اظرف او اصعب او اقوى موقف مر عليك في ايام الاختبارات

[القصير]

المشاركة الأصلية كتبت بواسطة ساكو مشكور اخوي غيم على هالمبادره القسم بصراحه محتاج مثل هالمواضيع .. اظرف موقف مر علي .. دايم اطلع وادخل من البوابه الغربيه هذاك اليوم سويت نفسي فيها ذكيه .. البوابه الغربيه لها مخرجين قلت خلني اطلع من الثاني ولبست عباتي وجوالي بشنطتي يدق عرفت انه السواق يعني اخلصي المهم جيت مدرعمه الا قدامي الممر حق العربيات واشحط فيه ذيك الشحطه لو اني طحت ابرك لي جلست اخبط يمين ويسار اصارع عشان ماطيح واشوى عديتها كل اللي جالسين بحلقوا فيني قلت مو مشكله بهج وعبايتي علي محد عارفني .. بس ابو الوهقه يوم لقيت الباب مسكر قسم قممممممممممة الفشله ..

ههههههههههه ساكوكة اتخيل شكلك هههه ام الفشلة وكمان الباب طلع مسكر

اتذكر يوم اختبار القدرات كنت اول مرة ادخل عزوز دخلت من بوابة وطلعت من بوابة ثانية واخوي يقولي انافي نفس البوابه اللي دخلتي منها اقوله ياهوه وينك موشايفتك اصلاالبوابة مافيها ولا سيارة انت وين واقف بالضبط ؟؟هههه يقولي حرام عليك السيارات هذي كلها موشايفتها يابنت انت في اي بوابة قلت مدري خليت الامن يكلمه وسوى فيني خير وقال لاخوي انافي اي بوابه والله كنت شوي وحبكي خخخخ..

[فيصل آل الحارث]

يوم طفـئ علينا الكهرب ..!!
وياليته مالطفئ لأني ماعرف أنقش ..!!
ذاك اليوم مت قهر

[غيم تايه]

المشاركة الأصلية كتبت بواسطة آمال وطموح ^^ يا الهي !!! وشلون راحت عليك شكلك كنت مواصل أو شي زي كذا هههههههههههههههههههههههههه زين ما كنت عند الحريم وربي تغسل شراعك غسل وتطردك بعد ما تسمع كل القاعات انووو انت داخل اختبار مو اختبارك لا وتروح تنادي اللي تعرفهم وتعلمهم بصوت عااالي وتجيك وحدة ثانية تستلمك تهزيء لين تحس انك سويت جريمة .. حياك اختي امال ،،، يا ساتر يارب كل هذا حصل عندكن لا ابشرك انا طلعت واقول غلطان في القاعه واشوف رؤسهم تهز يعني عادي عادي .. _______________________________ موقف صعب حصل معي مرة رحت الجامعة أقول للبنات أعطوني الاوراق اراجع معاكم .. لقيتهم يناظرون في بعض ويقولون أي اوراق ؟؟ المادة هذي مافيها اوراق .. وانا اقول : إلا الأوراق اللي صورتها منكم نسيتها بسرعه براجع كان باقي على الاختبار نص ساعه وانا ماذاكرت زين المهم طلعت المادة أخيرا اللي ذاكرتها مو نفس المادة اللي فيها الاختبار أخذت عشر دقايق مصدومة وفي 20 دقيقة جلست اذاكر ورى المبنى وعلى السريع الحمدلله اني نجحت بس

والله هذا الموقف حصل شبيهه لاحد الزملاء قضي يومه مسكين يذاكر مادة غير المادة اللي بيختبرها وتفاجأ قبل الاختبار ،، حاول حاول يذاكر يجمع معلومات لكن للاسف ما حالفه الحظ وحمل المادة ،، اظنه ما راح ينسى هالموقف عمره كله .. الله يعين .. شرفني مرورك تحياتي ..

[من الجامعة]

انا دخلت قاعة كانت مخصصة لذوي الاحتياجات الخاصة.....
انتظرت عشر دقايق وبدا الاختبار تقريبا من ربع ساعة على حسب موعد الجدول وما وزعوا الاوراق استغربت ؟؟
بعدين سألت المراقب وقلي هذي قاعة خاصة بذوي الاحتياجات الخاصة !!
انا مادري ايش الغباء الي جاني لان كلهم كان جنبهم واحد يكتب عنهم !
بعدها طلعت فريت المبنى كله لاني ماعرف المكان وين ولا اعرف اسم الدكتور!!
كل ماسألت دكتور يقول يجلس يتكلم علي كيف ماتعرف اسم دكتورك ؟!!!؟؟
كل هذا كان في السنة التحضيرية ياني من جد كنت تنبل ذيك الايام : )

[أبو هاااني]

اشكرك اخي غيم تايه على الفكرة الجميلة

فرصة نضحك قليلا

موفقين

اما أنا فلا يحضرني في الحقيقة موقف

[رحال1]

وعليكم السلام ورحمة الله وبركاتة

مواقف تضحك من جد

اما انا الحمدلله واحد ثقيل اتأكد من الشي مئة مرة اهم شي اسأل اول ماتدخل القاعة

[روقااان]

المشاركة الأصلية كتبت بواسطة ساكو مشكور اخوي غيم على هالمبادره القسم بصراحه محتاج مثل هالمواضيع .. اظرف موقف مر علي .. دايم اطلع وادخل من البوابه الغربيه هذاك اليوم سويت نفسي فيها ذكيه .. البوابه الغربيه لها مخرجين قلت خلني اطلع من الثاني ولبست عباتي وجوالي بشنطتي يدق عرفت انه السواق يعني اخلصي المهم جيت مدرعمه الا قدامي الممر حق العربيات واشحط فيه ذيك الشحطه لو اني طحت ابرك لي جلست اخبط يمين ويسار اصارع عشان ماطيح واشوى عديتها كل اللي جالسين بحلقوا فيني قلت مو مشكله بهج وعبايتي علي محد عارفني .. بس ابو الوهقه يوم لقيت الباب مسكر قسم قممممممممممة الفشله ..

