تخصص الكيمـياء الـحيويـة هل يميل أكثر إلى الأحياء أو الكيمياء ؟

[R-Kh]

وعليكم السلام
...

q1 \ بأختصار اش هوا تخصص الكيمياء الحيوية وهل هوا تخصص يميل لصعوبة ولا السهولة ؟

الكيمياء الحيويه >http://www.skaau.com/vb/showthread.php?t=48406
مافي شي صعب طالما انت تحب القسم وداخل عن رغبة
...

q2 \ تخصص الكيمـياء الـحيويـة يميل أكثر إلى الأحياء أو الكيمياء "اتكلم كامادة راح تعتمد على اي اكثر لاني احب الأحياء واشوف الكيمياء شويا صعبة عليا طبعا ابغى اجابة محددة " ؟

يميل للأحياء أكتر
والكيمياء هيا مجرد كورسين تاخدهم وبس
والاحياء اكتر من كورس
...

q3 \ الكيمياء الحيوية هيا عموما تخصص نظري ولا عملي ؟

لكل مادة جزئين عملي ونظري
وبالعاده العملي اسهل بكتير
...

q4 \ اش المجالات الوظيفية الي ممكن التحق بها بعد تخرجي ويليت توضحولي هل هذا التخصص له وظائف ولــلا ؟ لحد يقولي طيب لو تحب التخصص لاتنظر في هذا الموضوع اش الفايدة ادرس تخصص و احبه وانا اعرف اني ماراح استخدمه او ازاول عمله

شوف الوظايف شغلتها شغله
لان خريجين كلية العلوم الطبية بيتخرجوا اخصائين مختبرات
واحنا فنين مختبرات
فـ الاوليه ليهم لانهم اخصائين دا فـ مستشفيات الحكوميه
لكن عمتى في مستشفى أهلي بتقول انو لو جانا فني واخصائي ناخد الفني
لان الفني راتبو اقل
لو مره لا سمح الله ما لقيت وظيفة
ممكن تدرس السنتين الموازية بعد البكالوريس
تدرس سنتين وتصير بعدها أخصائي
واغلب المستشفيات الدراسة الموازيه عندها منتهيه بالتوظيف
...

هوا التوظيف صراحة قرايت اكثر من مرة عن معناة خريج البيوكمستري اكثر من مرة في الجرايد و صراحة الواحد يخاف

الأرزاق بيد الله
لو ربي كاتبلك هيا تاخد الوظيفة ولو كان اخصائي متقدم ليها
وفي مطالبات من خريجي القسم بتعديل مسمانا الوظيفي
وان شاء الله نقدر نغير الشي دا
...
الله يوفقك ونشوفك بايوكيميائي قد الدنيا
..
:)