بخصوص البنات واختبار الكيمياء أتمنى التركيز على ملخص م/حسن وحيد ((نصيحة مجرب))

[مهموم والله]

المشاركة الأصلية كتبت بواسطة m!ss cocolate اهاااااااا لا فهمت دحين أنا استغربت بس من حكاية القسمه ليش قسم انا قولت في البدايه لمن قسم يمكن لأنو كبير لانو في الخيار الأاول كان على ميليميتر فقسم قولت لأنه صغير ومن صغير لكبير نقسم لكن جا الخيار الثاني وكان كبير وبرضو قسم فاستغربت ... يعني الموضوع في النهايه قسمه وبس مافي شيء اسمه كبير أو صغير زي ماكنت أحسب ... مرررررررررررررررررره شكرا يعطيك ألف مليون عافيه للأسف الشيء هذا مو مشروح في الكتاب عشان كدا المخلص مرره تمام ..

العفو ماسوينا الا الواجب وللاسف الكلام هذا مو مشروح حتى الدكاترة ماذكروه ابدا وفيه امور غيرها كثير ماجابوا لها اي سيرة

اتمنى تستفيدو من الشرح لانه انا متاكد مية بالمية والله اعلم انه راح يجي سؤال على هالشكل وترى المسالة مرة بسيطة مايحتاج لها اي شيء فاتمنى الكل يحاول يفهمها والدرجة في مثل هالاختبارات لها قيمتها يعني لاتستهوني فيها وتقولي والله سؤال واحد ماراح يسوي شيء

انا شرحت المسالة حتى تعم الفائدة للجميع ونحاول قد مانقدر نسوي يلي علينا وهذا شيء بسيط في حق المنتدى واعضاءه يلي صراحة استفدت منه الشيء الكثيرررر

دمتم بخير

[ang3l]

مرحبا شباب وصبايا...
حبيت اعرف كيف اذاكر الكيمياء لاني مررررررررررره خايفه
والين دحين ماذاكرت

يعني ابغى اعرف كم شابتر معانا وكم حياخد مني وقت لو ذاكرت دحين؟وايش اذاكر بالضبط؟
وهل فيه تيست بانك للكيمياء؟

بليييييييييييييز ردو

[Dr-Remsh]

الملخص حلو بس لو يترتب بيصير احلى << بعدين صارت قديمه ماينضحك على اللي حاطين الاسئله لانهم عارفين ان الملخصات في ايدينا

[زهرة القمر]

انا ماقدر أروح المكتبه هاليومين
بس حابه أسألكم
مافيه طريقه سهله لحلّ مسائل الـ limiting reagent والـ reaction yield ؟
لأنّي أحسّ طريقة الكتاب تطوّل وموفاهمتها مرّه !
والأستاذه مرّه سريعه ومالحّق أفهم معها ،


على فكره بالنسبه لاختبار الأحياء مررررررررره سهل ويجنّن وكلّه من التست بانك :)

[Dr.moody]

المشاركة الأصلية كتبت بواسطة زهرة القمر انا ماقدر أروح المكتبه هاليومين بس حابه أسألكم مافيه طريقه سهله لحلّ مسائل الـ limiting reagent والـ reaction yield ؟ لأنّي أحسّ طريقة الكتاب تطوّل وموفاهمتها مرّه ! والأستاذه مرّه سريعه ومالحّق أفهم معها ، على فكره بالنسبه لاختبار الأحياء مررررررررره سهل ويجنّن وكلّه من التست بانك :)

في طرييقه سهله اكتشفتها اليوم في الاختبار عشان كنت ناسي القانون >>> خخخ انا عالم

شوفي سوال 3.89 صفحة 114 جاني في الاختبار الحل
ضربي 2.86 في عدد المولات وتقسميها على 6 ضرب 100 بس يطلع الحل 95.3

[زهرة القمر]

