهله ,, وجداً سهله ,, اقسم بالله الي يذاكر يشوف انها مصخره ,, ويخلص قبل الوقت وينزل من الاختبار وهوا مرتاااح .. شباب والله في ناس يخرجو وهما ندمانين ,, ويقولو يلا الترم الجاي حنعوض ونشد حيلنا ,, شباب تكفا لاتكونو منهم .. والله السنه التحضيريه كل الي تبغاه شوية مذاكره بس ,, لكن المذاكره ما تكون قبل الاختبار ,, لأ كل اسبوع باسبوعه .. وخصوصاً الرياضيات والكيميا والفيزيا .. ونرجع في الكلام للطلاب الي دخلو عند مدرسين ورسبو ! اقسم بالله في طالب رسب في الفيزيا واهو عند مدرس جداً ممتاز ,, انا صراحه انصدمت ,, يعني الطالب غباء مهو غبي .. صح من آخر الناس المقبولين في الجامعه .. وكان على شفا حفره لما انقبل ,, بس مهو غبي اهوه دخل الجامعه .. المهم رحت له البيت وقلتله ,, شوف يا فلان .. انتا كيف تذاكر الفيزيا ,, قلي امسكها واقراها ,, قلتله نعم !!!!!!!!!!!!!!!!!! .. شفتو كيف !! نفس الي قلتلكم عليه يقرا جريده ! .. المهم اشتريت له دفتر ابو 5 ريال a4 .. تحصلوه في اي مكتبه ,, الي يجي لونه ازرق .. واشتريتله الـ notes الصفره بريالين .. وقلتله بهذي الحاجتين انتا رح تجيب a+ .. المهم ما اطول عليكم .. قلتله اي مسأله تشوفها تحلها بيدك ,, يا شيخ لو تافهه حلها بيدك .. ابغاك تخلص الدفتر وتشتري دفتر جديد ,, كل ورقه تخلص منها اقطعها وارميها في الزباله .. اهم شي حرك يدك ,, شغل يدك خليها تتعب انتا رسبت و ذحين جا وقت الشغل ,, ( الولد رسب في مادتين الفيزياء والاحياء ) .. وبالنسبه للاوراق الصفره ,, اي مسأله عجزت تحلها ,, او عجزت تفهمها حط الورقه الصفره ,, واكتب سؤالك بطريقه مفهومه جداً لانك لو ما كتبته بطريقه مفهومه انتا بنفسك رح تنسى ايش السؤال .. وروح للدكتور واسأله السؤال و اذا مو الدكتور احد من اصحابك .. انا كلمته عن الفيزيا ,, اما الاحياء مالي فيها .. المهم .. الولد مشي على الطريقه الي قلتله عليها .. وما شا الله تبارك الله جاب 95 ,, اقسم بالله اتصل عليا يبكي يقول فين شطارته من زمان قبل ما يخبص ويجيب العيد مواده كلها درجاتها رايحه فجلا ! اما في الاحياء ذاكر نفس المذاكره الي رسب فيها ,, ونجح بـ 60 ! يعني على شفا حفره .. واقولكم ان نسبته في الثنويه كانت 86% .. من الآخر مافي شي مستحيل .. والسلام عليكم ورحمة الله وبركاتة .

وينك من زماان

[محتاج لها]

وينك من زماان ؟؟

[Ӎṝ.7ṂṍṍḊḽ :)]

الله يستر
المشكلة الدراسة بالثانوية كانت تخبيص × تخبيـص
والمدرسيـنْ نجحونا على باب الله < ~ حيّر الدكاترة في سبب وجوده بالجامعة ×_×
الله يعين مدري إيش أسوي هالـترم علي رياضيات وفيزياء الوحيدين الي يحتاجووا موزاكرة
ومدرس الرياضيات شكله موش بطال بس حق الفيزيا ينوووووووووووم تهئ وجديد !!!!!!!!

[Yume_chan]

اخوي مش مااش
سؤالي يمكن تقول عنو عبيط بس والله بالنسبه ليا مرره موهم ومصيري ..^^
خلال دراستك السنه التحضيريه في شي اسمه وقت فراغ وقت ترفه فيه عن نفسك شوي
ولا ّوقتك على طول مشغول بالدراسه؟؟!

لاني انا وبالرغم من اني شطوره بس لازم اررروق ما اعرف تسير حياتي كلها دراسه في دراسه

وياليت كمان تفيدنا كيف كنت توزع ساعات يومك وتنظمها لانو انا الحين مر الاسبوع الاول وانا لسا ماني عارفه انظم وقتي ويجي نهاية اليوم وانا ما انجزت شي ولا حتى نمت الوقت اللي يكفيني ويريح جسمي من تعب الدوام اللي للساعه 4

ومشكوووووووووور مقدما ..^^

[soul..]

السلالالالالام عليكم ورحمة الله وبركاته ,.

موضووع رووووعة ماشاء الله
مرره استفدت منه ,.

الله يووووووفقك ويسعدك يااخوي

بس بسآل بخصوص الاسئلة في الماث ., مباشرة والا فيها لفه والا كيف ؟
والفيزكس كمان ؟؟؟
انا لمن سآلت دكتورة الماث قالت فيها لفة ؟؟
وكمان بعرف االاسئلة تجي من قسم الطلاب والا كيف ؟؟؟

وكمان في الفيزيكس جاتنا اول شئ دكتورة نور الهدى قالت ان الكتاب كله معاكم ,. وبعدين جاتنا د\مها قالت بس اللي اقولو بالمحاضرة يجي وتجيبي 100 صحيح ؟؟

وكمان بالانجليزي
آآآآآآآآآآآآآآآآآآآآآآآآآآآه يالانجليزي حلمي ياناس اتكلم عدل وانطق الكلمات زي العالم ومااشقلب الحروف واكسر وافتح على كيفي
دحيين عدى اسبوعين وانا كما انا بالانجليزي ؟؟
مع اني احبو وعندي رغبة اتعلموووو لكن ماادري ليه مو راضي يزبط معايا ونسير اصحااب انا وهو

بليييز اللي يقدر ينصحني ايش اسوي يقوولي ,؟
مع اني لما اذاكر لازم يكون معايا القاموس الناطق وانطق وراه واحفظ الكلمة بوقتها
لكن لمن اراجع انسى نطقها لكن اعرف معناها بالنظر
ولمن قلت لااخويا اكتب نطقها بالعربي قالي هذي الطريقة غلط بغلط طيب ايش الحل

ايش اسوووووي اللي عندو حل يقولي لان بعدين بالبرشنتيشن ماادري كيف اسوي ؟؟
بايش تنصحووني ؟؟

واخر شئ بختم كلامي بالحاسب ومهارات الاتصال كيف طريقة الآسئلة فيه ؟ يعني بلفة كمان والا
لاني انا بكتب مع الاستاذة بالمحاضرة ولمن ارجع اذاكر من الكتاب ألقى كلامها مو موجوود
يعني كيف الاسئلة خارجية ؟؟


وساامحووني ع الاطالة والله مرره معليييييش >> لونت عشان تستمتعو بالقرآآءه
الله لايحرمكم من الاجر ياااااااااااارب ,.

اختكم ,.