المستجدين تعالوا هنا ..

[اريج الورد]

مساء الخير للجميع ..وش رايكم بالمستجدين ..بس معليش مالقيت الا هذا المصطلح قدامي ..
ان شاء الله الجميع بخير ..لاحظت بالمنتدى الكثير يسال عن الانتساب وهل هو صعب او لا
ووكيف احصل الكتب ..واسئله كثيره ..فحبيت اضع الموضوع بينكم لعل ان شاء الله الكل يستفيد منه ..
اولا راح اشرح لكم وشو الانتساب ..
الانتساب هو (ابشرحه بالمفهوم العامي ..)
للكسلانين ..نوم ومرعى وقله صنعى وباخر المستوى دراسه لمده اسبوع وبعدين اختبار ..
للناس المهتمه ..دراسه مستمره بس بالبيت ..يعني مافيه دوام كل يوم ندرس بالبيت ويكون فيه بتاريخ معين
دورات لمده معينه .. للتخصص اللي انت تدرس فيه ..
بس بما ان النظام جديد وعلى وجيهننا السنه الماضيه صار فيه سنه تحضيريه ..(يعني مواد عامه ..)
وراح تنقسمون انتم يالمقبولين الى خطتين (أ_ب)
خطه أ راح يدسون مواد معينه ..وخطه ب راح يدرسون مواد مختلفه ..وبعدين بالمستوى الثاني راح يتبادلون المواد ..
يعني هي مواد معينه بس يقسمونهن على خطتين ..
وعلى طاري الكتب والجداول ..اول شي الجداول راح تلقونه بنظام الاوديس (نظام خدمات الجامعيه)

http://odus2.kau.edu.sa/students/index.asp?

راح تلقون كل شي تسالون عنه باي خطه راح تكون ووشي المواد المطلوبه ..وجدول الاختبارات وتاريخ بدايه الدورات اللي وده يحضره ..
بس ماعليك الا انك تدخل رقمك الجامعي وكلمه المرور ..وكل شي يطلع لك ..
وعلى الكتب راح يكون فيه مكتبات يوجد به الكتب المطلوبه ..ماعليكم الا تقولون انكم بجامعه الملك عبدالعزيز والخطه اللي انتم فيها وراح يعطيكم اللي تبون ..بس للاسف مااعرف الا مكتبه المهندس بالرياض .. واتوقع فيه مكتبه خوارزم واتوقع انه بجده ..
راح يكون بالمكتبه الكتب المطلوبه وبعد راح يكون فيه ملخصات وباخر الملخصات راح تكون مجموعه اسئله السنوات الماضيه ..
يعني بالمختصر لاتشيلون هم وتضيق صدوركم ..كل شي ميسر لكم ..
واللي يسال عن الانتساب هل هو صعب او سهل ..انا اقوله بالعكس اسهل شي ..بس يبي شده حيل .. اما انك تبي تلعب كل السنه وبعدين تبي درجات حلوه ..
لا يابابا اللي يبي يلعب يترك الدراسه للي يبي يدرس ..<<ماودك تطقين بعد ..
الا والله كلكم شدوا حيلكم ..يعني حرام الواحد يدفع فلوس للجامعه ..وبعدين يشري كتب ..وبعدين يجيب معلمين ..
وكل هذا خساير ..واخر شي احمل مواد والا مااجيب معدل حلو ..
بس شده حيل وكل شي تمام ..
بس هذا اللي اعرفه اما من ناحيه الانتظام فماادري عنه شي..
اتمنى انكم تستفيدون من اللي كتبته ..
موفقين ..يارب

[السيكا ميكا]

تسلمين ياذوق
درر وجمعتي المطلوب بالمختصر المفيد
لاعدمناك ومابنستغني عنا توجيهاتك يادكتوره اريج الورد



شرهتك على اللي يدري وش الطبخه
شلة شباب هبقت بروسنا بجلسه نكمل الدراسه وسجلنا بالجمله
والباقي يحلها الله

[اريج الورد]

المشاركة الأصلية كتبت بواسطة السيكا ميكا شرهتك على اللي يدري وش الطبخه شلة شباب هبقت بروسنا بجلسه نكمل الدراسه وسجلنا بالجمله والباقي يحلها الله

هذا اللي مانبيه ..نبي ناس تشد حيله ..ولاتتهاون وتظن ان الانتساب ..
لعب ووناسه ..
موفق ..

[-مشاري-]

يالربع ممكن سؤال انا ماعندي طبق الاصل وارسلت الاصل...

تمشي امووووري او ماتمشي

[اريج الورد]

وش تقصد بالاصل اخوي ..
كانه الشهاده فاتوقع مافيه مشكله ..:)

[يارب انتسب]

اختي
اريج الورد

بالنسبة لي ونيابة عن نفسي
أفادني موضوعك كثيراً حيث أجبت عن تساؤلات كنت أبحث عن إجاباتها

نتمنى منك عرض المزيد والمزيد من خبراتك في مجال الإنتساب
فكلنا آذان صاغيه

لك ودي واحترامي

[اريج الورد]

المشاركة الأصلية كتبت بواسطة يارب انتسب اختي اريج الورد بالنسبة لي ونيابة عن نفسي أفادني موضوعك كثيراً حيث أجبت عن تساؤلات كنت أبحث عن إجاباتها نتمنى منك عرض المزيد والمزيد من خبراتك في مجال الإنتساب فكلنا آذان صاغيه لك ودي واحترامي

هذا اللي ابيه انا ..وان شاء الله اي شي اذكره راح اكتبه ..
والاعضاء ماراح يقصرون بعد ..
موفقه ..

[بنوته...]

يعني ندرس زي بعض ما في تحديد مسارين علمي وادبي
يعني ادرس رياضيات كيمياء فيزيا
وي وي واللي ما تبى ايش تسوي؟؟؟

[aldossda]

شكريا بآي :)


واجد شكرن هع

[مظلومه دراسيا]

جزاك الله الف خير
وان شاء الله نشد حيلنا ونجيب معدلات حلوه