سؤال مهم متى نسدد قيمة 1000 ريال حقة الأختبارات السنة التحضيرية في الرياض

[لندنية]

المشاركة الأصلية كتبت بواسطة كروز1 السلام عليكم احد دق علي

ايوة عبسي الهذرة هو دق عليك

[FLOOOWER]

اهلين بالجميع
توني اعرف انه في تجمع خاص بطلاب الرياض بصراحه فله
كيفكم ان شالله كويسين
وكيفك انتا ياعبسي انتا عاد عالم ثاني من جد فله
الله يقويك شرباط يخويا
وبصراحه اهل الرياض كلهم شرباط فيهم خفه دم بلوراثه
الجينات عندهم تضحك
مره وسعتو صدري بتجمعكم

[الـتـمـيـمـي]

المشاركة الأصلية كتبت بواسطة flooower اهلين بالجميع توني اعرف انه في تجمع خاص بطلاب الرياض بصراحه فله كيفكم ان شالله كويسين وكيفك انتا ياعبسي انتا عاد عالم ثاني من جد فله الله يقويك شرباط يخويا وبصراحه اهل الرياض كلهم شرباط فيهم خفه دم بلوراثه الجينات عندهم تضحك مره وسعتو صدري بتجمعكم

هلا بك يا آنسة ورده بنت زهره الكادي آل نرجس

ايه فيه تجمع بطلاب الرياض وعلى قولتتس فله وشقه وقصر ودور أرضي وغرفه في السطح

والله انحن بخير دامكم بخير .. الله يسلمتس ويسمنك ويسمرك ويخليك لعينن ترجيك

واللي عندنا هو بعض مما عندكم >> ياشين وجهي وانا اجامل

الله يوسع صدرتس والجميع بالعافيه يا وخيتي .. وحياك الله بيننا

بس النوبه الثانيه عاد لا تدخلين ويدك فاضيه .. حنا متعودين فيذا اللي يدخل لازم يجيب معه شي ينوكل بالذات الحلااااااااا

يا مرحبا يا مرحبا يا مرحبا .. نورك يا ورده غطى الكهرباء

اكتشفت ان عندي حس شاعري .. بعد اذنكم بأروح اكتب قصيدة غزلية ولا هجائيه ويمكن وطنية .. عاد حسب ما تجود به القريحه العبسية

[FLOOOWER]

مشكور اخوي التميمي يعطيك العافيه
شكلك عايش حياتك وش عليك
وجهك مو وججه طالب وين الحماس اوخوف والحركات ولا واثق من نفسك
بس بصراحه رهيب
خلك ايجابي

[الـتـمـيـمـي]

المشاركة الأصلية كتبت بواسطة flooower مشكور اخوي التميمي يعطيك العافيه

المشاركة الأصلية كتبت بواسطة flooower شكلك عايش حياتك وش عليك وجهك مو وججه طالب وين الحماس اوخوف والحركات ولا واثق من نفسك بس بصراحه رهيب خلك ايجابي

ههههههههههههههههههههههههه اي حماس ؟ تبيني ادخل المنتدى وأنا لابس بدلة رياضية بشعار المنتخب ومعي مسجل ومشغل أغنية ( يا سلامي عليكم يالسعوديه ) ؟ ولا أروح للملعب واطلع ياسر القحطاني وألعب مكانه وأجيب هدف وأروح ارقص عند ( علم الكورنر ) ؟

وأروح عند الجمهور وأقول لهم هاه شرايكم في الهدف .. حركتات صح ؟ يرد علي الجمهور .. رح ذاكر بس

الثقه بالنفس الحمدلله موجوده بكل الأحوال لا في دراسه ولا غيرها

وأبشرك ترا للحين ما شريت لا كتاب ولا حتى قلم هههههههههههههه >> شر البلية ما يضحك والله العالم بدت تقرأ في هالكتب وأنا مغير شايلن هالسبحه في الدوام تسني شاعر قلطه هههههههههههه خلوووووها

الله يعين بس .. بأروح العب مصاقيل ولا كيرم .. فمان الله

[الرياض111]