المشاركة الأصلية كتبت بواسطة dr.moody في طرييقه سهله اكتشفتها اليوم في الاختبار عشان كنت ناسي القانون >>> خخخ انا عالم شوفي سوال 3.89 صفحة 114 جاني في الاختبار الحل ضربي 2.86 في عدد المولات وتقسميها على 6 ضرب 100 بس يطلع الحل 95.3

مرّه شكرًا
أبجرّب الطريقه ذحين وأرد لك خبر

[د. أسامة]

المشاركة الأصلية كتبت بواسطة dr.moody في طرييقه سهله اكتشفتها اليوم في الاختبار عشان كنت ناسي القانون >>> خخخ انا عالم شوفي سوال 3.89 صفحة 114 جاني في الاختبار الحل ضربي 2.86 في عدد المولات وتقسميها على 6 ضرب 100 بس يطلع الحل 95.3

ههههههههههههههـآي ، ما تبطـل من عوايدك يا محمد ،

حاط صورة خوفتني صراحـة فما بالك بالبنـآت ،

< محمـد هذا صديقي في الجامعـة >

و أنا وراك وراك يآ دكتــور مودي مدري محـمد إلين ما تحلـق الكديش ههههههـآي .

[M!sS chocolate]

ياربي يامهموم طب اش أسوي أنا دحين
في حاجات حذفتها لنا الدكتوره أو بالأصح
اختصرتها
زي مثلا تجربة رذرفورد قالت بس احفظوا
اسم التجربه واش اكتشوفوا
والحجوم قالت بس أحفظوا الوحده حقها
dm أس 3
ماجابت سيرة المسائل ولاحظت من أسألتكم انوا
جا منها وأساسا الدكتوره ماشرحتها لنا
ولمن سألناها يوم الإثنين هذا قالت بس الوحده

بس مو معقوله تجيب شيء من برا أنا لمن
سألتها مين اللي بيكتب الأسأله قالت مشتركه
يعني معقوله مارح تطالع عالاساله في النهايه
ياربي اذا جا من الحجم شكلي مابسمع كلام
الدكتوره وبمشي اذاكر كل شيء ..

الله يعين ..

[مهموم والله]

المشاركة الأصلية كتبت بواسطة m!ss cocolate ياربي يامهموم طب اش أسوي أنا دحين في حاجات حذفتها لنا الدكتوره أو بالأصح اختصرتها زي مثلا تجربة رذرفورد قالت بس احفظوا اسم التجربه واش اكتشوفوا والحجوم قالت بس أحفظوا الوحده حقها dm أس 3 ماجابت سيرة المسائل ولاحظت من أسألتكم انوا جا منها وأساسا الدكتوره ماشرحتها لنا ولمن سألناها يوم الإثنين هذا قالت بس الوحده بس مو معقوله تجيب شيء من برا أنا لمن سألتها مين اللي بيكتب الأسأله قالت مشتركه يعني معقوله مارح تطالع عالاساله في النهايه ياربي اذا جا من الحجم شكلي مابسمع كلام الدكتوره وبمشي اذاكر كل شيء .. الله يعين ..

شوفي بخصوص المسائل ركزي على ملخص وحيد وحاولي تحلي كل المسائل عندك يومين وترى والله الملخص مرة روعة الاسئلة كثيرة بس اغلبها متكررة يعني راح ترسخ في راسك باذن الله

وعلى فكرة ترى الاختبار فيه مسائل كثيرة واغلبها موجودة في ملخص وحيد

دمتي بخير

[M!sS chocolate]

على فكره اش حكاية الأسأله حق ملخص الدكتور امم نسيت اسمه
دقيقه بشوف .. ايوه اسمه أســلآم مصطفى ،
يقولوا جات منها كثيييير ...
أنا فتحت الموقع حقه
لقيت من تحت مكتوب الأسأله
وأسألة كل شابتر ..
هل هادي هيا الأسأله اللي تقصدونها ..
وسوري عالإزعاااج ..