اسئلة عاجلة للتحويل من انتساب لتعليم عن بعد جزاكم الله خير افيدونا

[بلاك بيري2]

المشاركة الأصلية كتبت بواسطة نسيم الصمت انااا مثلكم افكررر احووول بس مدررري لو شهادتهاا نفس الانتساب ليه اتعب نفسي لاني سمعت شهاده الانتساب مامنها فايده مدري عن التعليم عن بعد

مين الي ضاحك عليك وقال لانتساب ماله فايده

الانتساب نفس لانتظام بالتمااام

وكمان اقوووى من التعليم عن بعد....|

لانه معتمد من سنين

واغلب المتوظيفن الان منتسبين\

ولا ليش الناس تدفع 6000 سنويا....

وتسجل في الجامعات اخر الدنيا....

..........


هو الي ماله فايده

التعليم عن بعد

ماعمري شوفت واحد متوظف ومعاه شهادة تعليم عن بعد....

في الدول لاجنبيه

معتمده عندهم زي لانتظام...

بس عندنا لسه

مزالت تحت التجرربه....|

ومــآعتقد ان احد راح يتوظف بكل سهوله

بهاذي الشهاده...

.................|

[نسيم الصمت]

المشاركة الأصلية كتبت بواسطة بلاك بيري2 الانتساب نفس لانتظام بالتمااام وكمان اقوووى من التعليم عن بعد....|

ومنووو الي قالك نفس الانتظااام لو نفس الانتظاام كان الكل منتسبين

بس شي اكييد الاولويه للانتظاام مو للانتساب

يعني وقت التوظيف واحد منتسب والثاني منتظم سييده بدون تفكير ياخذون الانتظاام

بس الي ابي اعرفه هل التعليم عن بعد نفس شهاده الانتظاام يعني التعليم عن بعد افضل من الانتساب او لا ؟.؟

[بلاك بيري2]

والله صـــآدقه

...

لانتساب كان معتمد زمان..

بس الان بعد التعليم عن بعد

صار الانتساب مايسوى شي{نظام قديم}

..........

بس بعد البحث عن التعليم عن بعد

انو موزاي للانتظام..

بس من السنه الجايه

لانهم راح يلغو االانتساب خلاص قرار مؤكد...

...........

والي دراسو التعليم عن بعد لان

..يكتبو في الشهاده:انتساب مطوور..

القرار مايشملهم.

مو تعليم عن بعد..

...........

ــآنشاء الله يكون الخبر ..غير صحيح

[shosho83]

انا كمان ابغى احول تعليم عن بعد...
بس انا عندي سؤال ....اللي عندها إعفاء من الرسوم هل تقدر تحول تعليم عن بعد بدون ما تخسر الاعفاء؟
وشكرا....

[مرام 888]

ماقصرتو بنات بس انا عندي كم سؤال
مش عارفه اجابتهم
بغيت اعرف اذا الحضور اجباري في التعليم عن بعد ولا على حسب المادة فقط
انا خلصت الثانوي وابغى تخصص علم نفس تعليم عن بعد
بغيت اعرف ايش النسبه المطلوبه لهذا القسم بعد السنه التحضيريه لآني سمعت انه نسبة القبول 3 واكثر فهل هذا الكلام صحيح
وكمان ايش المواد السنه التحضيريه لهذا القسم وانا دخلت موقعى جامعة الملك عبد العزيز
لقيتهم كاتبين الانتساب للطلاب فقط بالنسبة لعلم النفس
مع ان البنات الي اعرفهم يقولون ان في انتساب للبنات بس هذا النظام الي قرأتيه كان على عهد اول يعني من كم سنه بس الوضع الحين تغير

[الدُرهـ]

ماشاء الله ساحة نقاش رووعة وتحمس

بصراحه لما قرأت عن التعليم عن بعد لفتني وعجبني بس شكله مو هين كمان

بس قلت انتي انتساب دفعتي وانقبلتي ارضي بنصيبك والسنه الجايه وخير ان شاء الله

[الملاك الأبيض]

