ابغى اسلم عليكم :)

[sugur]

الله يسعدك بس أبا اسئلك كيف كنتي تزاكري math 110 وايش الملخصات المهمة وكيف ازاااككككككر؟؟ درجااتي ناقصصه الدوري الأول 11 والثاني 13 الله يخليكي

ساعدينيي؟؟

بانتظار رددك

[han0o]

السلام عليكم ورحمة الله وبركاتة
اول شي حابة اشكرك على موضوعك الرائع
ثانيا..أنا في الانقلش ع طول دخلت المستوى الرابع وكثير من البنات يقولو أن الانقلش هو الي يرفع المعدل
وأني لازم اجيب درجات كويسة فيه بما انو ماعندي الا مستوى واحد
فياليت احد يفهمني كيف هم اصلا بيحسبو المعدل

[الله أكـبر]

الله يوفقكك يااارب

[رآئد"]

ب التوفيق لكم يآشباب ..

[Marwan alHarbi]

سؤال شآأاطحح , بما إنه باقي شوي ونخلص الترم الاول وخطة كاملةة , ايش اصعب خطةة أ او ب ؟ يعني اللي يجيب درجات كويسة ف أ ب حتكون سهلة عليهه ؟

[Wa3od]

المشاركة الأصلية كتبت بواسطة maryam.n اي احد يجيب 95 و فوق معناه اخد 5 ،، و لو حسبيتها لو جبتي في كل مادة 95 حتكون نسبتك 95 و حتى لو نقصتي في مادة اكتر من كدا مرة عادي تقدري تعوضيها في مادة تانية ،، طبعا نسبة الترم الاول مع التاني يتجمعو و ينقسمو على اتنين و المعدل اللي من 5 نفس الطريقة و حتطلعلك نسبة و معدل نهاية السنة اللي حتدخلي بيه التخصص،، و في خانة احسب معدلك تجريبا في الاودس تقدري تتوقعي كم ممكن تجيبي و تطلعلك نسبتك المتوقعة :) ما شاء الله درجاتك حلوه بس لا تغتري بيها ؛) الاتصال فيه رفع اعتقد درجة و لا درجتين في النهاية بس لازم تعملي الواجبات اللي تقولكم عليها الاستاذة ،، الانجلش اهم شيء ركزي في الكلاس و بنات ابغى اقلكم دي السنة اعتبروها جهاد ، محاربة اي شيء المهم توصلو للدرجات العاللليييييية اللى تبغوها ان شاء الله لذلك اي شيء منتو فاهمينه او صعب تدبرو نفسكم عشان تفهموه و لا يتراكم ، روحوا لدكتورتكم في الساعات المكتبة و دا شيء مرة مفيد جدااا ،، و اشتروا ملخصات الماث و الفزكس و الاحصاء لجمال السعدي ، زويل ، بركات في الكيميا و اذا مرة منتو قادرين روحو عند خصوصي ، مدرسة خصوصية مرة مو عيب و نص اللي عندنا طب كانو ياخدو خصوصي و حتى احنا دحين في مادة اغلب البنات بياخدو فيها خصوصي النهاية المعلومة توصلكم و تفهموها ،، اخلاء الطرف روح عند العمادة ،، و لا ما يمديكي تسجل الترم التاني لانو لازم لو رجعت تقدم في الجامعة من جديد لازم تكون الفترة بين سحبك للملف و التقديم مرة تانية 3 شهور ،، لسى يمديك تجمع درجات لا تياس الاولاد دايما نسبهم اقل من البنات بفارق كبير جدا ،، نصيحتي الكتاب فقط لحل التمارين اما الفهم من الملخصات حقت الدكاترة اللي ذكرتهم في الرد اللي فوق ،، و زي ما قلت اي شيء مو فاهمة روح الصق للدكتور في ساعاته المكتبية خليه يفهمك و اذا مرة ما فهمت منه خدلك خصوصي و على فكرة دايما الدوري التاني للكيم اسهللل لانو اصلا الحزئية مرة اسهل :) شد حياك و بالتوفيقد اهلا :) ،ً ،، و الله مصادر المذاكرة انا قلتها في الردود اللي فوق ( ملخصات ، نوتز اكتبها في الملاس و اهم شيء في الحياة كلها اسئلة اختبارات سابقة تجي نص الاسئلة كوبي بيست منها نفس صيغة السؤال تلاقوها هنا في المنتدي مررررررررررة مهمة ) طريقة المذاكرة ،، لا تراكمي عليكي ابدا الدروس و خليكي جدية مع نفسك و حطي لكل مادة وقت محدد للمذاكرة اليومية عايري المنبه عشان ما تتجاوزي الوقت كدا حتشدي على نفسك اكتر ،، اكتبي عبارات تشجيعية وايجابية و لصقيها في مكان دايما تشوفيه في غرفتك ،، تجهزي نفسك قبل الاختبارات باسبوعين و تعطي كل مادة حقها ،، ارضي والدينك و خليهم يدعولك ،،اتصدقي وارضي ربنا و ادعية واستخيري على التخصص الطب ،، ما تدري وين الخير ،، اذا ما جبتي العلامة اللي تبغيها لا تزعلي لانك عملتي اللي عليكي و ذاكرتي و بذلتي طاقتك ووقتك وجهدك واعرفي انها خيري اهم شيء روح التفاءل و اليقين بالله و الثقة بنفسك و قدراتك لا تتزعزع ابداااااااااا ،، شيء مهم جدا من تجربة يعني،، لا تقولي لاحد درجاتك الحلوه و لا تبيني انك اينشتاين متخفي بينهم ، اولا عشان العين تانيا لانو انتو الان في حالة تنااافس شيديد جدا تكادو تقطعوا بعض ،، ترا كنت مكانكم يوم من الايام واعرف البنات كيف يفكرو ،، المهم و لا تقولوا لاي احد انا ابغى طب ،، سو اموركم بالكتمان و ربنا يفتحها عليكم بالنسبة للطب و الزواج والله انا ما جربت بس ،، كل شيء في البداية صعب و يحتاج تركيزك ووقت عشان تتكيفي معاه زي في اول سنة في المتوسط واول سنة في الثانوي و اول سنة في الجامعة التحضيري و كمان اول سنة في التخصص خصوصا الطب مرة حيكون صعب ،، ملاحظة الطب صعوبته في دش المعلومات الكبيرة جدا اللي في وقت قصير فقط :) بالنسبة للانجلش احسن تدخلي اختبار تحديد المستوى و هما بالزبط حيحطوكي في اللفل اللي يناسبك ،،، لانو ترا الانجلش ياخد 3 ساعات من يومك او اكتر تخيلي فمالو داعي تضيعي اختبار تحديد المستوى و الانجلش يلازمك كل السنة

