Discussion

[Dr.Passed]

السلام عليكم ورحمه الله وبركاته

( موضوعي امكن مو وقتو بس نفسي اطلع هادا الشي واقولو بكل صراحه)

يعني عندي اقتراح..

ما يخص الإنجليزي ..

ليش تلاته ارباع التحضيري بيصمو الرايتنغ؟؟؟ بيروحو وهما حافظين وا زا ما حفظو قبل مايروحو يرجعو مخبصين..؟ أنا لاحظت انو حتى في الكلاس ما بيعودوهم يكتبو...المفروض يعني هيا 6 اسابيع كلي اسبوع على الأقل موضوع واحد الطالب/ه تكتبو عشان يتصحح وتشوفو اغلاطكم..يعني كل حياتنا درسنا انجليزي ودحين في الجامعه نجي محنا عارفين نركب جملتين؟؟

وتشوفو نص الكلاس كاتب نفس الموضوع وتعدي ..يعني انا اشوف نظام الإنجليزي لازم يشوف حل للمشكله هادي...للأسف حتى في ثانويتي...الأبله كانت تدي الكلاس موضوعين وتقول واحد بس حيجي منهم...وقبل الإمتحان تقلهم الموضوع الي حيجي...يعني ليش يعني..؟ ايش التجربه الي لازم تمر ايش المرحله الي لازم يعدوها عشان يسير كلي واحد يكتب لحالو...انا مني شايفه الصعوبه في الموضوع...احس انو محد لأغلبيه بس مايبغو يتعبو نفسهم...ترى يوم من الأيام حتنصدمو انو لازم تكتبو ومن جد من جد محتقدرو ولا حيلاقو مين يكتبلهم..


فأنا اقترح انو تسير كورسات بس للرايتنغ والسبيكنغ...عشان تسير الحكايه اراده..مو غصبا عن الناس وشغل درجات وخوف من المعدل...يعني تقويه عشان الي يبغا يطور من نفسو يمدي من غير قلق وتفكير في الدرجات...لأنو من جد موضوع الرايتنغ دا مرة يحزن

يعني ايش الحل في نظركم؟؟



Discuss

[RAKAN kalaf]

والله انا اشوف الانجليزي ممارسه ومحد حيفهم انجليزي الا لو يبغى بارادتها خلينا نخلص التسكين وبعدين نتفاهم

[mo3tz_bam]

كلامك مرااا صح
و تقريبا اغلب الطلاب بيصمو الرايتينج
بس السبب مو انو مايعرفو يكتبو
السبب انو في الرايتينج بنتحاسب على اقللللل حاجا
عالحروف كابيتال ولا سمول
عالنقط عالفواصل و من فين نبدا السطر و دا كلو
دي كلها سهلة لو اتعلمنا عليها
لو درسونا الاساسيات و خلونا نطبق عليها محا ناخد وقت لين نصير مرا نكتب كويس
انا برضو كنت من النوع اللي يحفظ القطعة اللي حكتبها
لأنو لما كنت اكتب كان كلوو عندي تمام
بس انقص درجة ولا درجتين في الفواصل و النقط
و طبعا احنا سنة تحضيرية و كلنا نبغى نجيب معدل عالي مهما كانت الطريقة
و غير كدا احنا اوول مرة بنكتب اصلا
مافتكر انا في الثنوي او في المتوسط كنا نكتب
الا تلاتة اربعة سطور بس و كنا نحط نقطة الا نهاية الرسالة و الباقي كلو فواصل ههههههه
و ماكانو يحاسبونا على كدا
ولا كانو يعلمونا عليها اصلا
ف احنا مشكلتنا في التأسيس ما اتأسسنا صح


و انا معاكي في حكاية الدورات
بس لو ماكانت بدرجات و داخلة في المعدل صدقيني مرااا قلييييييييل اللي حيسجلو
كلهم حيقولو نركز احسن في المواد الثانيا عشان المعدل

[Dr.Passed]

