ظاهرة ( مقرفه جدا ) زاادت في مدينة جدة

[Expert]

هي جات على العوادم


بحيرة الأربعين
بحيرة المسك
الشوارع المكسره
الزحمه
العفانه في الشوارع
حمى الوادي المتصدع
العمالة الأفريقية
نقص المياه
الضنكـ

بقي شي ,,


سلآآآم

[الحنونة 1]

احنا دايما ايش الحل ايش الحل بينما احنا بإمكاننا نغير ...!!!

معاكم حق بالنسبة لهالغازات هذا واحنا متعافين والحمد لله فكيف اللي عندهم امراض القلب والرئة ...

مادة اول اكسيد الكربون هي السبب ... لكن ايش الحل في دا الشي ماعرف لأنه ماعرف عنه شي صراحة ...

بتقولوا جدة كلها عفن

طيب!!!

لو تجو تشوفوا السبب احنا ... ناس ترمي مناديل واكياس واشياء ثانية الواحد يتقزز لما يفتكرها ... واكثر شي يقهرني وينرفزني ... الرمي من الشباك !!! ليش مافي زبالة عندك !!!

والآدمي اللي في الشارع ذا ... مو موجود الا عشان ينظف وراك !!!


لو كل واحد فينا كان حريص على هالشي وحرص على اللي حوليه تقل نسبة التلوث عندنا بشكل ملحوظ ...

وانا متأكدة لو طبق نظام الغرامات على الاوساخ سواء في الشارع ولا في البحر ولا في اي مكان ... مح تلاقي شي ...

ممكن شوية خرجت عن الموضوع وطولت ... بس شكرا على الطرح

[GAME OVER]

فعلا التلوث البيئي في جده كل يوم يزيد !!

والأمانه !! الله يصبرنا بس

عاد هذي تهون يا dre تقول يمكن الأخ ظروفه ما تساعده يصلح سيارته
بس ايش شعورك لما تشوف طالب جامعي (ركز طالب جامعي)
او شخص راكب سياره محترمه



ويفك القزاز ويرمي منديل او علبة بيبسي :( ؟؟

بس عموما زي ماقالت الأخت حنونه،، لازم نبدأ التغيير من انفسنا

[الراسي]

أضيف الى ما ذكرتوه
هناك تلوث في بعض الادمغه والجري وراء كل ماهو غير وتطبيقه بكل ما يحمل من سلبيات بدون تفكير او حذر للأسف وأصبحنا شعب متلقي ومتقبل لكل شيء غير ولو به ضرر علينا, أفلا يوجد تلوث بتفكيرنا؟!!!!!!!!!!

[dre]

bnootah: كلامك مافيه غبار

expert: عارف, لكن دي المصيبه اكبر عشان
بنواجهها كل ما بنخرج من البيت .. شي زي الزفت

الحنونة1: اللي يشوفك يقول قاعده تتكلمي مع ناس فاهمة القانون.
لا يكوجد قانون رادع للناس , ما اتفق معاكي .. لانو اللي بيسوق
السياره وبيعدم اللي وراه اشبها فارقه معاه , وبالنسبه للزبايل اللي
تترمي من الشباك دي تخص ( التربيه ) بعدين ( القانون )

لو كل واحد فينا كان حريص على هالشي وحرص على اللي حوليه تقل نسبة التلوث عندنا بشكل ملحوظ ...

كلام العاجزين .. دا اللي فالحين فيه في كل مصيبه
نقول لو كل واحد عدل نفسو , دي المشكله لها 50
سنه وانتو على نفس الكلمه.. ايش الحل ادا كانو
الناس ما يبغو؟؟؟ نتفرج !!

وانا متأكدة لو طبق نظام الغرامات على الاوساخ سواء في الشارع ولا في البحر ولا في اي مكان ... مح تلاقي شي ...

انتي قولتي بنفسك ..

