أكتب تجربتك بالصيفي بالمواد اللي أخذتها "" الجزء الثاني ""

[HULK_14]

المشاركة الأصلية كتبت بواسطة وطن.! ا اللي ماكان يفطر زين اكيد انه ماذاق شوربة ومكرونة مطعم الشاكرين واكيد انه ماراح لمطعم فيتامين لبنان واكيد انه ماراح لمعجنات كدوشه ولا كان الله يعينه على الوزن اللي بيزيد مثل ماصار مع <=== ههههههههه

وين ذا المطاعم فيه اخوك انواع النزلات المعويه في جده

اقصد لو تدلنا على الحي او شارع هالمطاعم
المطعم الزين الله يذكر رفيق سفرتي بوعلي

بالن بيتش مطعم النخيل على طريق المدينه

روعه واكل لذيذ جداااااااا لكن عيبه زحمه <<<طلع عن صلب الموضوع


الترم الصيفي يالنسبه لي رائع لاني عديت ولله الحمد باقي المشروعات مع شمسان

لكن من حلي بالورقه اتوقع درجه عاليه باذن الله وترمي القادم ترم التخرج بأذن الله

الله يوفقكم جميع

[saaudi]

المشاركة الأصلية كتبت بواسطة وطن.! اخذت ثلاث مواد 1 تقييم البرامج الحكومية/ كانت عند الدكتور طلعت سندي رئيس قسم الادارة العامة ، وصراحه دكتور جدا متواضع ويساعد الطلاب الدرجة ولله الحمد كانت ممتازة حصلت على 90 فيها والمذاكرة كانت من ملخص الاخ ناصر الدوسري تحصلونه في مكتبة دار الهدي ، ايضا راجعت نماذج الاختبارات الماضيه اللي جاء منها لا يقل عن 70% في الاختبار منها طبق الاصل ومنها تلاعب فيها الدكتور من حيث الخطأ يصير صح والعكس .. 2 اخذت الانجليزي102 المادة هاذي معاي وكنت منومها كل الفترة الماضية ولله الحمد ايضا تجاوزتها بدرجة طيبه وكان دكتور المادة اسمه سعيد الغامدي ، حطيت مدرس لها وعطاني بعض الامور الاساسيه ونماذج اسئلة سابقة وبتوفيق الله خلصتها مع انها كانت مسوية ربكه عندي كثير .. 3 ادارة الجودة في الاجهزة الحكوميه كانت المذاكرة من ملخص السامر وللمعلومية اخذتها لانها مع الدكتور المحبوب (عبدالعظيم شمسان) والي الان مانزلت درجتها .. اللي ماكان يفطر زين اكيد انه ماذاق شوربة ومكرونة مطعم الشاكرين واكيد انه ماراح لمطعم فيتامين لبنان واكيد انه ماراح لمعجنات كدوشه ولا كان الله يعينه على الوزن اللي بيزيد مثل ماصار مع <=== ههههههههه بصراحه جدة في رمضان كانت جدا ممتعه وللمعلومية انا كنت بجدة قبل الاختبارات بشهر

السلام عليكم وكل عام وانتم بخير
طبعا بعد تردد كثير لاني ما اخذت صيفي ولا اطيقة حمسني احد الزملاء وتوكلت على الله ونزلت ترم صيفي..........المواد كالتالي:
تقييم برامج حكومية ولولا الله ثم مفتاح اخونا مستشفي الله يجزاه خير كان علوم لكن المفتاح جانا متأخرشوي .الحمدلله عدينا بدرجة متوسطة
استشارات ادارية كانت عند الدكتور عبدالله الخالدي كان قمة الاخلاق لكن الاسئلة كانت طويلة صح وخطا واختيارات 100 فقرة لدرجة رقبتي جاها شد عضلي والله ياشباب بدون مبالغة من كثر ماني مركز على الاسئلة الدرجة كانت غير مرضية
ادارة مشروعات قلطنا على السحور اللي وعدنا فية الاخ فهد ومستشفي الله يجزاهم خير والاسئلة كانت نسخة من السحور لكن ماطلعت النتيجة

نرجع لموضوع فطاير كدوشة لما تشوفها ماتقاومها وانت صايم لكني اكلتها وسببتلي مغص توبة آكل من المحل مره ثانية.........اتمني للجميع التوفيق

[بائع الخبز]

بالنسبة لي أخذت الترم الصيفي بعد التوكُّــل على الله سبحانه؛ وأخذت إجازة من العمل كامل رمضان

كانت موادي كالتالي:

1. سياسية عامة وصناعة قرار
طريقة المذاكرة: الكتاب المقرر - مخلص من مكتبة دار الهدى - أسئلة آخر عامين ماضيين.
في الحقيقة المادة جداً صعبة ودسمة؛ وكنت متوقع السقوط فيها ... لكن الحمد لله تجاوزتها بنجاح 68 d+.

