أكتب تجربتك بالصيفي بالمواد اللي أخذتها "" الجزء الثاني ""

[مستشفى]

السلام عليكم
أيش أخباركم يا شبااااب وعيدكم مبااارك
وكيف نتائجكم عساااه ممتااازه
المهم حابين نطرح تجربتنا بالصيف اللي راح ونسجل أنطباعتنا
يالله أنت اللي طرحت الموضوع يافهد
عطناااا علومك
طبعا سجلت ثلاث مواد وهي :
سياسة رعاية صحية pad 475 وكانت عند الدكتور حسين برعي
مذاكرتي كانت من ملخص الأخ "" علوني ""
وكانت الأسئلة مركزة أكثر شئ على نظام الشئون الصحية و هناك أسئلة سابقة كانت تقريبا على نفس النمط
أنصح بالتسجيل مع الدكتور لأن ثابت من سنين على المادة
قيادة فعالة pad 462 وكانت عند الدكتور جستنية
مذاكرتي كانت من الشرائح الدكتور اللي أرفقها أخي ضيدان
الأختبار كانت الأسئلة بشكل فهم وصراحة ساعدتنا أسئلة أخونا ضيدان وكان حلهااااا أخذ فترة طويلة لأن مثل ماقلت أسئلته غالبيتها تعتمد على الفهم وبعضها مباشرة
صراحة لولا أسئلة أخونا ضيدان "" تقريبا جاء منها مانسبة 70% وهذا رأي يمكن كانت الدرجات غير جيدة والله أعلم
طبعا الدكتور حسب ماسمعت انه تقاعد وأحتمال أنها تؤؤل الى الدكتور الروابدة أو وهيب صوفي والله العالم
المادة الأخيرة كانت عند طيب الذكر الدكتور شمسان وهي مادة أدراة الجودة pad 421
طبعا مذاكرتي كانت قراءة من الكتاب "" وتراها سلس و سهل جدا لايغرك حجمها أغلبيتها مكررة من مبادئ الأدارة العامة و مواد سابقة يعني يومين بالكثير وبدون مبالغة مشطب الكتاب بعدها يوجد ملخص أخي السامر أنصح فيه لأن شامل المنهج ماعدا فصل الأخير : وفصل مطلوب منه 3 ورقات: أنصح فيه لأني سويت مقارنة مطابق جدا
توجد أسئلة لأخونا قوي جاء تقريبا منها بنسبة 60% وبعضها قلب الصح الى خطاء و الأختيارات الى صح و خطاء , يعني ذاكرها بفهم وان شاء الله كل خير
بنسبة للمذاكرة في رمضان كان جدا متعب لي من عمل و صيام فانصح أن الواحد يستعد قبل رمضان بفترة
أن شاء الله تكون أوضحت بشكل جيد المواد اللي أخذتها
ننتظرالأخوان ليفيدونا بتجربتهم في هذا الصيف
اخوكم

[فهد العنزان]

ايه يا بوعليوي نبي النصائح لترم الجاي نتشجع ونأخذ صيفي بأذن الله مع الوحش ممدوح بو سعود مشكور يا بوعليوي فديتك :)

[عبدالرحمن15]

موفق

[الــيــورو]

مرحبا اخوي فهد

بالنسبة لي انا سجلت الترم الصيفي ويمكن مااعودها مره ثانيه

بحوث العمليات عند الدكتور / فهد الحركان الله يجزاه خير

الماده تحتاج لفهم وانا درست عند الغزالي وفهمت منه لكن انصدمت

من شفت الاختبار 50 سؤال وانا شايف الاسئلة اللي طافت ماتتعد 5 اسئلة

وبصراحه ارتبكت في الاختبار والوقت ضيق وفيه كم سؤال ماامداني احلها

وبصراحه يافهد انا ماسمعت بنصيحتك يوم قلت ذاكروا ملخص الطيار قبل تدرسون عند الغزالي وبعد الاختبار ندمت!!

سلوووك التنظيمي عند الدكتور المحبوب / وهيب صوفي الله يوفقه

الماده طويلة وتعتمد على الكتاب وملخص الطيار ماانصح فيه لانه موكامل اعتقد الين الفصل 11

والدكتور مركز على الفصل 13 و 14 حتى الدكتور يوم قابلته قال ركزعلى الكتاب واترك عنك الملخصات

كأنه عارف طبعت ملخص الطيار!!

