ملخص لمادة الاحصاء 111 من مجهودي المتواضع

[فرحة]

مازلت في مثال رقم 7-3 صفحة 226

المطلوب رقم 2 احتمال الحصول على دخل اسره اكبر من 1500 ريال
يشبه المطلوب رقم 1 فلذلك ابغا استأذن منكم اسمحولي اعديه
بس راح اكتب النواتج

ناتج الدرجه المعياريه z في الخطوه الاولي بيطلع -1

الخطوه الثانيه
0.8413=-1 فاي -1 = (z>-1)


شرح سريع للخطوه الثانيه

فتحت قوس كتبت فيه z ارجع اشوف هو قال اكبر من ولا اقل من قال اكبر من اذن اضع اشاره اكبر من
-1 هي عباره عن ناتج الدرجة المعياريه الي طلعتها من خلال الخطوه الاولي وهي التعويض بقانون z الي هو x الدرجة الخام ناقص الوسط قسمة الانحراف بيطلع الناتج -1 اكتبو بعد اشاره اكبر من
اقفل القوس

اكتب يساوي فاي -1 هذه عباره عن اني اشوف القوي حقي الاشاره التي بداخل القوس هل هي اشاره اكبر من ولا اقل من اذا كانت اشاره اكبر من اذن اضع فاي -1
اذا كانت اشاره اصغر من اضع فاي على طول بدون -1

الان ارجع اكتب الناتج حقي الي طلعتو من الخطوه الاولي وهو ناتج الدرجة المعياريه z وطلع عندي انو -1
ثم حول الفاي الي رقم كيف قلنا من الجدول الذي بصفحة 275 وصفحة 276
ابحثو عن رقم -1 الي هو رقم الدرجة المعياريه z وشوفوه فين والرقم الي قدامو هو الي تكتبوه هنا
الرقم حيطلع في صفحة 276 الخانه رقم 11
حتلاقوه كاتب 1.0 قدامها كاتب 0.8413



انتهت

[بسـام]

شكرا دكتوره فرحه

الموضوع في المفضله راح ارجع له من البدايه

عندي سؤال : ايش الفرقا بين الوسط الحسابي للبيانات المبوبه والغير مبوبه

[دنقور]

نشكررررررررركم على جهوكم الرائع بس احس ان فيه اختلاف بين الشرح من المدرس الخصوص حقي وشرحكم الحلووووووووووووه ياجماعه الوسيط الحل : ناخذ القيمة بالوسط كالتالي
5 .6 .7 .4 .2 ناخذ 7 ونقسمه على 2 صح والا لا

[فرحة]

مازلنا في المثال 7-3 صفحة 226


المطلوب رقم 4 اسمحولي اعديه لانو نفس خطوات المطلوب رقم 3 انتو حلوها بنفسكم

اذا ما عرفتو فأرجوكم انكم تكتبولي ومن عيوني بحلها لكم
راح افضل ادخل المنتدي الي يوم الثلاثاء الين يوم اختباركم اوعدكم ولو شفت اي احد كاتب اي سؤال راح اجاوب
لانو لسا انا اختباراتي تبدء يوم 11-2 يعني بعدكم فممكن ادخل المنتدي اشوف يمكن احد منكم وقف معاه اي سؤال
اشرحلو هو تاني





طيب نكمل المطلوب رقم 5

هذا مختلف تماما بس جدا سهل

5 احتمال الحصول على دخل اسره ينحصر بين 2400 و 2550


شفتو كلمة ينحصر بين لونتها بلون احمر عشان تلفت انتباهكم
طيب هذي الكلمة ححتاجها بالحل بالخطوه الثانيه
فاكرين المثالين السابقين اقل من اذن اضع اشاره اصغر من لو قال اكبر من اذن في الحل اضع اشاره اكبر من
طيب هو هنا قال ينحصر بين اذن ايش حعمل ايه اشاره اختار ؟؟
ان شاء الله في الخطوه الثانيه حنشوف مع بعض





الان خلونا في اول خطوه اعطاكم اثنين X يعني درجتين خام
اذن الحل يكون اجيب الدرجة المعياره حقت كل X لوحدها يعني اجيب اول شي الدرجة المعياريه ل الدرجة الخام التي تساوي 1650 ثم ارجع اجيب الدرجة المعياريه حقت الدرجة الخام الثانيه التي تساوي 2250




نبدء حل بسم الله الرحمن الرحيم

الحل :

