محتارة بين ابن سينا و عبدالعزيز

[Rghd]

انا زيك كنت محتاره مره وما اخبي عليكي فكرة مافي تحضيري في ابن سينا قد ايش مغرية .. لكن جامعة الملك عبدالعزيز مره قوية وانا رحت ابن سينا شفتها بس ما سجلت .. مره المبنى صغير وزحمه الكل يبا يتسجل

تحسي ان جامعة الملك عبدالعزيز تدخلي تخصصك بمجهودك
صح في كتير تعبوا وما دخلوا .. هادي خيره .. ممكن ماكانوا حيقدروا يكملوا في الطب

استخيري وفكري في الموضوع من كل النواحي

وشدي حيلك في التحضيري .. انتي من دفعتي وعارفه كيف ماشاءالله البنات ماشاءالله دوافير
الله يخترلنا الخير يارب

[Rghd]

وفي شي تاني

عرفت من وحده تقول ان الدكاتره هناك يدوهم الاسئلة .. يعني تدخلي الاختبار وانتي عارفه الاجوبة من غير مذاكرة

كيف حيطلعوا ذولا دكاتره في المستقبل ؟

الله اعلم

[Yasmina95]

حبيبتي أشجان ، انا كنت زيك العام وفكرتيني بنفسي :')

كنت محتارة بين عبدالعزيز وابن سينا وكنت حابة طب بشري وكنت خايفة من التحضيري بعزوز ، و شوفي انا دحين خلصت التحضيري و الحمدلله نتائجنا بعد اسبوع :)

انصحك اول شيء تستخيري ، تاني شيء انصحك وبشدة عزووووز ، احسن من ابن سينا صدقيني حتى لو اخدتي فيها منحة
و التحضيري سنة سهلة مرة وكلها من الثانوي بس بالانجليزي ، و لا تسمعي لكلام احد بصعوبتها

الطب بعبدالعزيز قوي ودراستها احسن ، و الانجليزي ترا سهل ، صح دوامه طويل بس حيطور من مستواكي و تقدري تحذفي اذا تعبتي منه.

و ان شاء الله نشوفك السنة الجاية متخصصة طب باذن الله ❤️

[أسرار سامي♥]

الطب مافي مقارنه بين عبد العزيز و ابن سينا
اكيد عبد العزيز أفضل
لكن نسبة قبولك في الطب عاليه جدا :(
مالك الا الاستخارة و أسألي الله ييسر لك الخير
و قدمي في جامعة سعود الصحية
تدخلي تحضيري مسار صحي يا طب أو علوم طبيه
بالتوفيق لك و للجميع

[Ashjan5]

حبايبي مررا شكرا على ردودكم صليت اسخارة كتير وسبحان الله جاني القبول في ابن سينا ورحت سجلت اليوم ودفعت وعلى فكره نسب الطلاب اللي قبلوهم دي السنه مرررا عاليه يعني صحبتي موزونيتها 88 تقريبا وماجاها القبول في ابن سينا ....
ورغد ترا مافي كدا اشياء انك تاخدي الاسئله كل واحد بااجتهادو وهدا الكلام اللي قالولي ياه بنات الطب في ابن سينا
اسرار للاسف ماعرفت عن جامعة سعود انها في جده غير بعد ماقفل التسجيل فيها

[عاشق الامل]

الطب عندك سعود الصحية او الملك السعود او الملك عبدالعزيز
بلا ابن سينا بلا ابن بطيخ
حتى ماهي مصنفه ﻻ على مستوى الشرق الاوسط وﻻ حتى دوليا
موفقة ان شاء الله .

[حنان 90]

ادخلي عبدالعزيز و شدي حيلك, و اذا ماانقبلتي ما راح يروح تعبك, لان بامكانك تحولين لابن سينا و يعادلولك مواد التحضيري

بالتوفييق

[عاشق الامل]

المشاركة الأصلية كتبت بواسطة حنان 90 ادخلي عبدالعزيز و شدي حيلك, و اذا ماانقبلتي ما راح يروح تعبك, لان بامكانك تحولين لابن سينا و يعادلولك مواد التحضيري بالتوفييق

كلام سليييم جدا

[legend45]

انا صحبتي دخلت جامعة الملك عبدالعزيز ولمن خلصنا اختبارات وحست معدلها ممكن مايجبلها طب بشري من بداية الاجازة حولت على ابن سينا والحمدلله دحين انقبلت طب بشري في ابن سينا

[Dr.feras mi]

اختي الافضل انك تدخلي جامعة الملك عبدالعزيز لانو مداكي تحولي لابن سينا بعدين ف يكون عندك فرصتين وحدة فى التحضيري ووحدة فى التحويل .... بالنسبة للناس الا يقولوا ان ابن سينا سيئة ل معلوماتكم الطب مو سهل ﻻ فى عزوز وﻻ فى ابن سينا ﻻ تقللوا من الجامعات علشانها جديدة فية ناس فيها ترا ممتازين والتدريس حلو ومافي اسئلة ﻻ تنشروا كلام مو متاكدين منوا وبالنسبة للاعتمادات مالها قيمة والمستوى العالمي للجامعة مالو قيمة كمان فى النهاية ابتعاث عن طريق الدولة او الجامعة ما تفرق من فين متخرج وﻻ معترفة وﻻ ﻻ ( اسف على الاطالة ) فى النهاية استخيري وشوفي اش احسن لك