والاسئلة كانت واضحه

سياسة عامه وصناعة قرار عند الدكتور/ الروابده

الدكتور ماقصرالله يجزاه خير ويوفقه اعطانا ملخص مايتعدى 20 ورقه +صفحتين من الكتاب

والأسئلة متوسطه والحمد لله جبنا درجة ماكنت متوقعها

[مساعد99]

الله يوفقكم

[ممدوح حائل]

هلا والله أخوي فهد ،،
وموفق بحول الله ،،،

انا اخذت الترم الصيفي بعد الاتكال على الله اخترت 3 مواد ثم بناء على
نصيحة الاخوان اللي دائما اعتز بنصائحهم ( مستشفى ، غاوي دراسة ، ورفيق الدرب وحش الوحوش وشيخ المنتدى فهد العنزان ) ،،
ثم بناء على قاعدة قديمة ( اشتر مضارب ولا تشتري سهم ) فانا اخترت دكاترة ولا اخترت مواد ،،
اخترت فهد الحركان ( بحوث عمليات ) كنت ناوي اخلصها من شان ما افكر فيها ، طبعا كنت مع الوحش ابو سلوى ،،
والحمدلله الامور مشت على ما يرام بدرجة معقولة ومقنعة لي ،،
المادة الثانية عند وهيب صوفي ( سلوك تنظيمي ) كانت المذاكرة من الكتاب لمرة واحدة ،، ثم حل بعض النماذج بالرجوع للكتاب ، طبعا تغيرت النماذج ومعها الطريقة السابقة ،، لكن ولله الحمد كانت الدرجة أحلى من بحوث العمليات ،،
ثم عند الحبيب / شمسان ( إدارة مشروعات عامة )( مادة إختيارية ) وكانت المذاكرة فقط من مذكرة الدكتور اللي كانت في موقعة ،، وكان للمفتاح السري مفعول السحر ( الحلال ) في تسهيل الوضع وأتمنى بحول الله أن احصل فيها على افضل درجة وصراحة متفائل ،، لكن إذا تغير دكتور المادة لا انصح فيها ابدا لعدة اسباب منها راح تتغير المفاتيح السرية ، وملخص الدكتور لن يكون معتمداً ، بالاضافة ان الكتاب من النوعية اللي تسد النفس ،،،

طبعا التجربة بشكل عام كانت صعبة ، لضيق الوقت في رمضان إلا بحالة أن الواحد يرتب نفسه من بدري لكن حتى في ذلك صعوبة وذلك للنظام الــ ،،،،،،،،، في الجامعة اللي ما ينزلوا اسماء الدكاترة إلا في وقت متاخر ،، .
أمممممممممم نسيت ،،، في جده السحور سهل ،، لكن الفطور صعب
بالتوفيق للجميع ،،،، .

[farashdi]

هلا والله باخوي مستشفى
انا بالنسبة لي اخترت ثلاث مواد بعد استشاره للأخ فهد العنزان الله يجزاه خير واخترت بحوث عمليات من المستوى السادس وانا بالخامس من كثر ما اسمع شكاوي الطلاب وصعوبة المادة وكانت عند الدكتور فهد الحركان وكلن يمدحه فقررت اخذها وافتك منها والحمد لله عديتها بدرجة 80 بعد ما جبت مدرس ممتاز فهمت العملي صحيح اني تفاجأت بالاختبار ان اكثره نظري وصح وخطأ عكس الاختبارات السابقة بس الدكتور فهد ما قصر وكان اول اختبار لبحوث العمليات بهذا الشكل النظري والحمد لله عديناها وافتكينا منها
المادة الثانية المحاسبة حاملها مرتين وللآن ما طلعت النتيجة
المادة الثالثة تطوير تنظيمي وعديتها بدرجة 77 وبصراحة ندمت اني اخذتها سياسة عامة وصناعة قرار كانت عند دكتور الروابده وعطاهم ملخص من عشرين صفحة والمادة ذي مهمة تفتحلك اكثر من مادة في المستويات القادمة وان شاء الله يكون نفسه الدكتور في الترم القادم عشان ناخذها بس الحمد لله
شكرا صراحة لك مستشفى وكل الاعضاء اللي يتجاوبون معنا والله يجزاهم خير

[بقعاء]

شكرا للجميع

[وطن.!]