المشاركة الأصلية كتبت بواسطة mo3tz_bam كلامك مرااا صح و تقريبا اغلب الطلاب بيصمو الرايتينج بس السبب مو انو مايعرفو يكتبو السبب انو في الرايتينج بنتحاسب على اقللللل حاجا عالحروف كابيتال ولا سمول عالنقط عالفواصل و من فين نبدا السطر و دا كلو دي كلها سهلة لو اتعلمنا عليها لو درسونا الاساسيات و خلونا نطبق عليها محا ناخد وقت لين نصير مرا نكتب كويس انا برضو كنت من النوع اللي يحفظ القطعة اللي حكتبها لأنو لما كنت اكتب كان كلوو عندي تمام بس انقص درجة ولا درجتين في الفواصل و النقط و طبعا احنا سنة تحضيرية و كلنا نبغى نجيب معدل عالي مهما كانت الطريقة و غير كدا احنا اوول مرة بنكتب اصلا مافتكر انا في الثنوي او في المتوسط كنا نكتب الا تلاتة اربعة سطور بس و كنا نحط نقطة الا نهاية الرسالة و الباقي كلو فواصل ههههههه و ماكانو يحاسبونا على كدا ولا كانو يعلمونا عليها اصلا ف احنا مشكلتنا في التأسيس ما اتأسسنا صح و انا معاكي في حكاية الدورات بس لو ماكانت بدرجات و داخلة في المعدل صدقيني مرااا قلييييييييل اللي حيسجلو كلهم حيقولو نركز احسن في المواد الثانيا عشان المعدل

صحيح التأسيس كمان سبب...

انا الحمد لله الإنجليزي اتعلمتو من وعمري سنتين فبالنسبالي مره مويه بس..كنت في الثنوي والمتوسط احب اكتب واعبر وكده كنت كل ما اروح ادي ابلتي تضيع كتاباتي وما تديها اي مبالاه...طيب على الأقل علقي...يعني اصلا للأسف ماينمو الشي ...والدورات هادي ممكن يخلوها صيفي...

[mo3tz_bam]

المشاركة الأصلية كتبت بواسطة Dr.Passed صحيح التأسيس كمان سبب... انا الحمد لله الإنجليزي اتعلمتو من وعمري سنتين فبالنسبالي مره مويه بس..كنت في الثنوي والمتوسط احب اكتب واعبر وكده كنت كل ما اروح ادي ابلتي تضيع كتاباتي وما تديها اي مبالاه...طيب على الأقل علقي...يعني اصلا للأسف ماينمو الشي ...والدورات هادي ممكن يخلوها صيفي...

ماشالله
لا انا تقريبا في اجازة الصيف اللي قبل اولى متوسط
دخلت المعهد السعودي البريطاني و مراا استفدت منو
و بعدها من الاغاني لووول كنت لما اسمع اغنية لازم اقرا lyrics حقتها
منها اتعلم على نقط الكلمات و منها اي كلمة جديدة عليا اروح ادور على معناها
و شوية شوية لين مستوايا صار كويس الحمدلله في الانجليزي

-----------------
من ناحية ما ينمو هما من جد مرااا مراا ما ينمو الا رحم ربي
في المتوسط ما كان في مدرس كدا الا واحد !!
اما في الثنوي ماشالله كلهم

[Dr.Passed]

المشاركة الأصلية كتبت بواسطة mo3tz_bam ماشالله لا انا تقريبا في اجازة الصيف اللي قبل اولى متوسط دخلت المعهد السعودي البريطاني و مراا استفدت منو و بعدها من الاغاني لووول كنت لما اسمع اغنية لازم اقرا lyrics حقتها منها اتعلم على نقط الكلمات و منها اي كلمة جديدة عليا اروح ادور على معناها و شوية شوية لين مستوايا صار كويس الحمدلله في الانجليزي ----------------- من ناحية ما ينمو هما من جد مرااا مراا ما ينمو الا رحم ربي في المتوسط ما كان في مدرس كدا الا واحد !! اما في الثنوي ماشالله كلهم

