بخصوص البنات واختبار الكيمياء أتمنى التركيز على ملخص م/حسن وحيد ((نصيحة مجرب))

[مهموم والله]

السلام عليكم ورحمة الله وبركاته

هلا فيكم حبايبي

في البداية الحمدلله على كل حال وتجاوزنا اول اختبار بخيره وشره صحيح كان فيه بعض الصعوبات لكن بشكل عام يعتبر الاختبار متوسط المستوى وعكس ماتوقعنا انه راح يكون صعب جدا جدا وانا هذه وجهة نظري

انا راح اتكلم بكل امانه وهذا الكلام موجه للبنات لانه اختبارهم الكيمياء يوم السبت راح اقولكم نصيحة مجرب والله على مااقول شهيد ركزوا ثم ركزوا ثم ركزوا على ملخص م/حسن وحيد وهو متوفر في مكتبة الشقري وعدة مكتبات وسعره في حدود 25 ريال سعودي طبعا الملخص لمنهج الكيمياء كله وعدد صفحات الـ 4 شباتر يلي معنا في الاختبار حوالي 65 صفحة طبعا راح تقولو كثير لكن اغلب الصفحات هي لاختبارات سابقة ومحلولة ومشروحة وصراحة اسئلة ممتازة جدا خصوصا المسائل يعني تتكرر معك اكثر من مرة حتى ترسخ في مخك وكل مسالة نفس القانون بس المعطيات واشياء بسيطة تختلف يعني باذن الله لو حليتها وتدربت عليها راح تكون متمكن حتى لو جاء السؤال وكان فيه لف ودوران

اختبار الكيمياء اليوم بدون مبالغة يااخوان اغلب الاسئلة موجودة في ملخص م/ حسن وحيد وعلى فكرة انا هذا الشيء لاحظته وكنت اعرف شخص ماشاء الله عليه حلل الملخص تحليل وذاكره صح يقول لي والله الاختبار سهل ولولا توفيق الله ثم الملخص كنت جبت العيد

هذا الكلام كتبته ويعلم الله انه نيتي افيدكم قدر المستطاع وعلى فكرة انا والله ذاكرت الملخص اي كلام يعني بدون تركيز وتقريبا 11 سؤال حليته في الاختبار بسبب مذاكرتي الملخص والله يااخوان ذاكرته بدون كلام وحوالي 15 صفحة ماذاكرتها في الملخص جاءت منها حوالي اكثر من 5 اسئلة وانقهرت والله وتمنيت اني ذاكرت بس الملخص وركزت عليه ولا قعدت اشتت نفسي بين يلي كتبته مع الدكتور وملخص د/ روميو

عندكم الان يومين فرصة استغلوها وانا اضمن لكم لو ذاكرتوا الملخص بشكل ممتاز راح تجيبوا درجة عالية باذن الله وطبعا حاولو قد ماتقدرو اذا غلقتوا الملخص بدري تقعدوا تراجعوا الكلام يلي كتبتوه مع الدكاترة حقكم وتشوفوا اذا حسيتوا نفسكم فاهمين الكلام يعني اعرفوا انكم باذن الله مذاكرين بشكل مممتاز

في الختام اشكر كل من حاول مساعدة الاعضاء ولو بشيء بسيط واقول لهم الله يعطيكم الف عافية وربي مايحرمكم الاجر

أخوكم / مهموم والله

[didi123]

مشكور اخوي

بس فين ممكن الاقي الملخص غير الشقري

عشان اليوم خميس و ما راح يفتح الا يوم السبت

[مهموم والله]

المشاركة الأصلية كتبت بواسطة didi123 مشكور اخوي بس فين ممكن الاقي الملخص غير الشقري عشان اليوم خميس و ما راح يفتح الا يوم السبت

ممكن في المكاتب يلي قدام كلية الهندسة دار حافظ وخوارزم وغيرها من المكاتب وبالتوفيق ان شاء الله يارب

[miss.NeNo]

المشاركة الأصلية كتبت بواسطة مهموم والله ممكن في المكاتب يلي قدام كلية الهندسة دار حافظ وخوارزم وغيرها من المكاتب وبالتوفيق ان شاء الله يارب

طيب انا بيتي في الشمال والمكتبة في الجنوب وقبل شويا رحت المكتبة كنت ابغى ملخص بس مالقيتوو وماحاقدر اروح مرا تانيه اي مكتبة من الي عند الجامعة ... سو ممكن الاقيه في اي مكان تاني .. في جرير متلا او اي شي اقرب ؟؟؟ وانا مرا احتاجو من كلامك عنو انو مرا جيد وانا ماعندي غير السلايدات وملخص د/ روميو .. اتمنى انك تفيدني

[رزان22]

بالجامعه مافي شي محدد
احس
كل يذاكر على هواه

[M!sS chocolate]

أوكي أبغى أسألك سؤال في ملخص حسن وحيد ...

وأنا فعلا جالسه أذاكر منه مررره حلو وفيه حاجات موضحها بأسأله مهي موجوده
زي دي الأسأله في الكتاب زي التحويلات من تيرا ل مينو ميتر .... مو موجود عليه
تمارين في الكتاب ...

