فقط للطلاب والطالبات المستجدين...

[Queen Designs]

انا كنت نايمة واول مرة اخلي جوالي عام
دقت علي صحبتي الساعه 5 فجر وقالت لي مبرووووووك لك موعد في اماكن شاغره
طبعاً ابداً ماكنت متوقعه اني انقبل انتظام جلست ابكي وفتحت الباب انادي اختي قلت لها
وبعدين طلعت اسلم على ماما وخالتي وعمي وجدتي هههههههه و نزلت دموع الفرح ..

الله يتمم على خير ..

[الجنرال كاسيوس]

أما انا قعدت انتظر وانتظر ومافي ولا جامعة ردت لي خبر وطفشت الين قررت انتحر ورحت السوق واشتريت حبل ولفيتوه على رقبتي وهو معلق بالمروحة ورميت حالي ولكن الحبل انقطع(طلع مو اصلي) ورجعت السوق ثاني وجبت حبل جديدوعلقته زي المرة الاولى وفي اخر لحظة ااااااااخر لحظة وانا واقف عالكرسي وخلاص ابغا انفذ _ _ وأذا جوالي جته رسالة قلت خليني اقراها وبعدين أكمل وتفاجأت بأنها جامعة الملك عبد العزيز وقالو فيها راجعنا وبعدين بطلت هههههههههههههههههههههههههههههههههههههههههههههههههه ه امزح اكيد الشخص مننا لما يشوف ان المستقبل مازال مفتوح قدامه وابوابه كلها مشرعة له حيفرح من قلبه-- الله يوفق الجميع

[arwmu]

انا قصتي تحزن <<< بتبكي

دخلت على موقع الجامعه لقيتهم طالبين نسبة 80 بالموزونه وانا نسبتي 78
طبعا انفطر قلبي ماتتخيلون هذا الاحساس انه تكونون متحمسين وفجأة تتحطمون
المهم كان موعد المراجعه يوم الثلاثاء مبنى 29
يوم الاربعاء جاني مسج على الجوال ان النسبة انخفضت وانو تعالي يوم السبت بغيت انجلط طبعا
صرت اقووول لماما تكفين اقرأي يمكن انا ما أشوووف واخذت اهل البيت واحد واحد يقرأون

سبحــان مغير الاحوال من حال إلى حال

وعلى اوول طيارة ووينك يادرب جــده ورحت وصارت الامور مره مره سهلة الحمدلله
وأخذت بطاقتي بس لقيتهم يقولون لي ترا مافيه الا فرع البنات او السنة الـتأهيلية
قلت هاتي السنة التأهيلية ربك زي مايسسر لي القبول إن شاء الله بيسر التأهيلية
ورحت على طول اتصلت على امي وبشرتها واختي كانت معاي في القاعه 9 بس سويت عليها اني ما انقبلت وكانت تتصل ما ارد على مكالماتها لحد ماجيت عندها ووريتها البطاقه وانا وربي مو زعلانه اني سنة تأهيلية بالعكس هذا اختبار لي من رب العباد عشان يشوف ان راح اسعى في هذه النعمة الي هو اعطاني وغير كثير يتمناها

وشكرا لكم مشاركتي مشاعري في هذيك اللحظه

[قمركم]

من العايدين مونه العسوله ... الله ذكرتيني والله كان يوم غريب شوفي يا سيتي ايش صار معايا ..
انا ما انقبلت في الجامعه على طول وما طلع اسمي في نتائج الفرز ..
وما كان عندي الا اني اسجل ا نتساب ورحت سجلت انتساب ودفعتــ .. وخلاص ..
طبعا وانا عندي عاده اني قبل اجلس اتصفح على النت افتح موقع الجامعه واجلس اشوف فيه شي جديد او لا ..
وسبحان الله شوفت موعد مراجعه طبعا انا قلت اكيد عشان الانتساب وانا قدني مرسله اوراقي على الـ dhl
ودفعت فلوس الانتساب .. ومابقي الا يرسلو بطاقتي ..
المهم روحت الموعد ومعايا امي ودخلنا لـ مبنى 29 الا وبنات الامن
يسالوني عن نسبتي الموزونه قلت لهم انها 78
قالو ادخلي بس نشوف اوراقك كامله او لا .. طبعا انا على بالي انتساب ماجبت الشهاده الاصليه ..
وووووووووووووووووووووووووووووصارت المفاجئهـ قالو يا حبيبي انت مقبوله انتظام !!!
هاتي شهادة الثانويه الاصل .. و للأسف ما كانت معايا .. امي قالت لي خليكي انا اروح اجيبها ..
وراحت امي الين البيت ودورت على شهادتي ما لقيتها قامت وجابت كل الملف الي ادوني هوه الثانويه ..
وجاتني حبيبتي على الجامعه وصرت اشوف وادورفي الملف مافي معاها الشهادهـ ..
يالله مافي الا اني ارجع انا وامي ندور... ونرجع انا وهيه على البيت ..
وأروح اقلب الدنيا على شهادتي مضيعتها في وقت غلط ووووفي آخر لحظه لقيتها ..
وصرت ابكي واضحك .. مدري افرح اني لقيتها ولا ابكي من ضياعها وفجعتي الي قبل شويهـ ..
والحمد لله وصلانا مبنى 29 وووولحقت على التسجيل ولا استغرق مني الوقت الا خمسه دقايق ..
وشويه ..الا وانا طالعه لحبيتي امي بالبطاقه :)
طبعا كنت ممتنه لامي وقبلها لربي ما هان عليه اخرج من المكان قبل اسجد سجود الشكر
شوفت لي مكان مناسب .. وسجدت عند باب الدخول الحمد لله ..
وبرضو سجدت سجده ثانيه في الممر وكان ودي اسجد في كل خطوه امشيها سجدة شكر ..
>> انا مره ما راسلوني على الجوال ,, والله لوما ان ربي هداني افتح كل يوم موقع الجامعه كان فاتني التسجيل ..
يالله الحمد لله ... والله يوفق الجميع لما يحب ويرضى ..


آسفه على الإطالهـ :) وكل عام والجميع بخير ..

[فروته]

هههههههههههههه والله مواقف رهيبة اللي انقبلوا باللحظة الاخيرة

عسى يارب حليفنا كلنا التوفيق ان شاء الله :)

[سرت كبيرة]

الله يفرجها عليا ياااااارب


ادعولي وبس ..