اخذت ثلاث مواد

1 تقييم البرامج الحكومية/ كانت عند الدكتور طلعت سندي رئيس قسم الادارة العامة ، وصراحه دكتور جدا متواضع ويساعد الطلاب الدرجة ولله الحمد كانت ممتازة حصلت على 90 فيها والمذاكرة كانت من ملخص الاخ ناصر الدوسري تحصلونه في مكتبة دار الهدي ، ايضا راجعت نماذج الاختبارات الماضيه اللي جاء منها لا يقل عن 70% في الاختبار منها طبق الاصل ومنها تلاعب فيها الدكتور من حيث الخطأ يصير صح والعكس ..

2
اخذت الانجليزي102 المادة هاذي معاي وكنت منومها كل الفترة الماضية ولله الحمد ايضا تجاوزتها بدرجة طيبه وكان دكتور المادة اسمه سعيد الغامدي ، حطيت مدرس لها وعطاني بعض الامور الاساسيه ونماذج اسئلة سابقة وبتوفيق الله خلصتها مع انها كانت مسوية ربكه عندي كثير ..
3
ادارة الجودة في الاجهزة الحكوميه كانت المذاكرة من ملخص السامر وللمعلومية اخذتها لانها مع الدكتور المحبوب (عبدالعظيم شمسان)
والي الان مانزلت درجتها ..

اللي ماكان يفطر زين اكيد انه ماذاق شوربة ومكرونة مطعم الشاكرين واكيد انه ماراح لمطعم فيتامين لبنان واكيد انه ماراح لمعجنات كدوشه ولا كان الله يعينه على الوزن اللي بيزيد مثل ماصار مع <=== ههههههههه
بصراحه جدة في رمضان كانت جدا ممتعه وللمعلومية انا كنت بجدة قبل الاختبارات بشهر

[ابوالوليد]

2

اخذت الانجليزي102 المادة هاذي معاي وكنت منومها كل الفترة الماضية ولله الحمد ايضا تجاوزتها بدرجة طيبه وكان دكتور المادة اسمه سعيد الغامدي ، حطيت مدرس لها وعطاني بعض الامور الاساسيه ونماذج اسئلة سابقة وبتوفيق الله خلصتها مع انها كانت مسوية ربكه عندي كثير

..

اخوي وطن الله لايهينك ابي كل ماتعرفه عن المادة الانجليزي 102 لاني راكنها على

جنب متخوف منها بس مافيه فكه الترم الجاي ترم تخرج ولابد منها

اذا فيه ملخصات اسئله سابقه اي شي يفتح الشهيه لابداء فيها لانه معقده معقده

اما بخصوص تجربتي بالصيفي سجلت 4 مواد
ثقافة المنظمة 422
ادارة الجودة 421
تقييم البرامج الحكومية 436
نظم معلومات ادارية 334 طبعا بديل
جميع المواد اذاكرها من الكتب فقط ومراجعه بعض الاسئلة السابقه لها

السبت الاختبار الاول ثقافة المنظمة والحمد لله عديناها بدرجه حلوه

الاحد فيه اختبارين ادارة الجودة وتقييم البرامج والصراحه مافيه صعوبه فيهن بس راحت علي نومه

وماقدرت اخلص المواد ادارة الجودة ان شاء الله ان درجتها تطلع حليوه لانها الاختبار الثاني

وكلمت الدكتور بعد الاختبار قلت فيه تعب علينا وضغط مايعلم فيه الا الله وبعد راحت علي نومه

يعني لاتنسانا والله يكثر خيره يقول ان شاء الله ما احد يقعد عندي بس لاتنسوني بالدعاء

ودرجة مادة تقييم البرامج الحكومية طلعت حلوه ولله الحمد

اليوم الاخير الاربعاء اختبار نظم المعلومات الادارية الصراحة ماذكرت زين فيها وقلت في نفسي

ابي اروح اقدم الاختبار واذا شفت الامور مش ولا بد ماني مسجل اسمي بالكشف ولا رقمي الجامعي

علشان مايصحح اختباري لانها اختبار بديل اختبرها بالترم القادم ان شاء الله

واذا طلعت الامور تمام سجلت كل شي رسمي والحمد لله طلعت الاسئلة نوعاً ما مقبوله وسجلت رسمي

بالكشوفات وان شاء الله تطلع النتيجه مرضية ونعديها

والله يوفق الجميع وانصح بالمذاكرة من الكتب افضل بكثير

ولا انسى اخونا صاحب الموضوع فهد لولا الله ثم مفاتيحه مستر كي كان ماقدمت باختبار التقييم

والله يكثر من امثاله ويكتبله الاجر ان شاء الله