من فرج هم مسلم فرج الله همهه طابتكم ادخلو

[دره جده]

ماشا ءالله ما قصرو الجماعه ما خلو شئ الا قالوه ..
بس بقولك نقطتين..
1) اولا لا تفقدي الامل ع كل حااااااال.. واتفائلي ثم اتفائلي ثم اتفائلي .. فالتفائل مفتاح النجاح..
2) اذا بتسحبي .. اول شئ استخييري..
وربي يساااعدك ويسهل اموووووووووورك..

[ــــــM7MDـــــــ]

المشاركة الأصلية كتبت بواسطة ms,malak يعني كلكم تقولون اني ما اقلهم الحقيقة واشد حيلي الخطة الجاية وبعدين اخذ المادتين اللي حملتهم في الصيفي اللي هيا الاحصاء والكيميا وبعدين ادخل علوم وادرس سنة واجيب معدل كمان مرة عالي وبعدين احول طب ؟؟؟؟؟؟؟؟؟؟؟؟؟ بصراحة عجبتني الفكرة مرة مشكورين كل اللي ردو عليا جزاهم الله خير ربي يعوضكم ويعطيهم كل اللي تبوه وماخاب من استخار الله انا بستخير الله واللي ربي كاتب لي فيه الخير حيسويه انا مرة معنوياتي ارتفعت لجاي مرة شكرا بس تتوقعو حتى لو شديت حيلي الترم الجاي وجبت في كل المواد a او b يرتفع معدلي قلت خلاص بدخل نظم معلومات كيف ؟؟؟ ولا هندسة حاسب يقولو مستقبلها مرة حلو وبالنسبة للجامعات الاهلية انا ماعندي الامكانية التي تخليني ادفع مدري كم الف ع سيرة الفلوس المكافات دحين بنتنزلي ولا كيف ؟؟؟؟

لا لا لا ... انا عن نفسي انصحك تقولي الحقيقه ،،، وش الفايده لو خبيتي

[الحمد الله على كل حال]

لا لا لا تقولي b a

اتمني aa+
وانشاءالله راح تاخدي المعدل المرتفع

يمكن لو اتقبلتي السنه الجايه طب افضل دفعه افضل ايش يدريكي

[طموح بنوتة]

حبيبي اول ما يفتح برنامج المنح الحكومية للكليات الصحية قدمي فيه ولو جاك قبول كلمي اهلك وروحي ادرسي اعرف كتيرين يدسوا على حساب الحكومة وشروطها نسبتك تكون ثمانين وفوق والقدارات والتحصيل 65وفوق والتخصص طوالي او زي ما قالو الاخوان ادخلي كلية العلوم بايوكمستري وبعدين حولي والله يوفقك ويكتب لك الخير
*ـ^

[التحضيري لعبتي]

نصيييييحة .. سآيسي أهلك .. ولآ تخشي إلآ التخصص اللي إنتي رآغبه فيه
إذآ مآ تقدري تكلميهم خلي أي شخص ثقة يكلمهم عنك

لكن إذآ انتي متحمسة وتحبي الطب وتبغيه أنصحك تسحبي ملفك
وتقدمي من جديد للسنة الجآية
ح تخسري سنة لكن ح تكوني كسبتي تجربة حلوة .. ويمديكي فترة إجآزتك تدرسي لحآلك وتجهزي نفسك مزبوط للسنة الجآية

بالتوفيق يآرب

[اتوشا]