مشششكور على كلامك ونصايحك الله يوفقك ونشوفك احسسسن دكتوره

[fajer al-shehri]

مساءء الخير
ابغى اسالكم اقدر اقدم ع جامعة ثانية و انا ادرس في جامعة عزوز ؟
ولا لازم اسوي اخلاء طرررف
انا تعقدت بصراحه ما ابغى تحضيري مهما اذاكر و اسوي الدرجات زفتتت

[كوبالـت_Co]

أكبر منهم بسنة ؟!

خذوا الكلام من الأكبر منكم بـ 4 سنوات

شدوا حيلكم الأختبارات القادمة هي الفاصل لآ تتهونوا و اعملوا و اجتهدوا حتى توصلون للي تتمنونه

و أنسوا كل الأختبارات الي راحت بعض الدكاتره اذا شافك بدعت و قدمت في النهائي

يزيدك بالباقي ( يضبطك بالعربي )

بالتوفيق يا شباب و بنات المستقبل ( ترى حتى انا من شباب المستقبل مو شايب =) ) ::.

[maryam.n]

المشاركة الأصلية كتبت بواسطة sugur الله يسعدك بس أبا اسئلك كيف كنتي تزاكري math 110 وايش الملخصات المهمة وكيف ازاااككككككر؟؟ درجااتي ناقصصه الدوري الأول 11 والثاني 13 الله يخليكي ساعدينيي؟؟ بانتظار رددك

امين و ياكي يا رب .. احلى شيء الدعوات
المهم .. صراح درجاتك مو في السليم للامانة يعني ..
لو حسبتي الدرجات اللى ناقصتها 36 و دا معناه لو جبتي فل مارك في الفاينل ( و فاينل الماث و الفزكس فيه 4 اسئلة زيادة لو حليتيها تاخدي 4 درجات زيادة )
فلو جبتي فل مارك في الفاينل حتكوني اخده 78 معناه d
دحين مرة ركزي في الماث و ابدئي من الان تذاكريه من ملخصات السعدي ممتاز و اسئلة نهاية الكتاب التمارين لازم تحليها كلها و تعرفي فكرة كل تمرين ضروري و الله يوفقك
ملاحظة : عندك مواد تانية تعوضي فيها النقص و ترم تاني كااااااامل يرفعلك معدل كتتتتير
و ترا تدخلو التخصصات حسب نسبتكم المئوية اللى من 100 مو المعدل :)