القانون

الوسط - x
ـــــــــــــــــــــــــ = z
الانحراف


اعوض في القانون


1800 - 1650
ـــــــــــــــــــــــــ = z
300


اصرحو ثم اقسمو يطلعلكم الناتج 0.5 -

طيب الان اجيب الدرجة المعياريه للدرجة الخام الثانيه الي هي 2250



القانون


الوسط - x
ـــــــــــــــــــــــــ = z
الانحراف


اعوض في القانون


1800 -2250
ـــــــــــــــــــــــــ = z
300


الناتج يطلع 1.5





طيب النواتج الي طلعت هي الناتج الاول هو 0.5 - الناتج الثاني هو 1.5
الخطوه الثانيه


(هنا اكتب الناتج الاكبروهو 1.5 > Z > هنا اكتب قيمة الناتج الاصغر هو 0.5 - )


شايفين اشارة اقل من ابغاكم تخلوها اصغر من او يساوي يعني تحطو خط تحت > هذه الاشاره اسمها اصغر من
لكن اشاره اصغر من او يساوي هي نفس اشاره اصغر من بس تحتها خط
للاسف مقدر اكتبها لانو الكيبورد مافيه ..
لو كتبتو الحل بهذا الشكل يكون غلط لانو الاشارات التي تقع ال Z بينها لازم تكون اشارات اصغر من او يساوي
الي انا كاتبتلكم هي هذه اشارات اصغر من فقط
اتمني تفهموني وسامحوني احيانا اغلس عليكم بس اكتشفت انو الكيبورد لازم ينضاف فيه ازرار تانيه كتير ولا تخافو قريب حخترع واحد فيه كل رموز الحصاء لووول




الان نكمل حل بعد كل الي كتبناها وهو كدا
(هنا اكتب الناتج الاكبروهو 1.5 > Z > هنا اكتب قيمة الناتج الاصغر هو 0.5 - )
لازم نكمل
قلنا التكمله تكون على حسب الاشاره لو لقيناها اشاره اصغر من نضع فاي
لو كانت الاشاره التي بداخل القوس اشاره اكبر من نضع فاي-1
طيب لوكانت الاشاره اصغرمن او يساوي اذن اضع فاي فقط اتعامل معاها كأنها اشره اضغر من
اذن اشره اصغر من او يساوي اضع فاي برا القوس حنحط فاي زي كدا



0.5 - فاي ــــ 1.5 فاي (ا1.5 > Z > ا 0.5 -)


طيب الان انا لونت اشاره الناقص بلون احمر عشان تنتبهو عليها
لانو بما انو عندي ناتجين اذن لازم اطرحهم من بعض
بس مو هدول النواتج الي ينطرحو من بعض لا النواتح هدي نطلع قيمها من الجدول صفحة 275 وصفحة 276
والي اطرحو هو القيم الي طلعت



راح احل عشان تفهموني
قيمة ال 1.5 طلعت من الجدول الي في صفحة 276 الخانه الكحليه الخانه رقم 17 مكتوب رقم 1.5 هذا الرقم قدامه مكتوب 0.9332

طيب اطلع قيمة الناتج الثاني وهو 0.5- اطلع قيمته من الجدول صفحة 275 هناك ابحثو عن نواتج الارقام السالبه
الناتج طلع عندي يساوي 0.3085
انتبهو ابحثو عن الرقم 0.5- في جدول الارقام السالبه هو صفحة 275 لانو الرقم سالب


الان اطرح الرقمين من بعض



0.3085- 0.9332



ونطرح النواتج من بعض بس انتبهو حطو الفاصله الي في الارقام اكتبو الرقم بالضبط زي ماهو بالفاصله

الناتج بيطلع 0.6247

[أحلآم المهآ]

فـرحه حبيبتي انا عندي مشكله بالنسبه لدرس الانحدار الخطي البسيط ، المثال الي حليتيه
معانا ص 132، عندي القانون الاول (b) طلع الناتج بالاله 0.35 وفي الكتاب الناتج
0.36 انتي قولتي انو موو مشكله في الناتج اذا كان العدد قريب ، طيب في هذا الدرس
الناتج مرتبط بعد كذا في قانون (a) وفي القانون النهائي ، طيب انا تلخبطت علياا الدنياا
في الاخير لأنو مونفس ناتج الكتاب ، في هذي الحاله ايش اسوي؟ اغير الآله حقتي ولا
كل الآلات نفس الشيء؟؟؟

[فرحة]

طيب مازلنا في مثال رقم 7-3 صفحة 226

المطلوب الخامس اسمحولي اعديه لانو نفس المطلوب رقم 4 فمافي داعي نضيع وقت فيه
بس الي مايعرف الحل يرجعلي وانا احلها معاه ان شاء الله



المطلوب رقم 7
7 اوجد عدد الاسر التي يزيد دخلها عن 1500 ريال

هذي كيف اجيبها مختلفه تماما عن اي شي طالبو من قبل
انتبهو معايا قال اوجد عدد اول ما تشوفو كلمه عدد
الحل زي كدا





