مكافأة الامتياز

[TAYF]

المشاركة الأصلية كتبت بواسطة l.f غريبة امكن تكون مو متاكدة دحين غيرو النظام وصارت تنزل تلقائي ودا اللي صار معانا لمن خلصنا التحضيري !

الحمدلله يعني حتنزلنا تلقائي نحنّ كمان ❤❤❤.

[x3bade]

المشاركة الأصلية كتبت بواسطة reem mohammed~ الله يجزاك خير ابو عبود على الاخبار الأكيدة ،، الشائعات موجوده في كل مكان ، وكلن يقول امكن وامكن .. واللي يسأل كم مرة ناخذ شهاده تفوق كل فصلين يمروا ومعدلك عالي تاخذ شهاده اتذكر وحده كانت تحكي انه جدا جميل تحط في السي في تبعك 4 شهادات تفوق يعني يملي الملف سو بناء على هذا اعتقد انه كل فصلين تاخذ شهاده بالتوفيق

اي خدمة
دائما في خدمة الطلاب المتميزين

المشاركة الأصلية كتبت بواسطة لهيب الزهور آمييين اهم شيء ما نتمرمط كفاية انهم مرمطيننا في التسكين لكن شوفي انتو البنات ما ادري اذا الكلام هذا امشو معاكم فأنا اشوف روحي واسألي بنفسك عشان ما تطمرمطي عشان لا اكون فوق المرمطه مرمطتين ترا ما تعرفي قد ايش اتمرمط وانا اكتب مرمطه كم مرة ذكرت كلمة مرمطة لا عاد ليش احتمال احنا غير أعتقد كلنا زي بعض ﻷنه سمعت بنت تقول كذا ريم حياتي قلبي وعمري انتي ايش رايك تروحي تشوفي وتعطينا خبر ههههههههههه أكسل مني مافي

انتي كمان حتمرمطيني تقوليلي قد ايش قلت كلمة مرمطه خلاص بلاش مرمطه

مو الواحد ما اعرف يعني شوفي كلام الاخت انتمآء طلع غير على الكلام الي قلتو

المشاركة الأصلية كتبت بواسطة noce الله يعطيك العافيه ماقصرت بس سؤال المكافأة حتنزل على حساب سامبا حق الجامعة ولا اروح اسجل رقم حسابي الشخصي ؟

الله اعافيك
حتنزل على حساب السامبا بإذن الله

المشاركة الأصلية كتبت بواسطة انتِمَآء أنا أمس رحت أسأل عن المكافأة والشهادة بالنسبة للبنات << متحمسين حنا ورحت الشؤون وقالتلي وحدة مسؤولة عن مكافات الامتياز انتي سنة كم ؟ قلتها تحضيري الحرمة كأنها تقول وش الحماس اللي فيهم قالتلي عشان تأخذيها لازم تطبعي معدلك للترمين وتجيبي بطاقتك الجامعية في شهر 11 عشان تنزك شهر 12 ودحين ماراح تنزل < يعني الحريم لازم مرمطة وبالنسبة لشهادة الامتياز عادي لو تأخذيها دحين مافرقت أو بعدين وبس وتحطمت ورجعت = (

كنت حاسس انتو البنات غير عشان كذا كنت اقول كل واحد اروح اسأل
معا إنو مني عارف ليش حاسس انو احنا الاولاد محا تمر على خير شكلو حيكون في مرمطه
لكن حيبين معا الوقت ان شاء لله

المشاركة الأصلية كتبت بواسطة wafa al7arbi معرف ، مو يقول أخونا x3bade انو الرجال حق الشؤون قال له احسن تاخدها بعد ماتتسكن عشان ينكتب عليها اسم الكليه بدل ماينكتب تحضيري

شوفو يعني هيا محا تفرق اذا كان مكتوب سنة تحضيري او اسم الكلية الي دخلتو فيها لكن
الرجال قلي خذها بعد ما تتسكن عشان اكون مكتوب فيها الكلية الي اتسكنت فيها عشان تحسها شوية برستيج وكذا
بس الأخت انتمآء كلامها صح يعني تاخذ شهادة تفوق للتحضيري بعدين ان شاء الله لو جبتي المعدل في الكلية الي حتدخليها تاخذي كمان شهادة تفوق عليها
بس انا من رأيي احس اني محا اشم شهادة التفوق اذا دخلت الكلية الي ابغاها
عشان كذا ابغا اسم الكلية تكون موجوده في شهادة التفوق