[dre]

Game: اتفق معاك .. لكن ادا الناس لهم سنين
وبنين ومهم راضيين يتغيرو . ايش نسوي؟؟

[dre]

شكلو البلد حتفضل زي ما هيا الين
ما تخترق طبقة الاوزون او نهاجر

[سوار العسل]

dre أحيِّي فيك إحساسك بالمسؤولية الاجتماعية و أشكرك على مواضيعك المميزة .

[الحنونة 1]

الحنونة1: اللي يشوفك يقول قاعده تتكلمي مع ناس فاهمة القانون.

وضح أكثر لو سمحت ..

لا يكوجد قانون رادع للناس , ما اتفق معاكي .. لانو اللي بيسوق
السياره وبيعدم اللي وراه اشبها فارقه معاه , وبالنسبه للزبايل اللي
تترمي من الشباك دي تخص ( التربيه ) بعدين ( القانون )

لو كل واحد فينا كان حريص على هالشي وحرص على اللي حوليه تقل نسبة التلوث عندنا بشكل ملحوظ ...

كلام العاجزين .. دا اللي فالحين فيه في كل مصيبه
نقول لو كل واحد عدل نفسو , دي المشكله لها 50
سنه وانتو على نفس الكلمه.. ايش الحل ادا كانو
الناس ما يبغو؟؟؟ نتفرج !!

لو سمحت لو انا عاجزة مثل ماتقول كان ماقلت هالكلام ... انا الحمد لله ماحب اكون ممن ينطبق عليهم قول الله تعالى : (( ياأيها الذين آمنوا لم تقولون ما لا تفعلون* كبر مقتا عند الله ان تقولوا مالا تفعلون ))

وماني منافقة ... ببساطة لو انا ماني قد الكلمة ليش اقولها ...؟؟؟!!!


وانا متأكدة لو طبق نظام الغرامات على الاوساخ سواء في الشارع ولا في البحر ولا في اي مكان ... مح تلاقي شي ...

انتي قولتي بنفسك

كيف تقول : لا يوجد قانون رادع للناس ، ماتفق معاكي

ولما قلت لو في قانون رحت قلت انتي قلتي بنفسك !!!

[dre]

معليش قد أكون ما وضحت كلامي لاني كنت
نعسان .. قبل ساعه صحيت وفقت ..

شوفي يا اختي العزيزة
انا اعطيكي مثال , احنا لنا سنين وبنين في مشكلة رمي الزبايل
اثناء قيادة السياره . وطبعا دا عمل غير حضاري + ديننا الاسلامي
ضد هذا الشي , بل بالعكس امرنا بإزالة الاذى عن الطريق .
المشكله هي : انو لنا سنين بنقول ( كل واحد يرمي اللوم على الناس
وكل واحد لو التزم ما حتكون موجوده دي الظاهره )
طيب ادا الشعب مو راضي ايش الحل؟؟؟؟!!

هل سألتي نفسك سؤال ليش اليهود والنصارى بلادهم مافيها كدا؟؟
ادا كان الشخص الاجنبي ما علموه اهله في البيت النظافة
القانون راح يربيه , لانو عندهم غرامات خياليه من دي الناحيه.

نرجع لموضوعنا , موضوع الدخاخين والتلوث..
انا ما اقصد من كلامي اني ابغا تكون فيه مخالفات , وفي نفس الوقت
مني ضد لاني كمواطن بأعاني من دي الاشياء , انا طرحت الموضوع
وابغا اشوف رأيكم , انتي قلتيلي الجواب اللي دايما اسمعه ولن يتحقق
طال الزمن او قصر إلا إدا رجعنا لديننا , وانا اشك ,لانو حال المسلمين
دحين في مهانه ما يعلم بيها إلا الله .

ممكن اكون طلعت من الموضوع شويا
لكن على قولت الاخت اللي ردت " بانفخ في قربه مخروقه"
انتي عارفه انو احنا اكثر مدينة متلوثه بجميع الاوبئه والبلاوي
وانت تقولي خلي كل واحد يبدأ بنفسه؟؟؟
هل تعلمي ان كل فتره الجرايد بتكتب بأن
كارثه ستحل على جدة مستقبلا بسبب التلوث ؟؟!

اتمنى تكوني فهمتي قصدي
والسلام ختام