الله يسعدكم خليكم معا <<<<مره قلقانه متوتره مدري ايش فيني بعد قبولي جاني

[حبي للوطن]

شوفي اختي انا نفس مشكلتك

بس اذا انتي تعرفي تتكلمي انجليزي انا ما اعرف الا قليل

وحاط في بالي طب

وكنت ناوي اسحب اليوم الفجر من الجامعة
بس اللي ساعدني العضو ( سورجن ) الله يوفقه ان شاء الله

بس انتي لا تتخلي عن حلمك وطموحك مهما كان

وناظري في اللي اقل منك مستوى ودخلوا الجامعة علمي والتخصص اللي يبون

والله يوفقك ان شاء الله

[هيموجلوبين]

يسلمو ياقمر حبي للوطن مره شوكرن ياقمر فين سورجن قلو يجي يرفع من معنوياتي شوي بليييييييييييز

[حبي للوطن]

سورجن هذا طول الله عمرك في منتدى كلية الطب تلاقيه


بس مثل ماقتلك دائما ركزي على اللي اقلم منك مستوى وعدوا السنة التحضيرية بكل سهولة

[حنين كلي حنان]

الله يوفقك ويعينك يارب

[هيموجلوبين]

يسلمو ياقمر حنونه وانت يارب

يسلمو حبي للوطن

[surgeon]

اختي اللغه مشكله عاااااااااااااااااااااااامة لكل الطلاب

انا دخلت الجامعه وماني عارف شئ بالانجليزي

والحمدلله تاقلمت مع الوضع.....اللغة لاتشيلي همها

سرجون

[حبي للوطن]

المشاركة الأصلية كتبت بواسطة surgeon اختي اللغه مشكله عاااااااااااااااااااااااامة لكل الطلاب انا دخلت الجامعه وماني عارف شئ بالانجليزي والحمدلله تاقلمت مع الوضع.....اللغة لاتشيلي همها سرجون

ارحب تراحيب بالغالي

[MNMO0ONA]

اهلا ياااعسل
شوفي انتي قلتي حلمك الطب وانتي عارفه الطب مو شي سهل ودراستو كمان مو شي سهل دام ربي يسرلك القبول في الجامعه وعلمي كماان ماشاء الله فلا تسحبي كملي مشوارك عشان توصلي للي تبغيه انتي اهم شي شدي حيلك واضغطي على نفسك اكتر من الثنوي ولاتراكمي المواد ولاتنطشي المحاضرات وحتى لو في ماده لاقدر الله ماجبتي ديك الدرجة لا تحبطي نفسك بالعكس خلي دا دافع لكي عشان تجيبي اعلى انا بتكلملك عن تجربه ازا دخل الاحباط في مشوارك الدراسي محا تمشي

انا اقولك ايش صار معايا واتمنى تستفيدي من تجربتي اللي اللين دحين ندمانه عليهااا بس خلاص دا قدري ولازم ارضى فيلو
انا السنه اللي فاتت اتخرجت علمي وجبت نسبه والحمدالله ترفع الراس ولما شوفت نسبتي قولت مستحيل اضيع تعبي وادخل اداري لازم اكمل طريقي والحمدالله اتقبلت علمي
المهم طبعا انا احب واعشق شي اسمو كيمياء حتى في المحاضره كونت شعله مع الدكتوره لاني احب الماده دي بدا الاختبار الدوري الاول وكونت اتمنى يجي اختبار الكيمياء لاني محا اتعب في مزاكرتو والحمدالله زاكرت وحليت تمارينو ويتصلو عليا صحباتي واشرحلهم يعني خلااص بلبل فيهااا المهم روحت اختبرت وخرجت من الاختبار وانا حموت فرحة ومتاكده يا 29 او 30 من 30 وبعد ماطلعت النتايج درجتي للاسف اقل من ماتوقعتها بكتيييييييييييييييييييييير 13 من 30
روحت كلمت الدكتوره انو ابغا تراجعي ورقتي انا متاكده من حلي كول يوم تطلعلي بعزر مره الاوراق مومعايا مره تعالي بكره وعلى دا الحال يومياا
اناااا جاني احبااااااط مو طبيعيي كرهت العلمي وسنينو والكيمياء وكول شي لدرجة محاضرات الكيمياء ماصرت اعترف بيها اصلا ولا احضرها خلاص كرهتها فوق ماتتخيلي وطبعا وحده مابتحضر محاضرات الكيمياء النهايه ايش حتكون حتنجح ؟طبعا لاصحباتي يقولولي حرام عليكي تسحبي عشان ماده درجاتك كولها حلوة جات عالماده دي خديها صيفي قلتلهم خلاااااص سيبوني في حالي انااا كرهت كول شي علمي كيمياء فيزياء كولو خلاص انا ابغا اداري عالترم التاني قررت اني اسحب وسحبت وانا واللهي واللهي رغم اني اتقبلت في المسار الاداري بس ندماااااااااانه اشد الندم انو ضيعت نفسي بنفسي واستسلمت للاحباط اللي جاني
فياعسل ازا حتجلسي تسمعي للصعب والسهل صدقيني حتتعبي ادعي ربك واجتهدي وحققي حلمك من غير ماتقولي انا حاسه محا امشي وانا وانااا
الانجليزي ماهوا عائق لكي في كتير مايفهمو شي في الانجلش ومشيو وكملو وانااا ماكونت داك الشي كمان والحمدالله لولا الاحباط اللي جاني بعد اختبار الكيمياء كان مشيت
فمنجد اتمنى انك تستفيدي من تجربتي والكل كمان مو بس انتي ياقمر
واسفه على كتره الكلام بس منجد وحده نسبتها في التنوي حلوة والقدرات والتحصيلي حرام تضيع نفسها كدا
وبالتوفيق

[DR/Know]

اختي اذا كان هدفك الطب فتوكلي على الله ولن يخيب املك

من قال((حسبي الله الذي لااله الا هو عليه توكلت وهو رب العرش العظيم)) سبع مرات كفاه الله مااهمه

وخذي باالاسباب قدر استطاعتك


اتمنى لكي التوفيق من كل قلبي

[حنان الريم]

صادقه منمونه لاتخلي الاحباط يحرمك من حلمك

صدقيني كل شئ مع العزيمه يتحقق بعد مشيئة ربنا انتي اهم شئ قولي انا داخله العلمي لهدف وباذن الله حاحققه واهم شئ لاتسمعي للاشاعات وصحبتي ماهي ذاك الشئ بالانجلش وشوفيها ماشالله معدلها عالي والحين جاينا الشهر الفضيل ادعي ربنا يسهلك كل صعب