ومعليش رديت متأخر شويه لكن الصيف جا وخلاص نهارنا صار ليل ، والليل صار نهارنا

[danaMg]

سسلام ي حلوين

اليوم دخلت الاودس ولقيت فالاستعلام رصيد الحساب 1000 مع اني سحبت مكافأة هذا الشهر وعادة هي تنزل 990
لسه م رحت اشيك عالصراف بس شكيت انها مكافأة الامتياز
في احد زيي ؟

[رفّات حُلم]

المشاركة الأصلية كتبت بواسطة انتِمَآء أنا أمس رحت أسأل عن المكافأة والشهادة بالنسبة للبنات << متحمسين حنا ورحت الشؤون وقالتلي وحدة مسؤولة عن مكافات الامتياز انتي سنة كم ؟ قلتها تحضيري الحرمة كأنها تقول وش الحماس اللي فيهم قالتلي عشان تأخذيها لازم تطبعي معدلك للترمين وتجيبي بطاقتك الجامعية في شهر 11 عشان تنزك شهر 12 ودحين ماراح تنزل < يعني الحريم لازم مرمطة وبالنسبة لشهادة الامتياز عادي لو تأخذيها دحين مافرقت أو بعدين وبس وتحطمت ورجعت = (

يعني عادي لما يبدأ الترم الجاي بعد ما نتسكَّن :$
أروح أخذها؟

[دايخ200]

المشاركة الأصلية كتبت بواسطة danamg سسلام ي حلوين اليوم دخلت الاودس ولقيت فالاستعلام رصيد الحساب 1000 مع اني سحبت مكافأة هذا الشهر وعادة هي تنزل 990 لسه م رحت اشيك عالصراف بس شكيت انها مكافأة الامتياز في احد زيي ؟

يب جاني زيك
واليوم العصر رحت شيكت في الصرافة م لقيت شيء :(

[مشمشانا]

مكافأة الامتياز بداية السنة القادمة حتستلموها
بالنسبه للكليات الصحيه حيتواصلو معاكم شؤون الكلية بالسمسيتر الاول و حيقولوكم ايش تعملو و متى تستلموها

[wafa al7arbi]

المشاركة الأصلية كتبت بواسطة مشمشانا مكافأة الامتياز بداية السنة القادمة حتستلموها بالنسبه للكليات الصحيه حيتواصلو معاكم شؤون الكلية بالسمسيتر الاول و حيقولوكم ايش تعملو و متى تستلموها

طيب والشهاده كيف يعطونا للتحضيري وبعدين لو جبنا معدل يعطونا باسم تخصصنا ولا كيف؟
حتى انا نزلي 1000 فرصيد الحساب فالاودس بس مارحت الصرافه لسا

[مشمشانا]

المشاركة الأصلية كتبت بواسطة wafa al7arbi طيب والشهاده كيف يعطونا للتحضيري وبعدين لو جبنا معدل يعطونا باسم تخصصنا ولا كيف؟ حتى انا نزلي 1000 فرصيد الحساب فالاودس بس مارحت الصرافه لسا

حيعطوكي هي ع اساس التحضيري بس تستلمها من شؤون الكلية الي حتتخصصي فيها السنة الجاية حيقلولكم انو اي طالبة جايبة معدل اعلى 4.5 في السمسيترين تجينا و هما حيقولوها ايش تعمل عشان تستلمها

[طارق الحارثي]

انا حصلت على 4.5 . في الترم الثاني السنة الي فاتت والترم الاول من هالسنة الي تووها مخلصة
والى الان مانزلتلي المكافاة مع انها موجودة في الاودس ... يعني مر علي سمستر كاامل استناها :)

[Ranzi]

^ انا نفس الشي ع قولهم دام الهرجه فيها فلوس لازم نتمرمط

العام نزلت للبنات بعد ماخلصنا تحضيري تلقائي في الحساب الي تنزل فيه المكافأه يوم 25 مع المكافأه
وكمان قبل شهر رحت سألت الموظفه قالت بالصيفي ياشهر 7 او 8 تنزلكم
غريبة الموظفات كل وحده تقول كلام غير عن الثانيه