مساء الخير ..كيف الجميع ؟؟
شوفوا مع احترامي لاراء الجميع بس انا اشوف ان البعض يكتب وهو مو حاسس بمعاناة البنت عشان كذا انا ح اكتب من واقعي الشخصي والتجربه الي مريت فيها من السنه الي راحت ..ح ابدا من الاول :
انا كنت ساكنه في المنطقه الشرقيه تخرجت من الثانويه وانا عندي طموح كبيره (بس بعيده عن الدراسه الجامعه )يعني تجاره ما تجاره ((كان نفسي اكون ثروه !!))هههههزي ما اقولكم بالزبط
الموهيم قدمت في الجامعه وانا كلى تفاؤل وانقبلت في جامعة عزوز وبدأ مشواري ودخلت اول سنه . طبعا اول ما دخلت مره متفائله ومداومه من اول يوم ..وحضور ولا احلى ..(كنت احسبها زي الثانوي نوم نوم نوم الين اخر يوم وافتح كتابي اتصفحه واروح انجح !!)بس لما فتحت كتاب الكيمياء اول مره عرفت انو ح ارسب ..الموهيم بدأت بالكيمياء واخذت f (اذكر صديقتي اتصلت عليه وسالتني ايش معنى f ؟فقلتلها فانتاستك يعني انتي رائعه ومذهله !!) والله وبدات الرسوبات واحد وراء الثاني ولا كنت انجح الا في الانقلش ..الخطه ب كلها رسبت فيها ! وكان عندي نفس المشكله حقتك اول مره كنت مو خايفه بس مستحيه اقولهم لانهم مره شايفين نفسهم فيه وطب ومحاماه ومن الكلام هذا بس استجمعت قواي وقلت لهم لانه جلست اربع ايام ما اعرف انام قلت ح اقولهم والي فيها فيها ولا انا اول وحده ولا اخر وحده (اعرف انو عندي قوة وجه مو طبيعيه)ودخلت الترم الثاني وقلت :لا ..لهنا وبس الخطة أ انا ح شد حيلي ..فعلا عدا الترم هذا ورسبت في الفيزياء والرياضيات ونجحت في الحاسب والاتصال ..بس المره هاذي ما كان فيه حياء رحت عندهم وهم جالسين يتقهوون وقلت لهم بالفم المليان انا نجحت في مادتين واخذت افين في مادتين (قالوا انا لله وانا اليه راجعون )والله ما كان في بالي ترم صيفي بس هذا شور صديقتي وبنت خالي الي كانت معايه (اذكر كنت في الطايف اتمشى ودقت علي بنت خالي وقالت لي باسجل في ترم صيفي تبغين معانا ؟؟ قلت لها ايوه وخلوا جدولي زيكم بالزبط ما ابغى ملل في رمضان !!)فاخذنا في الترم الصيفي رياضيات وفيزياء (قالك لانه تونا طلعنا واحنا لسى فاكرين حاجات منه ..كذب والله..)نجحنا في الترم الصيفي مدري كييييييف ورجعت وانا كلي حماس (طبعا هذا ثالث ترم ليه واخر ترم يعني ارسب في ماده يشوتوني برا الجامعه )كان عندي مواد خطة ب بس وحاولت اشد حيلي بس ما عرفت !!
وفي النهايه نجحت في الكيمياء والاحياء ورسبت في الاحصاء ((هاذي كانت غلطتي ..كنت لازم اخذ الاحصاء في الصيفي ..فعلا ندمت ))طييييييييب ..ايش الحل ؟؟
اكتب هنا في المنتدى واسال عن الحل واسأل الناس والبنات الي سبقوني والاسبوع الي راح كله اتصالات على اعطيني رقم فلانه ويا فلانه تعرفين احد صار معاه كذا ومن الكلام هذا الين توصلت انو فيه 3 حلول :تحولين انتساب..او تسحبين..او يفصلونك من الجامعه ويسمونك مفصوله اكادمياوتتنفين من المجتمع
ايش الاحسن ؟؟استخرت (والحمد لله) ورحت اراجع درجة الاحصاء لانه ما اقنعتني قالك ولما كنت هناك فكرت انو اسحب وفعلا سحبت والحمد لله على كل حال بارجع السنه الجايه وانا ماخذه فكره عن كل شي في المنهج انا شايفه انو كذا احسن ..
انا اعرف شعورك مو انك خايفه بس مستحيه لانو اهلك كانوا معلقين عليك آمال كبيره وانتي شايفه انو خيبتي املهم بس الموضوع مو كذا انتي مو فاشله انتي بس لقيتي اشياء جديده عليك وطحتي في اخطاء حاولي تتفاديها المره الجايه(انا مو بس انصحك انا انصح نفسي كمان )صدقيني بكره تحكي قصتك هاذي وانتي تضحكين زيي الحين بالزبط ههههه انا انصحك تقولين لهم بس عشان ضميرك يرتاح وعشان احد يشيل الهم معاك (اذا كنتي نفس نوعيتي )انا احب القى احد واقف معايه دائما ..اصلا لو قلتي لهم ح تحسي انو هم كبيييير انزاح عن صدرك ..لانو انتي مهم تدخلين الترم الثاني وانت مرتاحه نفسيا وابدا لا تشيلين هم انو بيظغطوا عليك اصلا لو علينا جلسنا ع الجوال وتركنا الدراسه خليهم يضغطوا عشان دايما يذكروك وتكون قرصه بالنسبه لك ..حاجه ثانيه :ابدا لا تفكرين في الانسحاب الحين خذي كل الفرص الممكنه الي قدامك اول شي.. يمكن تنجحين في الترم الثاني الباقي خذيه في الصيفي كذا تنحل مشكلتك ولا تضطرين تعيدين سنه كاااامله ..لا قدر الله وما توفقتي في الترم الثاني اعرفي انو خيره وخذي في الترم الصيفي المواد الممله والصعبه وح تنجحي وانتي منسدحه !!والترم الاول السنه الجايه يبقالك المواد السهله ..الترم الثاني السنه الجايه تتخصصين كذا تكونين وفرتي على نفسك نص ترم من الفراغ في البيت ))احس من كلامك انك بنت طموحه وخلي نفسك طويل قولي في نفسك : يا انا يا انتي يا ذذي الجامعه
اعرف انو طولت بس حبيت احطك في الصوره وتعيشي الي عشته ..موفقه ان شاء الله .......