نرجع للمطلوب رقم 2 احتمال الحصول علي دخل اسره اكبر من 1500
طلع الناتج فيه يساوي 0.8413


طيب ليش طلبت منكم ترجعولي للمطلوب رقم 2 وليش كتبت الناتج حقو
لانو هو في المطلوب رقم 7 قال اوجد عدد الاسر التي يزيد دخلها عن 1500
اذن نرجع لهذا الرقم 1500 ونشوف احنا لما حليناه ايش الناتج الي طلع
الناتج طلع معانا 0.8413

نضرب هذا الناتج ضرب 1000
ليش ضرب 1000 ليش هذا الرقم بالذات لانو في رأس السؤال قال اذا كان دخل اسر في مدينه 1000 اسره

اضربوهم في بعض يطلعلكم الناتج يساوي 84103

وهذا هو حل المطلوب رقم 7


حاسه اذا جابلنا السؤال بيجيب اول شي المطلوب رقم 2 وبعدين المطلوب رقم 7 زي كذا
بس مرا حاسه انو السؤال دا راح يجي

[فرحة]

احلام المها دنقور بسام
الان الوقت اتأخر وابغا استأذن منكم اني اجاوبكم اليوم في الظهر ان شاء الله ماراح اتأخر عليكم
وباقي لنا حل الاختبار الذاتي للباب السابع فقط


استأذنكم معليش

[فرحة]

المشاركة الأصلية كتبت بواسطة أحلآم المهآ فـرحه حبيبتي انا عندي مشكله بالنسبه لدرس الانحدار الخطي البسيط ، المثال الي حليتيه معانا ص 132، عندي القانون الاول (b) طلع الناتج بالاله 0.35 وفي الكتاب الناتج 0.36 انتي قولتي انو موو مشكله في الناتج اذا كان العدد قريب ، طيب في هذا الدرس الناتج مرتبط بعد كذا في قانون (a) وفي القانون النهائي ، طيب انا تلخبطت علياا الدنياا في الاخير لأنو مونفس ناتج الكتاب ، في هذي الحاله ايش اسوي؟ اغير الآله حقتي ولا كل الآلات نفس الشيء؟؟؟

يا احلام المها
الناتج صحيح لانو اختلاف رقم واحد مو مشكله انا قلت هذي المعلومه اكثر من مره
الرقم المختلف هو 6 و 5 فرق واحد رقم اذن مو مشكله الحل صحيح
وبعد كذا حتي في الاختبار ان شاء الله لو حليتي ولقيتي بعد الفاصله القرائتين الارقام فيهم مختلفه ب رقم واحد خذي اقرب شي
اذا ما فهمتي ارجعيلي تاني وافهمك اوكي

[Šυρя Rǿ๐яǿ]

ربي يسسسعدك ويفتحها عليكِ يآررب ويحقق كل الي ببآلك ويفررجها عليكِ يآرب
مرا شرحك حلو وسهل حتى اني صرت احب آلمآده ^^"
وياليت تشرحي الباب الثامن ولو شويه منو
لانو تععرفي ب السنترا انحذفت كل المحاضرات وانا ماحضرت المحاضرات الاخيره
و الاختبار الاسبوع آلجاي ومافي وقت
وربي مانسى لكِ دا المعععروف دايمآ ادعيلك ’

[أحلآم المهآ]

المشاركة الأصلية كتبت بواسطة فرحة يا احلام المها الناتج صحيح لانو اختلاف رقم واحد مو مشكله انا قلت هذي المعلومه اكثر من مره الرقم المختلف هو 6 و 5 فرق واحد رقم اذن مو مشكله الحل صحيح وبعد كذا حتي في الاختبار ان شاء الله لو حليتي ولقيتي بعد الفاصله القرائتين الارقام فيهم مختلفه ب رقم واحد خذي اقرب شي اذا ما فهمتي ارجعيلي تاني وافهمك اوكي

اوكي فروحه انا فاهمه عليكي ، بس انا قصدي في درس الانحدار الخطي البسيط ناتج قانون b مونفس الناتج عندي صح الفرق رقم واحد بس المشكله انو موهواا الحل النهائي ، في تكمله للحل يعني الناتج مرتبط بقانون a والقانون النهائي ، فهمتي عليا؟ يعني هما لو كانوا طالبين مني ناتج قانون b موو مشكله لأني حعرف وقتها انو الفرق بس رقم ، انا قصدي في هذا المثال بالذات (4-8) ص 132 انو ناتج قانون b مو هواا الحل النهائي للسؤال عشان اعتمد عليه... ان شاءالله تكوني فهمتي علياا’’’