مكافأة الامتياز

[danaMg]

ماكنت اعرف انو في شهادة والله شي جمييييل
يعني نقدم عليها السنة الجايه ؟
وكيف نقدر نستلمها يحتاج نجيب معانا ورق وبيانات وايش هي ؟؟

[lulu9009]

^
صورة من السجل الشامل الخاص بك فيه معدل الترمين مع بعض
و رقم الحساب بس

هذا اذكر قريته ف مكان بداية السنه
بس مادري لو اروح العمادة ف الصيف يمدي و لا لا !!

[انتِمَآء]

في ناس أخذوها وحطوها بعدين من ضمن الcv تبعهم ..

[x3bade]

جبتلكم العلم يا شباب

اليوم رحت لي ادارة المكافآة وسألتهم وقلتلهم المكافأه هذي كيف ناخذها ؟؟
قلي الرجال حتنزل على حسابك تلقائيا
اما بالنسبه متى بالضبط حتنزل فقلي الرجال ما إعرف متى تنزل لكن قلي في خلال الشهر هذا بتنزل ان شاء الله وقلي شيك على حسابك كل فتره
يعني نقول ان شاء الله مافي مرمطه

اما بالنسبه للشهاده
طبعا سألت الموظفين في ادارة المكافآة جزاهم الله خير وقالو الشهاده تاخذها في (مركز خدمة الطلاب) اتوقع كذا اسمو
طبعا رحت هناك وسألت الموظف الله يعطيه العافيه
قلتلو في شهاده لطلاب الامتياز؟
قلي ايوا في <<<وجهي كذا صار بعد ما قال ايوا
بعدين اخذ بطاقتي الجامعيه وحط رقم الجامعي في السستم وطلعلو اني من الطلاب المتميزين
بعدين قلي انو بإمكانو اديني الشهاده دحين بس قلي افضلك لا تاخذها دحين خذها لمن تتسكن في الكلية
بعدين سألتو طبعا السؤال البديهي لييش؟
قلي عشان لمن تنطبعلك الشهاده تنطبع ومكتوب فيها الكلية الي انت اتسكنت فيها مو تلاقي مكتوب السنه التحضيريه <<<الشيبه طلع مدقدق شويه
يعني ان شاء الله بروح باخذها في العشرة الأواخر

طبعا داري طولت عليكم في الكلام وكان ممكن اختصرها في سطرين لكن انا احب اروي لكم ايش صارلي
وسلامتكم<<<مدري ليش قلتها

[لهيب الزهور]

الله يسسسعدك ويوووفقك قول آمين

كنت شايلة هم المرمطة

[moodyd88]

طيب عندي سؤال انا دحين لو اخدت الشهادة و بعدين مثلا السنوات الجاية حافظت على معدلي ما حيعطوني شهادات ثانية؟؟؟؟ و لا بس دي و خلاص

[x3bade]

المشاركة الأصلية كتبت بواسطة لهيب الزهور الله يسسسعدك ويوووفقك قول آمين كنت شايلة هم المرمطة

آمييين

اهم شيء ما نتمرمط
كفاية انهم مرمطيننا في التسكين
لكن شوفي انتو البنات ما ادري اذا الكلام هذا امشو معاكم فأنا اشوف روحي واسألي بنفسك عشان ما تطمرمطي
عشان لا اكون فوق المرمطه مرمطتين
ترا ما تعرفي قد ايش اتمرمط وانا اكتب مرمطه

المشاركة الأصلية كتبت بواسطة moodyd88 طيب عندي سؤال انا دحين لو اخدت الشهادة و بعدين مثلا السنوات الجاية حافظت على معدلي ما حيعطوني شهادات ثانية؟؟؟؟ و لا بس دي و خلاص

شوف يا زميلي ترا حالي حالك وانا وانت في نفس السنه يعني صراحه ما اعرف ايش حيصير في السنين الي قدام
وان شاء الله الاخوان ممكن افيدوك

[Reem Mohammed~]

الله يجزاك خير ابو عبود على الاخبار الأكيدة ،،
الشائعات موجوده في كل مكان ، وكلن يقول امكن وامكن

..
واللي يسأل كم مرة ناخذ شهاده تفوق
كل فصلين يمروا ومعدلك عالي تاخذ شهاده
اتذكر وحده كانت تحكي انه جدا جميل تحط في السي في تبعك 4 شهادات تفوق
يعني يملي الملف

سو بناء على هذا اعتقد انه كل فصلين تاخذ شهاده


بالتوفيق

[لهيب الزهور]

آمييين

اهم شيء ما نتمرمط
كفاية انهم مرمطيننا في التسكين
لكن شوفي انتو البنات ما ادري اذا الكلام هذا امشو معاكم فأنا اشوف روحي واسألي بنفسك عشان ما تطمرمطي
عشان لا اكون فوق المرمطه مرمطتين
ترا ما تعرفي قد ايش اتمرمط وانا اكتب مرمطه

كم مرة ذكرت كلمة مرمطة

لا عاد ليش احتمال احنا غير

أعتقد كلنا زي بعض ﻷنه سمعت بنت تقول كذا




ريم حياتي قلبي وعمري انتي

ايش رايك تروحي تشوفي وتعطينا خبر

ههههههههههه أكسل مني مافي

[Noce]

المشاركة الأصلية كتبت بواسطة x3bade جبتلكم العلم يا شباب اليوم رحت لي ادارة المكافآة وسألتهم وقلتلهم المكافأه هذي كيف ناخذها ؟؟ قلي الرجال حتنزل على حسابك تلقائيا اما بالنسبه متى بالضبط حتنزل فقلي الرجال ما إعرف متى تنزل لكن قلي في خلال الشهر هذا بتنزل ان شاء الله وقلي شيك على حسابك كل فتره يعني نقول ان شاء الله مافي مرمطه اما بالنسبه للشهاده طبعا سألت الموظفين في ادارة المكافآة جزاهم الله خير وقالو الشهاده تاخذها في (مركز خدمة الطلاب) اتوقع كذا اسمو طبعا رحت هناك وسألت الموظف الله يعطيه العافيه قلتلو في شهاده لطلاب الامتياز؟ قلي ايوا في <<<وجهي كذا صار بعد ما قال ايوا بعدين اخذ بطاقتي الجامعيه وحط رقم الجامعي في السستم وطلعلو اني من الطلاب المتميزين بعدين قلي انو بإمكانو اديني الشهاده دحين بس قلي افضلك لا تاخذها دحين خذها لمن تتسكن في الكلية بعدين سألتو طبعا السؤال البديهي لييش؟ قلي عشان لمن تنطبعلك الشهاده تنطبع ومكتوب فيها الكلية الي انت اتسكنت فيها مو تلاقي مكتوب السنه التحضيريه <<<الشيبه طلع مدقدق شويه يعني ان شاء الله بروح باخذها في العشرة الأواخر طبعا داري طولت عليكم في الكلام وكان ممكن اختصرها في سطرين لكن انا احب اروي لكم ايش صارلي وسلامتكم<<<مدري ليش قلتها

الله يعطيك العافيه ماقصرت
بس سؤال المكافأة حتنزل على حساب سامبا حق الجامعة ولا اروح اسجل رقم حسابي الشخصي ؟