المشاركة الأصلية كتبت بواسطة han0o السلام عليكم ورحمة الله وبركاتة اول شي حابة اشكرك على موضوعك الرائع ثانيا..أنا في الانقلش ع طول دخلت المستوى الرابع وكثير من البنات يقولو أن الانقلش هو الي يرفع المعدل وأني لازم اجيب درجات كويسة فيه بما انو ماعندي الا مستوى واحد فياليت احد يفهمني كيف هم اصلا بيحسبو المعدل

الانجلش صراحة ما اعرف تقسيم درجاته للاسف :) لا افتيلك .. بس فعلا يرفع المعدل لانو يعتبر من المواد السهلة
موفقة :)

المشاركة الأصلية كتبت بواسطة الله أكـبر الله يوفقكك يااارب

امين و ياكي

المشاركة الأصلية كتبت بواسطة رآئد" ب التوفيق لكم يآشباب ..

موفقين ان شاء الله اتوكلو على الله و ادعووووووووووووو في اوقات الاستجابة و استخيرو

المشاركة الأصلية كتبت بواسطة Marwan alHarbi سؤال شآأاطحح , بما إنه باقي شوي ونخلص الترم الاول وخطة كاملةة , ايش اصعب خطةة أ او ب ؟ يعني اللي يجيب درجات كويسة ف أ ب حتكون سهلة عليهه ؟

سؤالك مو شاطح بس مرة غلط و اشوفك تسأله مرة تانية في حياتك :)
السهولة و الصعوبة تعتمد عليك انت ممكن انا شيء اشوفه صعب و انت تشوفه موية يعتمد لا تاخد الانطباع من الاشخاص قبل لا تجرب الشيء
بس طبعا كلنا عارفين انو الصعوبة و السهولة تعتمد على المذاااااكرة لو مذاكر حتشوفها سهلة و العكس :)
اهم شيء الرسائل الايجابية اللى تحفزو بيها نفسكم يا جماعة و سيبوكم من الناس السلبين او الافكار السلبية ولا طول عمركم ما حتتقدمو و تشوفو الدنيا سودا و هيا ملونة

على طاري الموضوع دا .. ابغاكم تشوفو دي القصة- مقطع قصير لا يفوتكم

المشاركة الأصلية كتبت بواسطة Wa3od مشششكور على كلامك ونصايحك الله يوفقك ونشوفك احسسسن دكتوره

امين شكرا

المشاركة الأصلية كتبت بواسطة fajer al-shehri مساءء الخير ابغى اسالكم اقدر اقدم ع جامعة ثانية و انا ادرس في جامعة عزوز ؟ ولا لازم اسوي اخلاء طرررف انا تعقدت بصراحه ما ابغى تحضيري مهما اذاكر و اسوي الدرجات زفتتت

و الله على حد علمي المتواضع و الله اعلم انك لازم تسحب بسسسسس بعد ما تكون ضمنت مقعدك في الجامعة التانية و قبلووووووك اكيد
و استخير قبل كل شيء

المشاركة الأصلية كتبت بواسطة كوبالـت_Co أكبر منهم بسنة ؟! خذوا الكلام من الأكبر منكم بـ 4 سنوات شدوا حيلكم الأختبارات القادمة هي الفاصل لآ تتهونوا و اعملوا و اجتهدوا حتى توصلون للي تتمنونه و أنسوا كل الأختبارات الي راحت بعض الدكاتره اذا شافك بدعت و قدمت في النهائي يزيدك بالباقي ( يضبطك بالعربي ) بالتوفيق يا شباب و بنات المستقبل ( ترى حتى انا من شباب المستقبل مو شايب =) ) ::.

صح كلامك و أأيدك انسو اللى فات و اللى خبص ينسى تخبيصو و ابدؤ من جديد بنفسية جديدة
:)

[محمد الداود]

ماااا شااااء الله :]]]]]]
الله يوفقكم ي جماعة


♥