[Dr. Abdul]

حل سريع ومافي منه


اذا نسبتك في الثانوي فوق ٩٠ والقدرات ٧٥ والتحصيلي ٧٥

قدمي على رمضان على ابتعاث داخلي وان شاء الله الطب مضمون في هالناحية

واتمنى اني افدتك

[hanan 510]

شوووووووووووووووووووووووووووووووووووووووووووفي يا بنت زي امك مافيه
عشان تريحي نفسيتك وصدقيني حتغطي على اهلك ل متى
و امك صدقيني هي ادرى بمصلحتك موطالبات الجامعة
ممكن صح تعصب في البداية بس اهم شي انك قلتي الحقيقة وعشان ضميرك مايانبك
لو اني مكانك اول ما اشوف اني راسبة اروح اقول لامي الحقيقة وامك عاد او ابوك حيحاولو يحلو العقدة لانك بنتهم مهما زعلو اللي عليكي سويتيه
وانا بصراحة ماني بعيدة عنك درجاتي درجتين على الرسوب اول ماشفتها قلت لامي وابوي بس إن شاء الله حشد حالي في خطة ا وصددددددددددددددددددددددددددددقيني هذا هو الحل الوحيد

[مہےہرآآم]

^^

أولاً الله يعينكك يَ رب ويفرج عنكك ويريح بآلكك وييسر عليكك ككل عسسير

يَ ررب , ثآنياً الأعضــآء كفوآ ووفوآ ومآقصروآ الله يعطيهم ألف عــآآفيه ,

ثآلثاً صلي آستخآرهوشوفي إذآ بتكملي أو تسحبي أهم شي تصلي لأن

الخخخيره فيمآ آخختآآره الله , والله يكتب لكك اللي فيه الخخير يَ رب

بالتوووفييق خيتوو ..

[King Ali]

اختي انا مثلك نووعا ما
رسبت في الاحياء
وكان طموحي الصيدلة
طبعا خلاص عرفت انو الراسب
ما يدخل التخصصات الطبية

عشان كذا قررت اني ادخل كلية العلوم
واخذ كيميماء واشد فيها
واجيب معدل عالي واحول للصيدلة

يعني الشغلة ما يبيلها تحطيم
صحيح اني تحطمت اول ما طلعت الدرجات
بس حاليا مرتاح نوعا ما

لذا انصحك ما تحطمين نفسك
الرسوب مو نهاية المشوال
والفشل طريق النجاح ...........