Discussion

[Dr.Passed]

المشاركة الأصلية كتبت بواسطة hadeel kateb يب من جد انا في ايام الدرسة والله التعبير كانت الابلة تدينا هوا ونحفظو زي ما هوا مررررة ايش دا باللهي دا تعليم !!! حتى في الجامعة لما حبو يدرسو صح الوقت مايكفي ورجعو للطريقة التقليدية اشرح القاعدة ويلا اعملو التعبير في البيت وجيبو ايش استفدنا ؟؟؟ ولا جزء المحاورة اخدتلها بنتين وشكرن المشكلة كل القاعدات مشروحة ورا لو مدري مين قرا مجرد قراءة حيفهم الموضوع

وبعدين كل القرامر دا عدا عليهم وتقريبا الكل بس محتاج مراجعه مو شرح من اول وجديد...
وبعدين في السنين الجامعيه الجيه محد حيقلك...عبي الفراغ...ولا استعملي صيغه فعل معينه....حيقولو اكتبو موضوع ولا نقاش ولا رساله ولا نتائج بحث..

[Hadeel kateb]

المشاركة الأصلية كتبت بواسطة dr.passed وبعدين كل القرامر دا عدا عليهم وتقريبا الكل بس محتاج مراجعه مو شرح من اول وجديد... وبعدين في السنين الجامعيه الجيه محد حيقلك...عبي الفراغ...ولا استعملي صيغه فعل معينه....حيقولو اكتبو موضوع ولا نقاش ولا رساله ولا نتائج بحث..

ههههه من جد شوفي انا مو زعلانة على نفسي لانو الحمد لله اهلي كانو مفتحين واهم شي عندهم اللغة وكل ما سافرنا مكان بابا كان يسيبنا احنا الي نتعامل ونتكلم عشان ما يبا يخلي احد فينا يستحي بس الي من جد يحزنو وحدة عمرها مدري كم ولساتها ما تعرف تركب جملة مفيدة يعني طول سنوات دراستها في المدرسة وبعد كدا الجامعة ما استفادت منها ولا حاجة واللهي حرام ومرة احراج ليها دحين مافي مكان ما يتعاملو بالانقلش في المطار وفي النادي وفي المستشفيات حتى الفلبينيات الي في النادي ماخدين فكرة سيئة عن السعوديين كل ما وحدة كلمتني تكلمني عربي مكسر !!! يعني ايه احنا ماحنعرف نتعلم لغتكم وانتو اتعلمتو لغتنا ؟؟؟

[mo3tz_bam]

المشاركة الأصلية كتبت بواسطة hadeel kateb اساسن اي دورة في السعودية ما حتفيدك شي يمكن حتطورك مرة شي بسيط لانو نفس عدد الساعات ماهي كافيه انو تتعلمي فيها لغة وتسيري متقنتها ايش ساعتين في اليوم واربعة ايام في الاسبوع ونصها تروح في حكاوي البنات مو زي في كندا او امريكا دراسة صح 6 ساعات في اليوم يرجعولي بيتك مو شايفة الطريق وفي الكلاس يحطوكي مع جنسيات مختلفة عشان مافي عربي مرة ماقدامك الا انقلش ويعتمدو على الطالب بشكل رئيسي هوا يتكلم ويحكي عن نفسو وبلدو شي مرة حلو من جد يخلوكي تحبي اللغة

من جد لأنو حتتعلمي بس محا تقدري تطبقي
يعني اذا مراا مراا كثرت حتتكلمي انجليزي بس مع اللي تدرسك
اما في وسط الكلاس مع صحباتك حتتكلمي عربي و لما تخلصي كلاس طبيعي حتتكلمي عربي
بس طول ما احنا ما بنمارس اللغة حيصعب علينا نكون مراا بيرفيكت فيها

[Hadeel kateb]

المشاركة الأصلية كتبت بواسطة mo3tz_bam من جد لأنو حتتعلمي بس محا تقدري تطبقي يعني اذا مراا مراا كثرت حتتكلمي انجليزي بس مع اللي تدرسك اما في وسط الكلاس مع صحباتك حتتكلمي عربي و لما تخلصي كلاس طبيعي حتتكلمي عربي بس طول ما احنا ما بنمارس اللغة حيصعب علينا نكون مراا بيرفيكت فيها

يب هوا دا اصلن انا فقدت الامل في كلاسات الانقلش من زمان خليهم كدا مع نفسهم الحمد لله انو ما حناخد انقلش تاني لانو من جد تعليم جدن سيئ من جد اسوء وقت كان وقت محاضرة الانقلش 3 ساعات تضيع في الهواااااا ولا اي معلومة جديدة نطلع بيها حتى القطع الي المفروض نقراها كونا نعديها لانو الاختبار مو من قطع الكتاب

[mo3tz_bam]