المشاركة الأصلية كتبت بواسطة مرام 888 ماقصرتو بنات بس انا عندي كم سؤال مش عارفه اجابتهم بغيت اعرف اذا الحضور اجباري في التعليم عن بعد ولا على حسب المادة فقط ايوة الحضور الزامي يعني لازم تثبتي حضورك وقت المحاضرات وفي كثير طلاب يسووا حركة . انو يتركوا احد زملاءهم او اقاربهم يسجل حضورهم وهو يكون في عمله . بس لازم نثبت حضورنا لانو الحضور عليه درجات . مثل الانتظام .بس في نفس الوقت الحلو في نظام ايميس انو تقدروا ترجعوا للمحاضرات وتسمعوها مرة ثانية مثل نظام السنترا وهذا شي ايجابي . انا خلصت الثانوي وابغى تخصص علم نفس تعليم عن بعد بغيت اعرف ايش النسبه المطلوبه لهذا القسم بعد السنه التحضيريه لآني سمعت انه نسبة القبول 3 واكثر فهل هذا الكلام صحيح وكمان ايش المواد السنه التحضيريه لهذا القسم وانا دخلت موقعى جامعة الملك عبد العزيز لقيتهم كاتبين الانتساب للطلاب فقط بالنسبة لعلم النفس مع ان البنات الي اعرفهم يقولون ان في انتساب للبنات بس هذا النظام الي قرأتيه كان على عهد اول يعني من كم سنه بس الوضع الحين تغير

والله بالنسبة لعلم النفس الافضل انو تسألي في قسم علم النفس حتى يعطوك الاجابة المضمونة او يفيدك احد الاعضاء لانو بصراحة مالي علم .بس السنة التحضيرية موادها وحدة لكل التخصصات يعني ناخد فيها المواد التالية :

مهارات اتصال. مهارات تفكير. احصاء.رياضيات. ثقافة اسلامية . عربي . انجليزي الكا 1 والكا 2

وماادري اذا اختلفوا مواد السنة التحضيرية او لا .

[الملاك الأبيض]

المشاركة الأصلية كتبت بواسطة الدُرهـ ماشاء الله ساحة نقاش رووعة وتحمس بصراحه لما قرأت عن التعليم عن بعد لفتني وعجبني بس شكله مو هين كمان بس قلت انتي انتساب دفعتي وانقبلتي ارضي بنصيبك والسنه الجايه وخير ان شاء الله

صحيح مادام انقبلتي انتساب ودفعتي خلاص توكلي على الله وكملي اول سنة انتساب وممكن تحولي على السنة الجاية باذن الله . بس اهم شرط لللتحويل على التعليم عن بعد انو ماتكوني كملتي اكثر من 60 ساعة لانو لو كملتي اكثر من هذا الحد فغير مسموح بالتحويل . موفقة يارب و باذن الله نشوفك وتشرفينا في قسم اللغات الاوروبية على السنة الجاية .

[الملاك الأبيض]

مرحبا للجميع , اليوم روحت الجامعة وسالت عن التعليم عن بعد وعن شهادته هل هي معترف فيها

وجاوبوني انو شهادته معترف فيها ولما نتخرج يكتبوا على الشهادة انو تعليم عن بعد . وفي نفس المنوال بالنسبة لشهادة الانتساب والانتظام كلهم يكتبوا عليهم نوع الدراسة . وسالت في مبنى عمادة خدمة المجتمع وقالت لي وحدة من الاستاذات انو شهادتها اقوى من الانتساب . لوما سالت في قسم عمادة القبول قالوا انو الشهادة معترف فيها وزي شهادة الانتظام والانتساب .

بالنسبة للمناهج فراح تكون نفس مناهج الانتساب بالنسبة للغة الانجليزية ولكن اول سنة تخصص فراح تكون مناهج انتراكشن مش كولليج .اما باقي السنوات فنفس المواد .


وبالنسبة للرسوم فاصبحت على هذا الترم 3000 ريال مثل الانتساب .


وبالنسبة للتحويل وهو اهم شي انو راح يكون على بداية السنة الجديدة باذن الله نروح الجامعة اول اسبوع دوام نروح على قسم المركز الشامل في عمادة القبول والتسجيل ومن هناك يعطونا ورقة ونعبي البيانات ومن هناك يتم التحويل

وهذا كان كل شيء . بالتوفيق للجميع .

[الطالبه شوشو]

مره تحمست اني احول بس الرسوم احنا يالله ندبر 3وكمان اربعه انا اليوم كنت في الجامعه
وقالولي الرسووووم؟؟؟






3000 حق التعليم عن بعد