اول مررة اعرف ان فيه دورة تاهيليه
ابي اعرف خلصت والا لا؟؟؟
ومتى اذاكر؟ ترا انا اول مررة اسجل بهالمنتدى
ولااعرف شي لوسمحتوا ساعدووني لاني جديدة
اختي لندنيه والبقيه الي عندة اي معلومه لايبخل علينا فيها والفايدة ان شاء الله للجميع

[الـتـمـيـمـي]

حياك الله الرياض777

ايه كان فيه دورة تأهيلية وكان مدتها تقريبا اسبوعين وأنتهت يوم الخميس الماضي .. وبإنتظار بعض الشباب اللي حضروها يكتبون لنا وش صار معهم بالتفصيل .

وبالنسبة لمتى تذاكر هذا راجع لسعادة جناب حضرتك .. بعض المهملين من الطلاب شرو كتب وبدو يذاكرون .. والدوافير شراوي ومثلي للحين ما شروا لا كتب ولا بدو بالمذاكر

بس السؤال الحين .. انت شريت كتب ولا لا ؟

كانك ما بعد شريت وش تـتـنى ؟ يعني وش تنتظر

اشتر كتب وشوف المفردات بالأودس .. وشد حيلك يا مال الغنمية .. وموفقين ان شاء الله

[لندنية]

المشاركة الأصلية كتبت بواسطة الرياض111 اول مررة اعرف ان فيه دورة تاهيليه ابي اعرف خلصت والا لا؟؟؟ ومتى اذاكر؟ ترا انا اول مررة اسجل بهالمنتدى ولااعرف شي لوسمحتوا ساعدووني لاني جديدة اختي لندنيه والبقيه الي عندة اي معلومه لايبخل علينا فيها والفايدة ان شاء الله للجميع

لبيييييييييييييييييييييييه
وش فيك عسى ماشر لاتخافين ولاشي انتي بس قولي وش فيك وش تبين وانا تحت امرك

[الرياض111]

شكرا التميمي ولندنيه
انا سمعت ان الاحصاء صعب وشلون اجيب مدرسه والاكيف
وانا ماشريت كتب لسه قالوالي انه الملازم ازين من الكتب
اذكر من الكتب والا الملازم؟
وشكرا لكم باتعبكم معاي بس مالي الاانتوا لاني بصراحه مفهيه بقوووووة

[لندنية]

المشاركة الأصلية كتبت بواسطة الرياض111 شكرا التميمي ولندنيه انا سمعت ان الاحصاء صعب وشلون اجيب مدرسه والاكيف وانا ماشريت كتب لسه قالوالي انه الملازم ازين من الكتب اذكر من الكتب والا الملازم؟ وشكرا لكم باتعبكم معاي بس مالي الاانتوا لاني بصراحه مفهيه بقوووووة

بالنسبة للمدرسة هذا يعتمد عليك انتي اذا كنتي من النوع اللي يقدر يذاكر دون مساعدة مو لازم مدرسة اما اذا كنتي تحتاجين لشرح او غيره جيبي مدرسة يعني هذا الشي يعتمد عليك انتي وماراح ينفع اقولك غير كذا لان كل واحد تختلف قدراته عن غيره
وصدقيني لاتسمعين كلام اي احد والله اذا سمعتي كلام هذا وهذاك والمادة صعبة والمادة دسمة وماادري ايش فراح اقولك من الحين انتي راسبة؟؟اعتمدي على ربك وتوكلي عليه وذاكري وشدي حيلك واتعبي شوي بس بالنهاية لما تنجحي وبمعدل حلو والله راح تنسين هالتعب كله
المذاكرة ذاكري من الكتب ثم الكتب ثم الكتب والملازم والله راح تضيعك وهالكلام من تجربة اقوله لك ممكن تتركين الملازم للمراجعة بس اما المذاكرة من الكتاب وبس واطلبي الكتب وتوكلي على الله لان الاسئلة تجي من الكتب
بالتوفيق واي سؤال ثاني اسالي
اختك لندنية