المهم .. أبغى أسألك يامهموم << لو انك تغير اسمك يكون احسن تفائلوا بالخير تجدوه

في ملخص حسن وحيد صفحه 11في سؤال اللي هو
6 ميكوميتر تساوي
فقره بي لمن جا حلها قسم طيب على أي أساس نقسم أو نضرب
ممكن توضحلي الشيء هذا ..
وفي حاجات في البدايه زايده مهي معانا في السيلابوز هل نذاكرها؟؟

[banOta ch!c]

جزاك الله خير

[مهموم والله]

المشاركة الأصلية كتبت بواسطة M!sS cocolate أوكي أبغى أسألك سؤال في ملخص حسن وحيد ... وأنا فعلا جالسه أذاكر منه مررره حلو وفيه حاجات موضحها بأسأله مهي موجوده زي دي الأسأله في الكتاب زي التحويلات من تيرا ل مينو ميتر .... مو موجود عليه تمارين في الكتاب ... المهم .. أبغى أسألك يامهموم << لو انك تغير اسمك يكون احسن تفائلوا بالخير تجدوه في ملخص حسن وحيد صفحه 11في سؤال اللي هو 6 ميكوميتر تساوي فقره بي لمن جا حلها قسم طيب على أي أساس نقسم أو نضرب ممكن توضحلي الشيء هذا .. وفي حاجات في البدايه زايده مهي معانا في السيلابوز هل نذاكرها؟؟

هلا ميس والله للاسف الملخص ماهو عندي الان لكن بخصوص السؤال راح اوضح لكي المسألة بشكل عام حتى اي مسالة تجيك على هالنجو تفهميها وعلى فكرة فيه سؤال من هالنمط في الاختبار

بخصوص سؤالك هذه تسمى الأجزاء وراح اوضحها اول بعدين بعطيك مثال ومن خلاله راح تفهمي كيف تطلعي الجواب

centi meters ورمزها ( cm ) وقيمتها 10 أس -2
milli meters ورمزها ( mm ) وقيمتها 10 أس -3
micro meters ورمزها ( um ) وقيمتها 10 أس -6
nano meters ورمزها ( nm ) وقيمتها 10 أس -9
Pico meters ورمزها ( Pm ) وقيمتها 10 أس -12
وفيه غيرها وطبعا هذه لازم تحفظيها رموزها وقيمها حتى لو جاء لكي السؤال تكون عارفة ايش بتسوي

طيب دحين راح اعطيك مثال لسؤال ومن خلاله راح تحلي السؤال يلي في ملخص وحيد باذن الله

مثلا يقول لك 5 نانو متر كم تساوي ؟

اول شيء تاخذي رقم 5 يلي اعطاكي اياه بالسؤال وتضربيه في قيمة النانو متر وهي 10 اس -9 وبعدين تقعدي تجربي على كل الاختيارات يلي اعطاكي اياها مثلا اعطاكي خيار 5000 بيكو متر ايش راح تسوي طبعا بالالة الحاسبة راح تعملي زي ماقلت بالبداية تضربي 5 في قيمة النانو متر وهي 10 اس -9 تقسيم قيمة البيكو متر وهي 10 أس -12 وتشوفي لو طلع الجواب زي ماهو موجود 5000 يعني هو الاختيار اذا غلط تروح للاختيار يلي بعده وتقسيم على معامل الجواب واذا ماطلع صح تروحي للي بعده حتى توصلي للجواب الصحيح باذن الله


اتمنى تكون وضحت المسالة كان ودي اكتب لكي نفس المسالة بملخص وحيد بس للاسف ماهو عندي الان الملخص

واذا مافهمتي قولي ماعندك مشكلة راح اشرحها لكي على ورقة خارجية وارفعها سكنر

دمتي بخير ..

[M!sS chocolate]

اهاااااااا لا فهمت دحين أنا استغربت بس من حكاية القسمه ليش قسم
انا قولت في البدايه لمن قسم يمكن لأنو كبير لانو في الخيار الأاول
كان على ميليميتر فقسم قولت لأنه صغير ومن صغير لكبير نقسم
لكن جا الخيار الثاني وكان كبير وبرضو قسم فاستغربت ...

يعني الموضوع في النهايه قسمه وبس مافي شيء اسمه كبير أو صغير زي ماكنت
أحسب ...

مرررررررررررررررررره شكرا يعطيك ألف مليون عافيه للأسف الشيء
هذا مو مشروح في الكتاب عشان كدا المخلص مرره تمام ..

[مهموم والله]

المشاركة الأصلية كتبت بواسطة m!ss cocolate اهاااااااا لا فهمت دحين أنا استغربت بس من حكاية القسمه ليش قسم انا قولت في البدايه لمن قسم يمكن لأنو كبير لانو في الخيار الأاول كان على ميليميتر فقسم قولت لأنه صغير ومن صغير لكبير نقسم لكن جا الخيار الثاني وكان كبير وبرضو قسم فاستغربت ... يعني الموضوع في النهايه قسمه وبس مافي شيء اسمه كبير أو صغير زي ماكنت أحسب ... مرررررررررررررررررره شكرا يعطيك ألف مليون عافيه للأسف الشيء هذا مو مشروح في الكتاب عشان كدا المخلص مرره تمام ..

العفو ماسوينا الا الواجب وللاسف الكلام هذا مو مشروح حتى الدكاترة ماذكروه ابدا وفيه امور غيرها كثير ماجابوا لها اي سيرة

اتمنى تستفيدو من الشرح لانه انا متاكد مية بالمية والله اعلم انه راح يجي سؤال على هالشكل وترى المسالة مرة بسيطة مايحتاج لها اي شيء فاتمنى الكل يحاول يفهمها والدرجة في مثل هالاختبارات لها قيمتها يعني لاتستهوني فيها وتقولي والله سؤال واحد ماراح يسوي شيء

انا شرحت المسالة حتى تعم الفائدة للجميع ونحاول قد مانقدر نسوي يلي علينا وهذا شيء بسيط في حق المنتدى واعضاءه يلي صراحة استفدت منه الشيء الكثيرررر

دمتم بخير