المشاركة الأصلية كتبت بواسطة hadeel kateb يب هوا دا اصلن انا فقدت الامل في كلاسات الانقلش من زمان خليهم كدا مع نفسهم الحمد لله انو ما حناخد انقلش تاني لانو من جد تعليم جدن سيئ من جد اسوء وقت كان وقت محاضرة الانقلش 3 ساعات تضيع في الهواااااا ولا اي معلومة جديدة نطلع بيها حتى القطع الي المفروض نقراها كونا نعديها لانو الاختبار مو من قطع الكتاب

اصلا لو تلاحظي
انا درست ليفل 3 و ليفل 4
و مرااااااااااااااا مو شايف داك الفرق في القرامر بين الاتنين
مافي الا حاجات بسيطة زايدة في ليفل 4
لو انهم ضافو دي الحاجات البسيطة لـ ليفل 3
و خلو ليفل 4 بس للرايتينج و السبيكينج اتوقع كنا حنستفيد اكثر

[Hadeel kateb]

المشاركة الأصلية كتبت بواسطة mo3tz_bam اصلا لو تلاحظي انا درست ليفل 3 و ليفل 4 و مرااااااااااااااا مو شايف داك الفرق في القرامر بين الاتنين مافي الا حاجات بسيطة زايدة في ليفل 4 لو انهم ضافو دي الحاجات البسيطة لـ ليفل 3 و خلو ليفل 4 بس للرايتينج و السبيكينج اتوقع كنا حنستفيد اكثر

يب يب من جد كان اقلها ماحسينا بالوقت انو طويل وانبسطنا واستفدنا بس ايش نقول يلا ان شاء الله احنا نصلح المجتمع :d

[Wa9aif B]

انا اخدت مستوى انجلش واحد في الجامعه وبصراحه ماشفت اللي تقولو عليه انو كل البنات يكتبو موضوع واحد ويحفظو لا بالعكس كنا نكتب في الكلاس وازا ماكفى الوقت تكملي في البيت وتاخدو التيتشر وتصححو وتنبهك على الاخطاء وكتبنا تقريبا 7 مواضيع من المقرر وكان مره حلو لانو انا احب اكتب في الانجلش اكتر من العربي

[Dr.Passed]

المشاركة الأصلية كتبت بواسطة wa9aif b انا اخدت مستوى انجلش واحد في الجامعه وبصراحه ماشفت اللي تقولو عليه انو كل البنات يكتبو موضوع واحد ويحفظو لا بالعكس كنا نكتب في الكلاس وازا ماكفى الوقت تكملي في البيت وتاخدو التيتشر وتصححو وتنبهك على الاخطاء وكتبنا تقريبا 7 مواضيع من المقرر وكان مره حلو لانو انا احب اكتب في الانجلش اكتر من العربي

هو دا الي المفروض يسير..المشكله الأغلبيه ما كان زيكم

[عزتي مالها حـد]

المشاركة الأصلية كتبت بواسطة Wa9aif B انا اخدت مستوى انجلش واحد في الجامعه وبصراحه ماشفت اللي تقولو عليه انو كل البنات يكتبو موضوع واحد ويحفظو لا بالعكس كنا نكتب في الكلاس وازا ماكفى الوقت تكملي في البيت وتاخدو التيتشر وتصححو وتنبهك على الاخطاء وكتبنا تقريبا 7 مواضيع من المقرر وكان مره حلو لانو انا احب اكتب في الانجلش اكتر من العربي

I,m withe U

[faris.k]

واللهـ كلامكـ جدا صحيحـــ !!!

الانجليزي ترى مهمــ وهذا يلي مسوينو جدا قرار سليمـ , بسـ لازم كمان يهتم في كل المواضيعـ ياجماعة والله كنت مثلن في ليفل 4 وكلمات بسيطة مايعرفها او القراءة جدا سيء ؟ ليش كل الاستهتار لازم يهتمـو بالدكاترة يلي يجيبوهمـ وايضا تنمية السبيكينجـ والرايتينجـ ... السبيكينج جدا مهمـ سواء في الحياة او العلمـ لكن الرايتنيج مو مهمـ لكن يطور من اللغة وصراحة كنا نذاكر شيء اسم الرايتينجـ عشان بس نجيب درجة كويس وياريت نقدر نجيبها لان بعض اوراق الشعب تروح عند دكتور يساعد ويعطي درجات كويسة والبعض تقول كان الدرجات من جيبو (جدا معقد) .. انا كمان معـ انه يجيبو دكاترة من جنسة (جزائري,تونسي,مغربي,اردني) دولا الجنسيات الاغلب يكون جدا جدا شديدين يوعطو حق المادة وكمان من اوروبا لكن (هندي,باكستاني) دولا اعتقد مايستحقو صراحة

(دا من رأي)