ههههههههههههههههههههههههههههههههههههههههههههه
ااااااه بس ياريتني شفتك وانتي تفاحطين هههههههههههههه وربي موتيني من الضحك جالسه اتخيل هههههههههههههههه حمدلله علي السلامه اهم شي

[روقااان]

والله مواقف كثير تسير بس اقوي موقف للحين اتذكره ولا راح انساه هو اخر يوم بالاختبارات
خلصنا ومن الفرحه لبست عباتي وغطيت وقلت لزوجي انت فين قال خلاص شوي واجي قدام ابوابه وانا من لقافتي طلعت وشفت سياره مثل سيارتناوالله واروح لها بدون سابق انذار وافتح الباب وشوي واجلس ولا الرجال يقولي غلطاااااااااانه غلطااااااااااانه هههههههههههههه وعلي طول اقفل الباب ولا زوجي وراي بالسياره معصب وينقلب هذاك اليوم نكد لليوم اللي بعده الحين توبت لوقدامي ادق عليه هذا انت ولا لاااا
ومشكووور ياغيم علي المواضيع الرائعه

[روحي لها جنحان...]

مواقف أيام الاختبارات كثيييييييرة جدااااااااا

أذكر مرة بروح للاختبار الا والسواق يتأخر علي طبعا انجنيت ومر الوقت وبالأخير أبوي جاء من دوامه وأخذني وشوفوا التأخير ورفعة الضغط والخوف والقلق وأوصل للجامعه وشوفوا الركض على أصوله وبعد ما دخلت القاعة طبعا قد بدأوا الاختبار انا جلست على الكرسي وبدأت نوبة البكاء حزنت على نفسي قلت خلاص راحت علي ما راح أقدر أحل :)

لكن الحمدلله هدأت وحلييييييت ومشي الحال

فكرة الموضوع رائعة .. شكرا لك

[غيم تايه]

المشاركة الأصلية كتبت بواسطة nour al3mr وعليكم السآم ورحمة الله و بركاته حيـآك الله عمدة قسم الدراسـآت الإسـلآمية ربي يبارك بجهودك ويوفقك استوقفني عنوآن الموضوع .. و مازآد عجبـآ وضحكـآ حقيقة الموقف الذي حدث معك الحمد لله الذي يسر لك الإنتبـآهـ قبل فوآت الوقت .. علم اجتمـآع ~> موآريث لا تجتمعـآن :: صحيح لا يجتمعان لكن فيني طبع ،، ما احب ادخل الاختبار الا بعد توزيع الاوراق ،، اكره ساعات الانتظار في القاعه حتى يتم توزيعها ،، احيانا اتأخر حتى اتأكد انهم بدؤا فعلا في الاختبار .. وللاسف كنت مقتنع تماما ان القاعة صحيح بالرغم اني اتأكد دائم من الجدول ،، لكن لكل جواد كبوه .. موقف لا أفتكــــــــر كثيراً لكن أغلب موآقفي أن المعلومة التي أذكرهـآ للطالبات قبيل الإمتحـآن بدقـآئق .. تأتي في ورقة الاختبـآر ولا أستطيع حلهـآ .. وللأسف هذهـ أزمتي في أغلب الاختبـآرات لكن الحمد لله على كل حـآل :: موقف كـآن لدي اختبـآر مـآدة الصرف .. وفي يومها كـآن المطـــر بدء بالهطول وإحدى الصديقـآت خائفة فأمـآزحها بأنه سَـ تأتي سيول لأزيد من خوفهـآ ونضحك بعد بدء الاختبـآر بِـ 10 دقـآئق أصبح المطـر شديد الانهمـآر وصديقتي سلمت الورقة مبـآشرة وخرجت من القـآعة بعدهـآ قطعوآ التيـآر الكهربـآئي ونحن في القـآعة ولم نحل منتصف الورقة .. لكن لسـآن حال الأستـآذات أن العمر ال يتعوض و الاختبار يتعوض ونهايتها لم ينجح بعض الطـآلبات في المـآدة ~> لم يراعوا في التصحيح لكن من الله علي بفضله اجتيـآز المـآدة ~> أكملت الحل بسرعة دون تركيز وآفاد ذلك ولله الفضل :: معذرة على الإطـآلة + الحضور من قسم اللغـآت لهنـآ أدآمك الله بخير ..

ايام المطر هذه قصصها قصص مع اخوانا الطلاب ،، ما عايشتها ابد الحمدلله على كل حال ..

في الختام بجد شرفنا مرورك مشرفتنا ،، واسعدتنا كلامتك ودعواتك ،، ومداخلتك الاكثر من رائعة

وموقفك ، وان شاء الله الايام القادمة الامطار تكون سقيا خير وبركة ،، حولنا وحولينا ،

، ولا تشوف جدة ولا أهلها بأس ، حفظك المولى عز وجل ... تحياتي ،،