2. التطوير التنظيمي:

طريقة المذاكرة: الكتاب المقرر - مخلص من مكتبة دار الهدى - أسئلة آخر عامين ماضيين.
المادة جداً سهلة ززمتعة بالنسبة لي لدرجة إن أقرأ الكتاب حتى بعد نجاحي فيها لأنه جداً ممتع ومفيد ... والحمد لله عديتها وجبت فيها 81.

3. السلوك التنظيمي:

طريقة المذاكرة: الكتاب المقرر - مخلص من مكتبة دار الهدى - أسئلة آخر عامين ماضيين.
تم تجاوزها بنجاح على الرغم من أن مذاكرتها كانت جداً مملة بنتيجة 83.


اللهم لك الحمد حتى ترضى ولك الحمد إذا رضيت ولك الحمد بعد الرضى ولك الحمد على كل حال.

وكل الشكر لصاحب الموضوع الأصلي ... تحياتي للجميع وبالتوفيق

[أبو طلال22]

كل عام وانتم بخير

بالنسبة لي اخذت ثلاث مواد في الترم الصيفي وهي :

1- موازنة ومالية عامة : المذاكرة من الكتاب وعدد صفحاته 450 صفحة احوليت وانا اقراه وبعد الكتاب ملخص حسان الطيار بالاضافه للاسئلة الدكتور ضيف الله النفيعي كانت الاسئلة متوسطة نوعاً ما تفاجأة بالدرجة عديتها الحمد لله بس بدرجة ضعيفة ماتوقعت مذاكر وحليت كويس بس الحمد لله على كل حال
2- سلوك تنظيمي : قرأت مقتطفات من ملخص مع واحد من الشباب وحفظت اسئلة الاترام اللي راحت ماذاكرت بسبب ظروف العمل والاختبار كان يوم الخميس بالليل اول يوم في الاختبار وانا وصلت لجدة بنفس اليوم والوقت ضيق في رمضان والحمد لله عديتها بدرجة مش ولا بد الدكتور الرائع وهيب صوفي الله يوفقه

3- التخطيط الاستراتيجي ذاكرت من شرائح منزلها الدكتور ونسقها حسان الطيار الله يجزاه خير المادة سلسة وجميلة والاسئلة كانت سهلة تقريباً وحليت كويس الحمد لله عديتها وكذلك درجتي ضعيفة
نزل المعدل بسبب بعض الدكاترة الله يهديهم والله لاحظت ان اكثرهم يحطون درجات من عندهم توافقوني الراي ؟

بالنسبة للترم الصيفي ماينفع مافيه وقت للمذاكرة تجربتي فيه سيئة
اللهم لك الحمد على كل حال

الشكر كل الشكر لصاحب الموضوع وبالتوفيق للجميع

[فالك التخرج]

كل عام وانتم بخير والعود احمد
انا شخصيا اخذت ثلاث 3 مواد1_ قراءات ادارية بالانجليزية عند الدكتور المحبوب وهيب الصوفي وكان محدد اثناء الدوره التاهيليه حفظ 739 كلمة تقريبا وفالواقع 500 كلمة لان كثير مذكور مفرد وجمع الشاهد الاختبار 10 اسئلة كل سؤال 10 كلمات انجليزي يقابلها 10 كلمات عربي ملخبطه وانت تختار وكل سؤال 10 درجات بمجموع 100 درجة جبت 77 ولله الحمد..
2_ بحوث عمليات عند الدكتور المحبوب ايضا فهد الحركان وكانت الصدمه بس خفيفه الحمد لله الشاهد اخذت اجازه ورحت جده من بدري ودرسة معى الغزالي ومبرمج نفسي على الاختبارات السابقه اربع او خمس اسئلة عملي يعني سمبلكس وطقته وتفاجئنا في الاختبار خمسين سؤال منها 28صح وخطاء نظري و22 اختياري في المسائل العمليه وكان منها كثير اشياء مباشره الشاهد الدكتور فهد وفقه الله حب يسهل الاختبار علينا وجاب العيد بشكل ودي انا شخصيا واغلب الطلاب ماطراء علينا نذاكر نظري ابدا المهم عديت ب 60 والحمدلله والشكر موصول للدكتور الحركان..3_ سياسة عامه وصناعة قرار الدكتور الروابده ذاكرت مذاكره مفقعه ملخبطه مشخبطه جبت درجه ماتوقعتها كنت احلم بالـ60 وصارت 74 ولله الحمد..

بشكل عام الصيفي فصل سريع وهالسنوات وقته في رمضان يعني حسب ظروف الشخص كانت ادرس عند الغزالي بحوث عمليات واختبر في نفس الايام فكان ظغط وموعد المدرس كل يوم شكل وصيام وعباده فبشكل عام الصيفي متعب وتزيد صعوبته اذا المواد علمية عمليه فلولا الله ثم الدكاتره الطيبين كان رحت في خرايطها.. تحياتي للجميع وفالكم التخرج