وغير الي يجو يقولو احنا متأخرين في المنهج وياخدو كلاس الإنجليزي...معتبرينو فنيه

[Hadeel kateb]

اساسن اي دورة في السعودية ما حتفيدك شي يمكن حتطورك مرة شي بسيط لانو نفس عدد الساعات ماهي كافيه انو تتعلمي فيها لغة وتسيري متقنتها ايش ساعتين في اليوم واربعة ايام في الاسبوع ونصها تروح في حكاوي البنات مو زي في كندا او امريكا دراسة صح 6 ساعات في اليوم يرجعولي بيتك مو شايفة الطريق وفي الكلاس يحطوكي مع جنسيات مختلفة عشان مافي عربي مرة ماقدامك الا انقلش ويعتمدو على الطالب بشكل رئيسي هوا يتكلم ويحكي عن نفسو وبلدو شي مرة حلو من جد يخلوكي تحبي اللغة

[mo3tz_bam]

المشاركة الأصلية كتبت بواسطة dr.passed وغير الي يجو يقولو احنا متأخرين في المنهج وياخدو كلاس الإنجليزي...معتبرينو فنيه

هههههههههههههه من جد
و عشان اوريكي كيف التعليم عندنا ماشالله تبارك الله
في المتوسط مدرس الانجليزي نقل
و يمكن قعدنا اسبوع من غير مدرس
اخرتها جا الوكيل درسنا انجليزي !! هههههههه
هوا صح الانجليزي عندو كويس حتى الاكسينت حقتو تمام
بس دا مو تخصصو !! هوا تخصصو تاريخ

[Dr.Passed]

المشاركة الأصلية كتبت بواسطة hadeel kateb اساسن اي دورة في السعودية ما حتفيدك شي يمكن حتطورك مرة شي بسيط لانو نفس عدد الساعات ماهي كافيه انو تتعلمي فيها لغة وتسيري متقنتها ايش ساعتين في اليوم واربعة ايام في الاسبوع ونصها تروح في حكاوي البنات مو زي في كندا او امريكا دراسة صح 6 ساعات في اليوم يرجعولي بيتك مو شايفة الطريق وفي الكلاس يحطوكي مع جنسيات مختلفة عشان مافي عربي مرة ماقدامك الا انقلش ويعتمدو على الطالب بشكل رئيسي هوا يتكلم ويحكي عن نفسو وبلدو شي مرة حلو من جد يخلوكي تحبي اللغة

صحيح اصلا الي يدرس كدا...الي يتعلم كده كل الجو حولينو ما ينطق عربي يسير مره شاطر
ايش الي كتاب ودفتر واكتبو الي على السبورة...يعني كمان مو كلي شي كده " كتب" لازم بسير براكتس وحوار...ممارسه ...

[mo3tz_bam]

المشاركة الأصلية كتبت بواسطة hadeel kateb اساسن اي دورة في السعودية ما حتفيدك شي يمكن حتطورك مرة شي بسيط لانو نفس عدد الساعات ماهي كافيه انو تتعلمي فيها لغة وتسيري متقنتها ايش ساعتين في اليوم واربعة ايام في الاسبوع ونصها تروح في حكاوي البنات مو زي في كندا او امريكا دراسة صح 6 ساعات في اليوم يرجعولي بيتك مو شايفة الطريق وفي الكلاس يحطوكي مع جنسيات مختلفة عشان مافي عربي مرة ماقدامك الا انقلش ويعتمدو على الطالب بشكل رئيسي هوا يتكلم ويحكي عن نفسو وبلدو شي مرة حلو من جد يخلوكي تحبي اللغة

من جد لأنو حتتعلمي بس محا تقدري تطبقي
يعني اذا مراا مراا كثرت حتتكلمي انجليزي بس مع اللي تدرسك
اما في وسط الكلاس مع صحباتك حتتكلمي عربي و لما تخلصي كلاس طبيعي حتتكلمي عربي
بس طول ما احنا ما بنمارس اللغة حيصعب علينا نكون مراا بيرفيكت فيها