اش شعوركم وانت انقبلتو في كلية الطب << ابغى مشاااااعر

[مايلي]

قلتلها ترى بكرا حأعرف انا ايش حدرس فدعواتك يا خاله

قالتي الله يوفقك ومن دا الكلام الروتيني بدون نفس


رجعت البيت تعبان حطيت راسي ونمت

صحيت ونزلت الصاله وفي يدي لاب توبي ( كالعاده )

امي في المطبخ

فتحت الاودس وانا اكتب رقم الطالب

فجأه حسيت بالخوف وكأنه اتفجر داخلي وحده مرره


وقفت يدي ثواني وبعدين هديت نفسي واكملت الرقم ( مع العلم اني ادخلته غلط اول مرره من الخوف )

بعدين فتح مع العلم اني فاقد الامل من طب الاسنان بقوه لأن كثير قالولي ان العدد حقه اقل من البشري وما الى ذلك

وكنت راسم توقعات الى 90 في الميه انه الكليه حتكون صيدله او بشري

فعلا قرأتها وكان مكتوب اسنان

ابتسمت وسجدت لربي سجود شكر وهذا الي لاحظت ان الكثير سواه وفعلا سررت بما قرأت

رحت لأمي سلمت على راسها وقالتي انا عارفه يا ولدي وزي كدا

بعدين مسكت الجوال ولأني لا املك اي صديق شعرت بحزن لأنه لا يوجد من اقول له باركلي

صليت العصر وجاني ولد الجيران بعد الصلاه يكلمني

وقلتله وباركلي وقالي لازم تعزمنا

انا وافقت واتعشيت معاه في فدركرز في الروشان مول

دا كان يوم قبولي واسأل المولى انه احتوى المشاعر الي تبغو تشوفوها

طبعا احلا ما في الموضوع وانا اكلم امي كان اخويا الكبير ( طالب طب بشري واقنعني ع الاسنان ) جالس ع الطاوله

ومن بعيد عمل بإبهامه علامة الجوده ^^ قالي تمام عليك


كامل احترامي للكل

LucKy LaD[/quote]


يلا يا لاكي مبروك عليك

صعبه هذي الايام تلاقي الي يفرحلك زي امك وابوك واخوانك

او يلاقي صديق مخلص يشاركه فرحته

تحياتي لك يااخي