العمل رفض يعطيني خطاب لجامعه حسبنا الله ونعم الوكيل - نبي حل لاهنتم

[محمد العصيمي]

السلام عليكم

قدمت واخذت رقم طلب وكامل اوراقي جاهزه معاد العمل
رفض خطاب الموافقه على اكمال الدراسه
بحجة عدم استفاده الموطف منها ؟؟ او شئ من هذا القبيل
وبحجة تعطيل العمل ؟؟
علما هنا بعثات في الوزارة لخارج لبعض الموظفين
وهل تعطيل العمل في كل ترم اخذ اجازة مدة لا تزيد عن 14 يوم
والبعثات ماهي تعطيل عمل ؟
وهل تعطيل العمل فقط في اكمال الدراسه بنظام الانتساب ؟
فيه ناس تاخذ اجازات بالاشهر من رصيدها هو تعطيل عمل
طرح لهم حل كتالى
ادرس واقدم الاجازة من رصيدي عندي 35 يوم في كل سنه بقسمها على وقت الاختبارات اذا كتب الله لنا فيها
قالو مرايح نقبل الشهادة بسبب عدم الموافقه السابقه من الوزارة
بكون وجودها مثل عدمها
حسبنا الله ونعم الوكيل
حسبنا الله ونعم الوكيل
اتمني اجد الحلول هل يحق لوزارة رفض موظف خادم عقد من الزمن ودرس سنوات في الليلي حتى اكمل الثانويه وطموحه في اكمال الدراسه الجامعه ماخذت الثانويه الا لإكمال الجامعه واذا كتب الله فيها نجاح نواصل اذا ماحصل توفيق والتوفيق بيد رب العالمين نعتذر عن الإكمال
هل يحق لها ابتعاث موظفين لعدة سنوات لخارج وتكاليف الخ ,,
ورفض طلب اكمال الدراسه ؟ بالانتساب ؟ في السعوديه
معلومه في السنوات الماضيه هناك موافقات لطلبة الاتنساب لكن السنوات الاخير تم رفضها على الجميع

في نظري مالهم اي حق بمنع اكمال الدراسه لكن النظام وش يقول ؟؟؟
اذا فيه احد عند حل او نظام لدوائر الحكومية يقول لنا
او يدلنا على الجهة المعنيه بنظام اكمال الدراسه بالانتساب اروح واسئلهم بنفسي مثل الخدمة المدينة او المظالم او غيرها

برجع اطالبهم بخطاب الموافقه مع العلم ان نسبة القبول في الوقت الحالى 0%
على حسب كلام المختصين في الوزارة

نرسل الاوراق او انتظر الموافقه ؟
او ارسل الاوراق في حال الحصول عليها ارسل خطاب موافقة العمل مره ثانيه لجامعة ؟


حسبنا الله ونعم الوكيل

[زكي زكي]

حتى لو ما عطوك موافقة ادرس وخذ إجازة من رصيدك

وبعد ما تتخرج وتاخذ الوثيقة يصير خير ..(يقبلونها غصب)

للعلم موافقة جهة العمل ليس من أجل الإعتراف بالشهادة وإنما للأختبارات

للأسف الطموح يقتل خوفاً على المناصب

[أبوريــان]

أخي الكريم الموافقه من جهة العمل ليسة مشروطه تماماً في الجامعه أنا أعرف ناس كثير قدمو على الإنتساب بدون ما ياخذون موافقه من جهة العمل
كمل أخي دراستك وخذ إجازه وقت الإختبارات

[ماازن]

انت خذ الشهاده وماعليك منه

واذا اخذتها يحلها ربك

[رجل نادر]

السلام عليكم أخوي انا قدمت

على برامج الانتساب ماقدمت ورقة من العمل والاشي ماعليك منهم

قدم اوراقك ويصير خير واصلا مايسألون عنها

وبالتوفيق

[علي الحمامة]

اذا كنت موظف حكومي .. فالعمل مجبر تماماً على الموافقة والنظام ينص على ذلك ..
راجع الوزارة التي انت تابع لها .. وخذ الموافقة من عندهم
لا يوجد اي عمل يرفض ذلك مهما كان وقرار مجلس الوزراء واضح وصريح بهذا الخصوص

اما اذا كنت موظف شركة فهذا امر ثاني

[JIjJjJI]

موظف حكومي موظف قطاع خاص .

الكل لا يحتاج موافقة جهة العمل ، بل هو شرط روتيني من شروط الجامعه . ولا تهتم به ، فأعرف الكثير من الزملاء معي في العمل التحقوا بدون إحضار موافقة جهة العمل . بل مجبوره جهة العمل الموافقة على طلب الموظف لإستكمال دراسته .

عموماً .
حتى في نظام العمل والعمال من ضمن لوائحه وجوب موافقة العمل على أي مواطن يرغب بإستكمال دراسته الجامعيه ، ووجوب منحه إجازة اختبارات .

حسب المادة رقم 115 من نظام العمل الذي صدر بمرسوم ملكي رقم (م/51) وتاريخ 23/08/1426هـ . ونشر بجريدة أم القرى في العدد رقم (4068) وتاريخ 25/09/1426هـ .

وبالإمكان مراجعه أي مكتب عمل للحصول عليه .

بالتوفيق

[قصيمي 5551]

اذا موظف حكومي ما عليك

غصب يعطونك واذا ما عطوك كمل اوراقك لا وجا وقت الاختبارات اشعار حضور من الجامعه وانتهينا

[المبلع]

توكل على الله وكمل انا قدمت وكملت وباقي لي سنه دعواتكم لي ولا اخذت موافقه ولا شي ووقت الاختبار اجيب لهم اشعار من الجامعة ويكتبون لي اختبارات ولا تحسب من رصيد اجازاتي ولا اجازة ولا شي

[محمد العصيمي]

الله يجزاكم خير شخص شخص وكثر الله من امثالكم
انا ذكرت اني تبع احد الدوائر الحكومة ( وزارة )
وابشركم بعد ماقريت ردوكم اثلجتم صدري
لكن سؤال عن القرار هذا
حسب المادة رقم 115 من نظام العمل الذي صدر بمرسوم ملكي رقم (م/51) وتاريخ 23/08/1426
يقول هنا نظام العمل هل يقصد به العمل اي موظف حكومي او شركة الخ,, او مقتصر على جهة محدهه تبع وزارة العمل ؟
اتمني الحصول على صوره منه بحثت في الصحف ولم اجده وبحث في الارشيف الصحف ولم اجده
حتى اخذ من صوره و ارفقه لوزير واخذ الموافقه بموجب النظام 100%

بارك الله فيكم